بھارتی میڈیا میں ان دنوں بالی وڈ اداکارہ پرینیتی چوپڑا اور عام آدمی پارٹی (اے اے پی) کے رہنما اور رکنِ پارلیمنٹ راگھو چڈھا کی قربتوں کی چہ مگوئیاں ہو رہی ہیں۔
دونوں کو حال ہی میں ایک ساتھ ممبئی کے ایک ریستوران میں دیکھا گیا تھا جس کی ویڈیو سوشل میڈیا پروائرل ہوئی تھی۔ اس ویڈیو کے بعد پرینیتی چوپڑا کے مداحوں ان دونوں کے رشتے کے بارے میں چہ مگوئیاں کرنے لگے تھے۔
بعدازاں منگل کو عام آدمی پارٹی کے رکنِ پارلیمنٹ سنجیو اروڑا نے ایک ٹوئٹ میں پرینیتی اور راگھو کو مبارک باد پیش کرتے ہوئے کہا کہ ان دونوں کے جڑنے پر نیک تمنائیں ان کے ساتھ ہیں۔
I extend my heartfelt congratulations to @raghav_chadha and @ParineetiChopra. May their union be blessed with an abundance of love, joy, and companionship. My best wishes!!! pic.twitter.com/3fSWVT4evR
— Sanjeev Arora (@MP_SanjeevArora) March 28, 2023
اس ٹوئٹ کے بعد ٹوئٹر صارفین کی جانب سے بھی اداکارہ اور رکنِ پارلیمنٹ کو مبارک دیں دی جانے لگیں۔
دھرمندرا مشرا نے کہا کہ "چڈھا جی کو مبارک ہو، اب راج نیتی نہیں پرینیتی پر ہی بات شروع ہو گئی۔"
Congratulations Chadha ji, ab to राजनीति नहीं, परणीति पर ही बात शुरू हो गई।
— Dharmendra Mishra @IndiaTv (@dharmendramedia) March 28, 2023
ٹوئٹر صارف مختار چوہدری نے دونوں کے مستقبل کے لیے نیک تمناؤں کا اظہار کیا۔
Congratulations best wishes for future
— Mukhtar Chowdhary (@Nawab_Mukhtar) March 28, 2023
ایک اور صارف پون کمار نے سوال کیا کہ دونوں نے اعلان کب کیا؟
When did they announced?
— pavankumar (@pavankumarmsc9) March 28, 2023
فیضان نامی ایک ٹوئٹر صارف نے لکھا کہ "راج نیتی سے پرینیتی تک کا سفر۔"
Rajneeti se parineeti tak ka safar
— Faizan (@faizanfarooq_6) March 28, 2023
یاد رہے کہ پرینیتی چوپڑا اور راگھو چڈھا کی جانب سے شادی یا منگنی کا باضابطہ اعلان نہیں کیا گیا ہے۔
بھارتی نشریاتی ادارے 'این ڈی ٹی وی' کے مطابق جب دونوں کو ممبئی کے ریستوران میں ساتھ دیکھا گیا تھا تو میڈیا کی جانب سے پوچھے جانے والے سوالات پر راگھو چڈھا نے کہا تھا کہ "آپ مجھ سے راجنیتی کے سوال کیجیے پرینیتی کے نہیں، اور جب شادی کروں گا تو آپ کو بتا دوں گا۔"
واضح رہے کہ راگھو چڈھا سن 2022 میں بھارت کے سب سے کم عمر رکنِ پارلیمنٹ بنے تھے۔ جہاں وہ ریاست پنجاب کے نمائندہ تھے۔
پرینیتی اور راگھو کے کے رشتے سے متعلق ٹوئٹ سامنے آنے کے بعد اداکارہ سے ایئرپورٹ پر شادی سے متعلق سوال کیا گیا تو انہوں نے ہاں یا نہ میں جواب دینے کے بجائے صرف مسکرا دیا۔
اداکارہ پرینیتی چوپڑانے سن 2014 میں فلم 'لیڈیز ورسز رکی بھیل' کے ذریعے بالی وڈ نگری میں قدم رکھا تھا۔ انہوں نے عشق زادے، ہنسی تو پھنسی اور میری پیاری بندو جیسی فلموں میں کام کیا ہے۔