بالی وڈ کی مشہور کامیڈی فرنچائز 'ہیرا پھیری' کے سیکوئل میں ایک نئے چہرے کو شامل کیے جانے کا دعویٰ کیا جا رہا ہے جس پر اکشے کمار کے مداحوں کو شبہ ہے کہ یہ نیا چہرہ ان کے پسندیدہ 'راجو' کا کردار ادا کرے گا۔
جمعے کو ہیرا پھیری کے 'بابو بھائی' یعنی اداکار پاریش راول نے ٹوئٹر کے ذریعے بتایا کہ 'ہیرا پھیری تھری' کی کاسٹ میں ایک نئے چہرے کو شامل کیا جا رہا ہے۔
ایک مداح نے اداکار پاریش راول کو ٹیگ کر کے سوال کیا کہ "کیا یہ بات درست ہے کہ ہیرا پھیری تھری میں کارتک آریان بھی اداکاری کریں گے؟"
پاریش روال نے مداح کے سوال کا جواب دیتے ہوئے کہا کہ "جی یہ درست ہے۔"
بعد ازاں سوشل میڈیا پر اداکار اکشے کمار کے مداحوں کی جانب سے ردِ عمل سامنے آ رہا ہے۔
مداحوں کو شبہ ہے کہ اداکار کارتک آریان 'راجو' کا کردار ادا کریں گے۔
Yes it’s true . https://t.co/JtdI4Yp2nb
— Paresh Rawal (@SirPareshRawal) November 11, 2022
اس سے قبل اداکار کارتک آریان کو معروف فرنچائز 'بھول بھلیہ' کے سیکوئل میں اداکار اکشے کمار کی جگہ کاسٹ کیا گیا تھا۔
'بھول بھلیہ ٹو' میں بھی اکشے کمار کی جگہ کارتک آریان کو کاسٹ کرنے پر ان کے مداحوں نے غم و غصے کا اظہار کیا گیاتھا۔
نزاکت راتھر کہتے ہیں کہ اکشے کمار کے بغیر ہیرا پھیری تھری نا مکمل ہے۔
#HeraPheri3 is incomplete Without #AkshayKumar𓃵 Guys Do you agree Then Retweet Nw pic.twitter.com/XBmnTfGbrV
— Nazaket Rather (@RatherNazaket) November 11, 2022
ابھیشیک کہتے ہیں کہ اکشے کمار کے بغیر ہیرا پھیری تھری ایسی ہے جیسے روح کے بغیر جسم۔
If Paresh Rawal is A Heart ♥️ of Hera Pheri series then #AkshayKumar is the soul 💜. Without Akshay #HeraPheri3 will be like a body without soul.NO AKSHAY NO HERA PHERI3#HeraPheri3 #HeraPheri pic.twitter.com/v8yy0cIiWJ
— Abhishek Lohia (अभिषेक लोहिया) (@JuniorLohia) November 12, 2022
فلمی نقاد کے آر کے نے کہا کہ "بھول بھلیہ ٹو میں بھی اکشے کمار کی جگہ کارتک آریان کو کاسٹ کیا گیا تھا، کارتک ہیرا پھیری تھری کی کاسٹ میں بھی شامل ہوگئے ہیں۔"
Kartik did #BhoolBhulaiyaa2 in place of Akki. Kartik has officially signed #HeraPheri3 to replace @akshaykumar! Kartik has signed #Houseful series next film which will be official soon. Means Kartik has replaced Akki in his 3 films. But why? What’s the reason? My review coming.
— KRK (@kamaalrkhan) November 12, 2022
انہوں نے مزید کہا کہ اکشے کمار کی تین فرنچائز میں ان کی جگہ کارتک کا انتخاب کیا گیا ہے اس کی وجہ کیا ہے؟
سوشل میڈیا پر سنیل شیٹھی کی بھی ایک ویڈیو وائرل ہورہی ہے جس میں ان سے سوال کیا جاتا ہے کہ ہیرا پھیری تھری آںے والی ہے جس میں اکشے کمار نہیں ہوں گے؟
It is impossible to even imagine #HeraPheri3 without OG Raju aka #AkshayKumar !!NO AKSHAY NO HERA PHERI3 pic.twitter.com/DkRNe9tJ0o#AkshayKumar
— Madhuri Mishra (@Madhurimishra27) November 12, 2022
اس سوال کے جواب میں سنیل شیٹھی کہتے ہیں کہ ہیرا پھیری تھری میں اگر اکشے نہیں ہوں گے تو وہ فلم بنے گی ہی نہیں۔
یاد رہے کہ جب رواں برس 'ہیرا پھیری تھری' کا اعلان کیا گیا تو اکشے کمار کے مداح انہیں دیکھنے کے لیے بے صبری سے انتظار کر رہے تھے۔ تاہم فلم انتظامیہ کی جانب سے اس بات کا باضابطہ اعلان نہیں کیا گیاکہ کارتک آریان کو اکشے کمار کی جگہ کاسٹ کیا جا رہا ہے۔
'ہیرا پھیری' سن 2000 میں ریلیز ہوئی تھی جس میں اکشے کمار، پاریش روال، سنیل شیٹھی اور تبو نے مرکزی کردار ادا کیے تھے۔
بعد ازاں سن 2006 میں اس کا دوسرا حصہ 'پھر ہیرا پھیری' ریلیز ہوا جس میں پرانی کاسٹ کے ساتھ بپاشا باسو، راجپال یادو سمیت دیگر نے مرکزی کردار ادا کیے تھے۔