امریکہ کے صدر جو بائیڈن کا کرونا ٹیسٹ ایک بار پھر مثبت آیا ہے۔ صدر بائیڈن کا یہ ٹیسٹ ان کے قرنطینہ ختم اور وبا سے کلیئر قرار دیے جانے کے تین بعد کیا گیا تھا۔
وائٹ ہاؤس کے مطابق بائیڈن کا کیس اینٹی وائرل دوا کے ذریعے علاج کے بعد دوبارہ ظا ہر ہوا ہے ۔ یہ وائرس کی تشخیص کا ایک غیر معمولی کیس ہے۔
خبر رساں ادارے ‘ایسوسی ایٹڈ پریس’ کے مطابق وائٹ ہاؤس کے فزیشن ڈاکٹر کیون او کونور کا خط میں کہنا ہے کہ امریکہ کے صدر میں کوئی علامات دوبارہ سے ظاہر نہیں ہوئیں اور وہ بالکل ٹھیک محسوس کر رہے ہیں۔
Folks, today I tested positive for COVID again. This happens with a small minority of folks. I’ve got no symptoms but I am going to isolate for the safety of everyone around me. I’m still at work, and will be back on the road soon.
— President Biden (@POTUS) July 30, 2022
امریکہ کے ادارے ‘سی ڈی سی’ کی ہدایات کے مطابق صدر بائیڈن ایک بار پھر کم از کم پانچ دن کے لیے قرنطینہ میں رہیں گے۔
وہ وائٹ ہاؤس میں اس وقت تک علیحدہ رہیں گے جب تک کہ ان کا کرونا ٹیسٹ منفی نہ آ جائے۔
SEE ALSO: صدر بائیڈن کا کرونا ٹیسٹ مثبت آ گیا، ذمہ داریاں جاری رکھیں گے، وائٹ ہاوسادارے کے مطابق دوبارہ سے وائرس سے متاثرہ کیسز معتدل ہی رہتے ہیں اور اس دوران بیماری میں شدت رپورٹ نہیں کی گئی۔
اس سے قبل جب بائیڈن کا ٹیسٹ مثبت آیا تھا تو وائٹ ہاؤس نے یہ ظاہر کیا تھا کہ وہ پھر بھی کام انجام دے رہے تھے۔
If you live in Breathitt, Clay, Knott, Letcher, or Perry Counties and have been impacted by flooding, call 1 (800) 621-FEMA (3362) or visit https://t.co/GkXOgMN6Av.
— President Biden (@POTUS) July 30, 2022
اس دوران صدر بائیڈن نے سوشل میڈیا پر اپنی ایک تصویر شیئر کی تھی۔ جس میں انہوں نے فیس ماسک پہن رکھا تھا البتہ انہوں نے ٹائی نہیں لگائی تھی۔
اس تصویر میں وہ امریکی ریاست کینٹکی میں سیلاب سے متاثر ہونے والے افراد کے لیے امداد کے اعلان پر دستخط کرتے دیکھے گئے تھے۔
صدر بائیڈن نے ٹوئٹر پر 12 سیکنڈز کی ویڈیو بھی شیئر کی تھی۔ جس میں وہ وائٹ ہاؤس میں اپنے کتے کمانڈر کے نظر آ رہے تھے۔
A quick update. pic.twitter.com/FgT1sGlZCY
— President Biden (@POTUS) July 30, 2022
ویڈیو میں صدر بائیڈن کا ہاتھوں میں دھوپ کا چشمہ تھا اور ان کہنا تھا کہ وہ بہترمحسوس کر رہے ہیں اور سب کچھ ٹھیک ہے البتہ انہیں اور کمانڈر کو کچھ کام کرنا ہے۔