امریکہ کے صدر جو بائیڈن نے بدھ کو ایک صدارتی حکم نامے پر دستخط کیے ہیں جس سے اگلی ایک دہائی میں کاربن کے اخراج کو 65 فی صد کم کرنے اور وفاق کی جانب سے استعمال ہونے والی تمام گاڑیوں کو الیکٹرک بنانے کے لیے مزید فنڈ دیے جائیں گے۔
اس حکم نامے کے تحت وفاقی حکومت کے آپریشنز کے دوران کاربن کے اخراج کو کم کیا جا سکتا ہے۔ یہ بائیڈن انتظامیہ کی جانب سے موسمیاتی تبدیلی کو روکنے کے لیے کیا گیا اقدام ہے۔
Today, I signed an executive order directing the federal government to achieve net-zero emissions by 2050.
— President Biden (@POTUS) December 8, 2021
بائیڈن نے ہدایات جاری کی ہیں کہ 2030 تک تمام سرکاری عمارتوں میں استعمال ہونے والی بجلی میں کاربن کا اخراج 100 فی صد کم کیا جائے۔
اس کے علاوہ سرکاری طور پر استعمال ہونے والی تمام گاڑیاں 2035 تک بجلی سے چلنے والی گاڑیوں میں تبدیل کی جائیں اور 2050 تک وفاق کے ساتھ اجناس اور سروسز کے ٹھیکوں کو کاربن سے پاک کر دیا جائے۔
Today, @POTUS signed an executive order directing the federal government to achieve net-zero emissions by 2050, 100% carbon pollution-free electricity by 2030, and to ensure 100% zero-emission vehicle acquisitions by 2035. Read more: https://t.co/xbVYqWw6CF
— The White House (@WhiteHouse) December 8, 2021
وائٹ ہاؤس نے موسمیاتی تبدیلی سے لڑنے کے اپنے اقدامات کا اعلان کرتے ہوئے ایک بیان میں کہا ہے کہ ہے کہ امریکی حکومت کاربن سے پاک توانائی پر چلنے والی معیشت کے قیام کے لیے مثال قائم کرنا چاہتی ہے۔
اس رپورٹ میں شامل بعض معلومات خبر رساں ادارے 'ایسوسی ایٹڈ پریس' سے لی گئی ہیں۔