آسٹریلیا نے پاکستان کو پہلے ٹیسٹ میچ میں 360 رنز کے بڑے مارجن سے شکست دے کر تین میچوں کی سیریز میں ایک صفر کی برتری حاصل کرلی ہے۔ دوسری اننگز میں پاکستان کے تمام کھلاڑی صرف 89 رنز بناکر آؤٹ ہوئے۔
پرتھ میں کھیلے گئے میچ میں پاکستان ٹیم نے نئے کپتان شان مسعود کی قیادت میں شرکت کی تھی لیکن ان کی جارح مزاجی بھی پاکستان کو آسٹریلیا کے خلاف مسلسل شکستوں سے نہ روک سکی۔
یہ آسٹریلیا میں پاکستان کی 15 میچوں میں مسلسل 15 ویں شکست ہے۔ پاکستان نے آخری بار آسٹریلیا میں آسٹریلیا کو 28 سال قبل وسیم اکرم کی قیادت میں سڈنی کے مقام پر شکست دی تھی ۔
میچ کی دونوں اننگز میں نصف سینچریاں بنانے کی وجہ سے آسٹریلیا کے مچل مارش کو پلئیر آف دی میچ کا ایوارڈ دیا گیا۔
سیریز کا دوسرا میچ 26 دسمبر سے سڈنی میں شروع ہوگا۔
Australia secure a huge victory over Pakistan in the first Test 💪#WTC25 | #AUSvPAK | 📝: https://t.co/MqqkeNpidD pic.twitter.com/prIgoisgLz
— ICC (@ICC) December 17, 2023
عثمان خواجہ کے 90 رنز
میچ کے چوتھے دن آسٹریلیا نے اپنی دوسری اننگز دو وکٹ کے نقصان پر 84 رنز سے آگے بڑھائی۔
اوپنر عثمان خواجہ کے 90 رنز کی بدولت میزبان ٹیم نے پانچ وکٹ پر 233 رنز بناکر اننگز ڈکلیئر کر دی۔
یوں پاکستان کو میچ میں کامیابی کے لیے 450 رنز کا ہدف ملا۔
عثمان خواجہ نے مچل مارش کے ساتھ پانچویں وکٹ کی شراکت میں 126 رنز کی پارٹنر شپ قائم کی۔
مچل مارش 63 رنز بناکر ناٹ آؤٹ رہے۔
Usman Khawaja and Steve Smith continue Australia%27s press in Perth 👊#WTC25 | #AUSvPAK 📝 https://t.co/ef9VIPK5ZX pic.twitter.com/qAlhVodlO4
— ICC (@ICC) December 17, 2023
پاکستانی بلے باز ڈبل فگرز میں پہنچنے سے محروم
پاکستان کی جانب سے دوسری اننگز میں خرم شہزاد نے تین کھلاڑیوں کو آؤٹ کیا۔ جب کہ عامر جمال اور شاہین شاہ آفریدی کے حصے میں ایک ایک وکٹ آئی۔
ساڑھےچار سو رنز کے تعاقب میں پاکستان کی دوسری اننگز کا آغاز مایوس کن رہا۔
سوائے سعود شکیل، امام الحق اور بابر اعظم کے کوئی بھی بلے باز ڈبل فگرز میں نہ پہنچ سکا۔
.@iShaheenAfridi gets Usman Khawaja as Australia declare their second innings at 233-5 🏏Pakistan are set a target of 450.#AUSvPAK pic.twitter.com/QSM3cothmL
— Pakistan Cricket (@TheRealPCB) December 17, 2023
سابق کپتان بابر اعظم میچ میں دوسری مرتبہ وکٹوں کے پیچھے کیچ آؤٹ ہوئے۔ جب کہ کپتان شان مسعود ایک مرتبہ پھر بڑی اننگز کھیلنےمیں ناکام رہے۔
مہمان ٹیم کی مزاحمت صرف 30.2 اوورز تک قائم رہی اور پوری ٹیم صرف 89 رنز بناکر واپس پویلین چلی گئی۔ یوں آسٹریلیا نے میچ میں 360 رنز سے کامیابی حاصل کرلی۔
میزبان ٹیم کی جانب سے مچل اسٹارک اور جوش ہیزل وڈ نے تین تین وکٹیں حاصل کیں۔
نیتھن لائن نے دو کھلاڑیوں کو واپس پویلین بھیج کر 500 وکٹوں کا سنگ میل عبور کیا۔
Nathan Lyon ticks off another milestone as Australia go 1-0 up in the Test series 🔥#WTC25 | #AUSvPAKhttps://t.co/mikQmUKdZ5
— ICC (@ICC) December 17, 2023
عامر جمال کی سات وکٹیں
پرتھ ٹیسٹ میں کچھ بالرز نے بھی ریکارڈ بکس میں بھی جگہ بنائی۔
پہلی اننگز میں چھ اور دوسری اننگز میں ایک وکٹ حاصل کرکے اپنا پہلا میچ کھیلنے والے عامر جمال نے اپنی آمد کا اعلان کیا۔
وہ آسٹریلیا میں میزبان ٹیم کے خلاف ڈیبیو ٹیسٹ میں پانچ وکٹوں کا کارنامہ حاصل کرنے والے دوسرے پاکستانی ہیں۔
اس سے قبل 1964 میں میڈیم پیسر عارف بٹ ایک اننگز میں چھ آسٹریلوی کھلاڑیوں کو آؤٹ کرنے والے واحد بالر تھے۔
عارف بٹ کی طرح عامر جمال نے بھی میچ میں سات وکٹیں حاصل کیں۔ لیکن میچ کا سب سے اہم سنگ میل مخالف ٹیم کے نیتھن لائن نے عبور کیا۔
Aamir Jamal you are on top!Head%27s dangerous wicket is gone. pic.twitter.com/GaPpfVOxI1
— Nawaz 🇵🇰 (@Rnawaz31888) December 17, 2023
پانچ سو وکٹوں کا سنگِ میل
آسٹریلوی آف اسپنر نے اس میچ میں مجموعی طور پر پانچ کھلاڑیوں کو آؤٹ کرکے سب سے زیادہ وکٹیں حاصل کرنے والے کھلاڑیوں کی فہرست میں جگہ بنالی۔پاکستانی آل راؤنڈر فہیم اشرف کو آؤٹ کرکے وہ ٹیسٹ کرکٹ میں 500 کھلاڑیوں کو آؤٹ کرنے والے کھلاڑیوں کے کلب میں شامل ہوئے۔
500 TEST WICKETS FOR NATHAN LYON 🐐It%27s done with the help of DRS!#AUSvPAK pic.twitter.com/qamwQR30S7
— 7Cricket (@7Cricket) December 17, 2023
وہ شین وارن اور گلین میک گرا کے بعد ایسا کرنے والے تیسرے آسٹریلوی، سری لنکا کے مرلی دھرن کے بعد 500 وکٹیں لینے والے دوسرے آف اسپنر اور مجموعی طور پر 500 سے زائد وکٹیں لینے والے آٹھویں کھلاڑی بن گئے ہیں۔
نیتھن لائن نے اپنی 500 ویں وکٹ 123ویں ٹیسٹ میں حاصل کی۔ سری لنکا کے مرلی دھرن 133 ٹیسٹ میچوں میں 800 وکٹوں کے ساتھ اب بھی سب سے زیادہ وکٹیں لینے والے کھلاڑی ہیں۔
پاکستان کی آسٹریلیا کے ہاتھوں شکست پر سابق کرکٹرز اور ماہرین بھی خاموش نہیں رہے۔
سابق انگلش کپتان مائیکل وان نے سوشل میڈیا پر اپنے ردِ عمل پر کہا کہ آسٹریلیا نے کنڈیشنز کو فتح کرکے پاکستان کو عمدہ طریقے سے شکست دی۔
Aussies are so clinical .. they have everything covered for all conditions .. Well done to @NathLyon421 on 500 Test wickets .. Incredible achievement .. Only @BCCI have the tools to compete here in Oz at this stage .. #AUSvsPAK
— Michael Vaughan (@MichaelVaughan) December 17, 2023
انہوں نے نیتھن لائن کو 500 وکٹوں کا سنگ میل عبور کرنے پر مبارک باد دیتے ہوئے مزید کہا کہ صرف بھارتی ٹیم ہی اس لیول پر آسٹریلیا کا مقابلہ کرسکتی ہے۔
پاکستانی مبصر ڈاکٹر نعمان نیاز نے دوسری اننگز میں پاکستان کی مایوس کن بیٹنگ پر کہا کہ پاکستان کی شکست اس لیے بھی بری لگ رہی ہے کیوں کہ ٹیم نے مقابلہ ہی نہیں کیا۔
انہوں نے ٹیم ڈائریکٹر محمد حفیظ سے بھی سوال کیا کہ اب ان کی کیا پلاننگ ہوگی؟
Pakistan didn’t win, they didn’t even compete? Did they? What’s next? Any change of heart or perception of their team Director? @joji_39 @iRashidLatif68 @krick3r @mak_asif
— Dr. Nauman Niaz (@DrNaumanNiaz) December 17, 2023
برطانوی صحافی عاطف نواز کے بقول پاکستان کو اس میچ میں شکست ہوئی ہوگی لیکن ڈیبیو پر اچھا کھیل پیش کرنے عامر جمال اور خرم شہزاد کی آمد سے فائدہ بھی ہوگا۔
Regardless of what the result is, Aamer Jamal and Khurram Shahzad have shown enough promise to earn themselves more opportunities in red ball cricket for Pakistan. Some really impressive moments from both. There%27s something there... #AUSvsPAK
— Aatif Nawaz (@AatifNawaz) December 17, 2023
اسپورٹس جرنلسٹ شاہد ہاشمی کے خیال میں بابر اعظم کو میچ میں اچھی کارکردگی دکھانی چاہیے تھی۔
ان کے بقول یہ بابر کا تیسرا دورۂ آسٹریلیا ہے جب کہ وہ 21 اور 10 رنز بناکر آؤٹ ہو رہے ہیں۔ دونوں اننگز میں انہوں نے وہی غلطیاں دہرائیں جس کی وجہ سے وہ ورلڈ کپ میں آؤٹ ہوئے تھے۔
This is Babar Azam’s third tour of Australia so we expected some runs from him but in both the innings he looked disenchanted … in fact throughout the World Cup he got out to his mistakes … same here … he is a better player than 21 and 10 #AUSvPAK
— Shahid Hashmi (@hashmi_shahid) December 17, 2023