پاکستان کے نامور اداکار، مزاح نگار،شاعر اور ڈرامہ نگار اطہر شاہ خان انتقال کر گئے ہیں۔ وہ جیدی کے نام سے مشہور تھے۔
مقامی میڈیا کی رپورٹس کے مطابق وہ طویل عرصے سے علالت کا شکار تھے۔ ان کی عمر 77 سال تھی۔ ان کے اہل خانہ کے مطابق اطہر شاہ خان فالج کے مرض میں مبتلا تھے۔
انہوں نے 'انتظار فرمائیے' میں جیدی کا کردار ادا کیا تھا جو ان کی شہرت کی وجہ بنا۔ اس کردار سے وہ اس قدرمقبول ہوئے کہ انہیں عمومی طور پر جیدی ہی کہہ کر بلایا جانے لگا۔
انہوں نے دیگر کئی مشہور ڈراموں میں اداکاری کے جوہر دکھائے تھے۔ ان میں ہائے جیدی، جیدی اِن ٹربل، ہیلو ہیلو، برگر فیملی، آشیانہ، پرابلم ہاؤس سمیت کئی سیریلز شامل ہیں۔
انہوں نے اپنے کیریئر کا آغاز ریڈیو پاکستان سے کیا تھا۔
پاکستان کے سرکاری ٹی وی 'پی ٹی وی' کے مطابق اطہر شاہ خان 1970 سے 1990 کے درمیان ملک کے مشہور ترین اداکاروں میں شمار ہوتے تھے۔
'پی ٹی وی' کے مطابق انہوں نے ریڈیو پاکستان کے لیے کم و بیش 700 ڈرامے تحریر کیے۔
He wrote more than 700 plays for Radio Pakistan. "Intezar Farmaye", "Jaidi ke Sang", "Ba%27adab ba%27mulahiza", and many other programs were remained talk-of-the-town for many years.He leaves behind widow & four sons. May Allah SWT grant him the highest honours. pic.twitter.com/ZoUkBHO176
— PTV News (@PTVNewsOfficial) May 10, 2020
انہوں نے سوگواران میں بیوی اور چار بیٹے چھوڑے ہیں۔
رپورٹس کے مطابق پاکستان ٹیلی ویژن (پی ٹی وی) نے اپنی 25 ویں سالگرہ پر انہیں گولڈ میڈل بھی دیا تھا جب کہ پاکستان کی حکومت کی جانب سے انہیں 'پرائڈ آف پرفارمنس ایوارڈ' دیا گیا تھا۔
انہوں نے فلم 'بازی' تحریر کی تھی جب کہ فلم 'آس پاس' کہ ہدایت کاری بھی کی۔
ان کے انتقال پر مداحوں نے افسوس کا اظہار کیا ہے۔
Athar Shah Khan aka Jaidi sahib RIP pic.twitter.com/5FTxzV7zqq
— omar r quraishi (@omar_quraishi) May 10, 2020
سینٹرل فلم سینسر بورڈ کے چیئرمین دانیال گیلانی نے ایک ٹوئٹ میں ان کے انتقال پر انتہائی غم کا اظہار کیا۔
Heartfelt condolences on the death of renowned comedy actor, broadcaster & poet Athar Shah Khan, popularly known as Jedi who passed away in #Karachi this morning. pic.twitter.com/H37og9FLcG
— Danyal Gilani (@DanyalGilani) May 10, 2020
صحافی اور ٹی وی میزبان مرزا اقبال بیگ کا کہنا تھا کہ ان کے انتقال پر انتہائی افسوس ہوا۔ ایک ٹوئٹ میں مرزا اقبال بیگ نے کہا کہ ان کا ادا کیا گیا کردار 'جیدی' آج بھی ہمارے دلوں میں زندہ ہے۔
Saddened to know that famous actor Ather Shah Khan (Jaidi) has passed away. He was the star of 70’s and his character of Jaidi is still in our memories, May Allah rest his soul in peace Aameen pic.twitter.com/wNv8SIAxms
— Mirza Iqbal Baig (@mirzaiqbal80) May 10, 2020
ماہر تعلیم عادل نجم نے انہیں بہترین استاد قرار دیتے ہوئے کہا کہ انہوں نے ایک سادہ انسان کی تصویر پیش کی۔
إِنَّا لِلَّٰهِ وَإِنَّا إِلَيْهِ رَاجِعُونَAthar Shah Khan (1943-2020)Author, poet, comedian #Jedi is no more. A much talented maestro of the over-done; anything but the simpleton he often portrayed. It takes an immense self-confidence to be who he was.ThankU & RIP, #Jaidi. pic.twitter.com/Pz68GPXm4i
— Adil Najam (@AdilNajam) May 10, 2020