اٹھارہویں اوور کی پانچویں گیند پر شعیب ملک جب وکٹوں کے پیچھے آؤٹ ہوئے تو افغانستان کے خلاف ٹی ٹوئنٹی میچ دیکھنے والے پاکستانی شائقین کے چہروں پر مایوسی عیاں تھی۔
جمعے کو دبئی میں کھیلے گئے میچ میں پاکستان، افغانستان کی جانب سے دیے گئے 148 رنز کے ہدف کے تعاقب میں ڈگمگا رہا تھا۔ شعیب ملک سے قبل کپتان بابر اعظم بھی راشد خان کی گگلی کا نشانہ بن کر کلین بولڈ ہو چکے تھے۔
ایسے میں اٹھارہویں اوور کی آخری گیند پر شاداب خان ایک مشکل سنگل لینا چاہا، لیکن دوسری جانب کریز پر موجود آصف علی نے اُنہیں روک دیا۔ شاداب خان رن آؤٹ ہونے سے بال بال بچے اور یوں آخری دو اوور میں پاکستان کو 24 رنز درکار تھے اور بظاہر میچ افغانستان کی جھولی میں جاتا دکھائی دے رہا تھا۔
لیکن 19 ویں اوور میں پاکستان کے پاور ہٹر آصف علی کے افغان بولر کریم جنت کو لگائے گئے چار چھکوں نے جہاں پاکستان کی کشتی پار لگائی، وہیں شاداب کو سنگل سے روکنے کی وجہ بھی عیاں ہو گئی۔
3/3 Congratulations Pakistan 🇵🇰 Asif Ali You beauty ❤️ #PakistanZindabad #PakvsAfg @TheRealPCB pic.twitter.com/5SxlupcJs9
— Muhammad Wasim (@MuhammadWasim77) October 29, 2021
مسلسل دوسرے میچ میں پاکستان کو مشکل صورتِ حال سے نکال کر میچ جتوانے والے آصف علی کا شمار اُن کھلاڑیوں میں ہوتا ہے جن کی اس میگا ایونٹ میں سلیکشن سے قبل کئی سوالات اُٹھائے گئے تھے۔
لیکن اب وہ پاکستان میں کرکٹ فینز کے ہیرو بن چکے ہیں۔
جمعے کو پاکستان کی کامیابی کے بعد ایک بار پھر آصف علی سوشل میڈیا پر ٹاپ ٹرینڈ بنے ہوئے ہیں جہاں پاکستانی شائقین اُن کی تعریفوں کے پل باندھنے میں مصروف ہیں تو بعض ماضی میں اُن کے خلاف بات کرنے پر پشیمان نظر آتے ہیں۔
چیئرمین پاکستان کرکٹ بورڈ رمیز راجہ نے بھی اپنی ٹوئٹ میں آصف علی کی شان دار بیٹنگ کو سراہتے ہوئے کہا کہ مشکل صورتِ حال اور دباؤ میں جس طرح آصف علی نے بیٹنگ کی وہ قابلِ تحسین ہے۔
#asifyoubeauty incredible hitting under pressure. Sensational 👏👏Congrats boys keep up the good work. #PakistanZindabad
— Ramiz Raja (@iramizraja) October 29, 2021
بھارتی کمنٹیٹر ہارشا بھوگلے نے ٹوئٹ کی کہ وہ آصف علی کو ایک پاوور ہٹر کے طور پر جانتے ہیں، لیکن اُنہوں نے جس طرح کی شاٹس کھیلیں وہ ناقابلِ یقین تھیں۔
I had seen Asif Ali a few times before and thought he was a powerful batsman. But this level of hitting is insane.
— Harsha Bhogle (@bhogleharsha) October 29, 2021
ایاز اسلم نامی صارف لکھتے ہیں کہ یہ بابر اعظم ہی تھے جن کے اصرار پر آصف علی کو ٹیم میں شامل کیا گیا اور اُنہوں نے اپنی سلیکشن کو درست ثابت کیا۔
Babar insisted to take Asif Ali with the team for world cup and he proved his selection, match winner on his day
— Ayaz Aslam Awan (@ayazakwal) October 29, 2021
آصف علی کے چار بلند و بالا چھکوں کا موازنہ شائقین ویسٹ انڈین کھلاڑی کارلوس بریتھ ویٹ کے اُن چار چھکوں سے کر رہے ہیں جو اُنہوں نے 2016 کے ٹی ٹوئنٹی ورلڈ کپ فائنل میں انگلش بولر بین اسٹوکس کو لگا کر ویسٹ انڈیز کو چیمپئن بنوایا تھا۔
اس موقع پر ویسٹ انڈیز سے تعلق رکھنے والے کمنٹیٹر این بشپ نے کہا تھا کہ 'کارلوس بریتھ ویٹ ریمیمبر دا نیم۔'
محمد احمد نامی صارف نے ٹوئٹ کی کہ افغانستان کے فینز کے لیے 'آصف علی ریمیمبر دا نیم'
For Afghanistan,"Asif Ali, remember the name".#pakistanvsafghanistan
— Muhammad Ahmad🇵🇰 (@MuhammedAhhmad) October 29, 2021
خانم نامی صارف نے آصف علی کی ایک تصویر شیئر کی جس میں وہ اپنے بلے کے ساتھ ٹیم ڈگ آؤٹ کی جانب اشارہ کر رہے ہیں۔
Hor kuj meray laik?..Remember the name Asif Ali ❤️ #PakvsAfg pic.twitter.com/Bk4ohtzuIW
— خانم🇵🇰 (@le_invictus) October 29, 2021
ایک صارف نے لکھا ہے کہ کل صبح سات بجے پوری قوم آصف علی اور حارث رؤف سے اجتماعی معافی مانگے۔
کل صبح سات بجے پاکستان کے سارے بڑے شہروں میں آصف علی اور حارث راؤف سے اجتماعی معافی مانگی جائیگی۔ #PakvsAfg #T20WorldCup #AsifAli
— Muhammad Khan (@AimKayOrakzai) October 29, 2021