بھارت نے دفاعی چیمپئن سری لنکا کو دس وکٹوں سے شکست دے کر کو آٹھویں مرتبہ ایشیا کپ کا ٹائٹل اپنے نام کرلیا، سری لنکن ٹیم اس اہم میچ میں اپنی تاریخ کے دوسرے کم ترین اسکور 50 رنز پر آؤٹ ہوئی۔
کولمبو میں کھیلے گئے فائنل میں بھارت نے 51 رنز کا ہدف ساتویں اوورز میں بغیر کسی نقصان کے حاصل کرکے ایک اور بار ایشین چیمپئن بننے کا اعزاز حاصل کیا، بھارتی اوپنرز ایشان کشن 23 اور شبمن گل 27 رنز بناکر ناٹ آؤٹ رہے۔
اس سے قبل فائنل میں بھارتی فاسٹ بالر محمد سراج بھرپور فارم میں نظر آئے، ان کی نپی تلی بالنگ کے سامنے سری لنکن بلے باز 15 عشاریہ دو اوورز میں 50 رنز بناکر ڈھیر ہوگئے۔
میچ کے آغاز میں بارش اور پھر گیلی آؤٹ فیلڈ کی وجہ سے چالیس منٹ کی تاخیر ہوئی ، لیکن اس کا فائدہ بھارتی بالرز نے خوب اٹھایا، جیسے ہی سری لنکا نے ٹاس جیت کر پہلے بیٹنگ کا فیصلہ کیا ، بھارتی پیسرز نے جارحانہ حکمت عملی اپنا کر انہیں مشکل میں ڈال دیا۔
4 wickets in his second over! This is absolute mayhem! 😱#AsiaCup2023 #INDvSL pic.twitter.com/yJ0r1FXVxS
— AsianCricketCouncil (@ACCMedia1) September 17, 2023
سری لنکا کی جانب سے وکٹ کیپر کوشال مینڈس کےعلاوہ ، کوئی بھی بلے باز بھارتی فاسٹ بالرز کے سامنے جم کر نہ کھیل سکا، وہ 17 رنز بناکر نہ صرف ٹاپ اسکورر رہے ، بلکہ انہی کی کوششوں کی وجہ سے دفاعی چیمپئن ون ڈے کرکٹ کے سب سے کم ترین اسکور پر آؤٹ ہونے سے بچ گئے۔
ون ڈے کرکٹ میں کسی بھی ٹیم کا سب سے کم اسکور 35 رنز ہے جو زمبابوے نے 2004 میں ہرارے کے مقام پر سری لنکا ہی کے خلاف بنایا تھا۔
𝙐𝙉𝙎𝙏𝙊𝙋𝙋𝘼𝘽𝙇𝙀! 🎯FIFER completed in under 3⃣ overs! 👌 👌Outstanding bowling display from Mohd. Siraj 🙌 🙌Follow the match ▶️ https://t.co/xrKl5d85dN#AsiaCup2023 | #INDvSL | @mdsirajofficial pic.twitter.com/a86TGe3BkD
— BCCI (@BCCI) September 17, 2023
سری لنکا کی اننگز کا آغاز بھی اچھا نہ تھا، اور انجام بھی، کوشال پریرا پہلے ہی اوور میں جسپرت بمراہ کا شکار ہوئے جب کہ اس کے بعد محمد سراج نے یکے بعد دیگرے چھ کھلاڑیوں کو آؤٹ کرکے میزبان ٹیم کو مشکل میں ڈال دیا۔
انہوں نے اننگز کے چوتھے اور اپنے دوسرے اوور میں ایک دو نہیں بلکہ چار کھلاڑیوں کو واپس پویلین بھیجا جس میں نسانکا، سماراوکراما اور پاکستان کے خلاف میچ کے ہیرو اسالانکا شامل تھے۔
Castled! 💥Mohd. Siraj gets his 6⃣th wicket 👏👏Sri Lanka 33/7 in the 12th over.Follow the match ▶️ https://t.co/xrKl5d85dN#AsiaCup2023 | #TeamIndia | #INDvSL pic.twitter.com/PqrdOm60Kb
— BCCI (@BCCI) September 17, 2023
چوتھے اوور کے اختتام پر جب سری لنکا کا اسکور پانچ وکٹوں کے نقصان پر 12 رنز تھا ، وکٹ کیپر کوشال مینڈس نے اسکور کو آگے تو بڑھایا اور ویلالاگے کے ساتھ 21 قیمتی رنز بناکر ٹیم کو سہارا دینے کی کوشش کی۔
لیکن ان دونوں کے آؤٹ ہونے کے بعد سری لنکا کی ٹیم ایک بار پھر مشکلات میں گھر گئی، نچلے نمبروں پر آکر ہیمانتھا نے 13 رنز کی اننگز کھیلی لیکن وہ صرف ٹیم کو اپنے کم ترین اسکور 43 سے آگے لے جانے میں کامیاب ہوئے۔
𝙐𝙉𝙎𝙏𝙊𝙋𝙋𝘼𝘽𝙇𝙀! 🎯FIFER completed in under 3⃣ overs! 👌 👌Outstanding bowling display from Mohd. Siraj 🙌 🙌Follow the match ▶️ https://t.co/xrKl5d85dN#AsiaCup2023 | #INDvSL | @mdsirajofficial pic.twitter.com/a86TGe3BkD
— BCCI (@BCCI) September 17, 2023
یہ اسکور سری لنکا نے 2012 میں پارل کے مقام پر جنوبی افریقہ کے خلاف بنائے تھے ۔ 50 رنز پر آؤٹ ہونا ان کا اب دوسرا کم ترین اسکور ہے۔
بھارتی پیسر محمد سراج نے وکٹ کے ساتھ ساتھ ہوا سے بھی خوب مدد لی اور صرف سات اوورز میں 21 رنز دے کر چھ کھلاڑیوں کو آؤٹ کیا، ہاردیک پانڈیا تین رنز دے کر تین وکٹوں کے ساتھ نمایاں رہے جب کہ جسپرت بمراہ نے ایک وکٹ حاصل کی۔
فائنل میں چھ کھلاڑیوں کو آؤٹ کرنے پر محمد سراج کو میچ کا بہترین کھلاڑی قرار دیا گیا ۔
ایونٹ کے سب سے بڑے میچ سے قبل سری لنکن ٹیم کو مہیش ٹھیک شانا کی صورت میں ایک اہم کھلاڑی سے محروم ہونا پڑا، پاکستان کے خلاف آخری سپر فور میچ میں وہ ہیم اسٹرنگ انجری کا شکار ہوگئے تھے جس کی وجہ سے فائنل میں شرکت نہ کرسکے۔
🚨 Injury update 🚨Maheesh Theekshana, who strained his right hamstring during the game against Pakistan, will not be available for the finals.A scan was done and confirmed the muscle injury.Sri Lanka Cricket Selectors have brought in Sahan Arachchige into the squad in… pic.twitter.com/7nSzGhHic2
— Sri Lanka Cricket 🇱🇰 (@OfficialSLC) September 16, 2023
ایشیا کپ ٹورنامنٹ گزشتہ ماہ کے آخر میں شروع ہوا تھا جس میں بھارت اور سری لنکا کے ساتھ ساتھ بنگلہ دیش ، پاکستان ، افغانستان اور نیپال کی ٹیموں نے شرکت کی تھی۔
پہلے مرحلے کے اختتام پر افغانستان اور نیپال ایونٹ سے باہر ہوئی تھیں جب کہ پاکستان اور بنگلہ دیش کا سفر سپر فور میں ختم ہوگیا تھا۔
آٹھویں بار ایشیا کپ کا ٹائٹل جیتنے پر سابق بھارتی کھلاڑیوں نے کپتان روہت شرما اور ان کی ٹیم کی تعریف کی، وریندر سہواگ نے ایکس (سابقہ ٹوئٹر) کا سہارا لیتے ہوئے اپنے ٹوئیٹ میں کہا کہ 21 اوورز میں میچ کا فیصلہ کردینا ثابت کردیتا ہے کہ بھارتی ٹیم فارم میں ہے۔
ان کا مزید کہنا تھا کہ محمد سراج کی شاندار کارکردگی نے ایشیا کپ جتوانے میں اہم کردار ادا کیا، ورلڈ کپ سے قبل ٹیم کا اس قسم کی پرفارمنس دینا خوش آئند ہے۔
Too good. 21 overs in the match and done and dusted. Mohammad Siraj was simply outstanding and we have peaked at the right time before the World Cup. Congratulations Team on winning the Asia Cup. #BHAvsSL pic.twitter.com/CQmj1gXimG
— Virender Sehwag (@virendersehwag) September 17, 2023
سابق کھلاڑی یوسف پٹھان نے بھی اس فتح پر ٹیم کو مبارکباد دی اور کہا کہ اگلے ماہ شروع ہونے والے ورلڈ کپ سے قبل اس قسم کی کامیابی سے کھلاڑیوں کا مورال بلند ہوگا، محمد سراج کو آج کوئی نہیں کھیل سکا۔
Fantastic victory for Team India. Winning the Asia Cup just before the World Cup will give a big boost to the team. Well done boys. Siraj, you were unplayable today. #AsiaCupFinals #IndvSL pic.twitter.com/TgLylnoLNS
— Yusuf Pathan (@iamyusufpathan) September 17, 2023
ان کے بڑے بھائی اور سابق کھلاڑی عرفان پٹھان نے اپنے روایتی انداز میں پاکستان پر طنز کرتے ہوئے کہا کہ پڑوسی ابھی بھی آواز کرنے کی کوشش کررہے ہیں، لیکن کولمبو تک ان کی آواز نہیں پہنچ پارہی ہے۔
Padosi abhi bhi Awaz Karne ki Koshish Kar rahe hai, Lekin Colombo Tak unki Awaaz pahoch nahi rahi hai. #Sunday
— Irfan Pathan (@IrfanPathan) September 17, 2023
جب کہ سابق پاکستانی کھلاڑی بازید خان نے سری لنکن ٹیم سے جلدی جلدی کھیلنے کی وجہ دریافت کی۔
What’s the hurry Sri Lanka? #INDvSL
— Bazid Khan (@bazidkhan81) September 17, 2023
پاکستان کے سابق کپتان راشد لطیف نے تو ایسے موقع پر شائقین سے سوال کیا کہ کہیں محمد سراج کا اوپننگ اسپیل دنیا کی تاریخ کا بہترین اسپیل تو نہیں تھا؟
Best new ball spell in ODI cricket History ? #AsiaCup2023final #IndiavsSrilanka #siraj pic.twitter.com/dGoGLfx1cI
— Rashid Latif | 🇵🇰 (@iRashidLatif68) September 17, 2023
صحافی وکرانت گپتا کے بقول میچ کا فیصلہ چار اوورز میں ہی ہوگیا تھا جب سراج اور بمراہ نے سری لنکن بلے بازوں کو پریشان کرکے آؤٹ کیا تھا۔
Game over - within the first four overs only. Siraj and Bumrah have been intimidating and menacing#AsiaCupFinals #INDvSL
— Vikrant Gupta (@vikrantgupta73) September 17, 2023
ایک صارف نے تو ایک میم شیئر کرتے ہوئے اس میچ کا تجزیہ کیا، جس میں بالی وڈ فلم منا بھائی کا کردار سرکٹ منابھائی سے کہتا ہے کہ بھائی یہ تو شروع ہوتے ہی ختم ہوگیا!
IND vs SL pic.twitter.com/nvj28WjOuP
— Dhaniya🍀 (@nabihahahahaa) September 17, 2023