غزہ پر اسرائیلی حملے، فلسطینیوں میں احساس تنہائی اور لبنان جنگ بندی کے بعد امیدیں بھی

ویب ڈیسک —

غزہ کے پریشان لوگوں میں تنہا چھوڑ دینے کے احساس کے ساتھ ساتھ اس یہ امید بھی ہے کہ غزہ میں بھی اسرائیل اور حماس کے دوران جنگ بندی کی کوئی صورت بنے گی۔
غزہ میں اسرائیل اور حماس کے درمیان جنگ بندی پر بات چیت کی کئی ماہ کی کوششوں میں بہت کم پیش رفت ہوئی ہے اور مذاکرات اب جمود کا شکار ہیں۔
ثالثی کرنے والے خلیجی ملک قطر نے اپنی کوششیں اس وقت تک معطل کر دی ہیں جب تک کہ فریقین ایک دوسرے کو رعایت دینے کے لیے تیار نہیں ہو جاتے۔
پناہ گزین کیمپ نصیرات میں اسرائیلی طیاروں نے کئی فضائی حملے کیے جس میں ایک کثیر المنزلہ عمارت کو تباہ ہو گئی۔
'میں اپنے بچوں کو ساتھ لے کر اپنی زمین اور اپنا گھر دیکھنے کے لیے جانا جاہتی ہیں کہ یہ دیکھ سکوں کہ انہوں نے ہمارے گھر کے ساتھ کیا کیا، میں امن کے ساتھ رہنا چاہتی ہوں۔ؕ'

اسرائیل نے حزب اللہ کے ساتھ جنگ بندی کے ایک روز بعد جمعرات کو غزہ کی پٹی پر حماس کے خلاف لڑائی میں حملے کیے، جن میں کم از کم 17 فلسطینی مارے گئے جب کہ غزہ کے پریشان لوگوں میں تنہا چھوڑ دینے کے احساس کے ساتھ ساتھ اس یہ امید بھی ہے کہ غزہ میں بھی اسرائیل اور حماس کے دوران جنگ بندی کی کوئی صورت بنے گی۔

غزہ میں اسرائیل اور حماس کے درمیان جنگ بندی پر بات چیت کی کئی ماہ کی کوششوں میں بہت کم پیش رفت ہوئی ہے اور مذاکرات اب جمود کا شکار ہیں۔

ثالثی کرنے والے خلیجی ملک قطر نے اپنی کوششیں اس وقت تک معطل کر دی ہیں جب تک کہ فریقین ایک دوسرے کو رعایت دینے کے لیے تیار نہیں ہو جاتے۔

اسرائیل اور حماس کے لبنانی حلیف حزب اللہ کے درمیان جنگ بندی بدھ کی صبح سے پہلے نافذ العمل ہو گئی ہے۔

غزہ میں جنگ بندی کی امیدیں

منگل کو لبنان کے معاہدے کا اعلان کرتے ہوئے، امریکہ کے صدر جو بائیڈن نے کہا کہ وہ اب غزہ میں اب تک لاحاصل معاہدے کے حصول کے لیے پھر کوشش کریں گے۔ انہوں نے کہا کہ وہ اسرائیل اور حماس پر زور دیں گے کہ وہ اس لمحے سے فائدہ اٹھائیں۔

لبنان کی جنگ بندی نے غزہ کے 23 لاکھ لوگوں میں مایوسی اور دنیا کی طرف سے تنہا چھوڑ دینے کے احساس کو مزید شدید بنا دیا ہے۔

غزہ میں بے گھر ہونے والی خاتون امل ابو حمید نے رائٹرز کے ساتھ بات کرتے ہوئے اس امید کا اظہار کیا کہ لبنان کی طرح غزہ میں جنگ بندی ہو سکے گی۔

انہوں نے کہا،"میں اپنے بچوں کو ساتھ لے کر اپنی زمین اور اپنا گھر دیکھنے کے لیے جانا جاہتی ہیں کہ یہ دیکھ سکوں کہ انہوں نے ہمارے گھر کے ساتھ کیا کیا، میں امن کے ساتھ رہنا چاہتی ہوں۔"

Your browser doesn’t support HTML5

غزہ جنگ بندی: ری پبلکن اور ڈیموکریٹ اراکین کانگریس کی رائے

غزہ کے جنوبی شہر خان یونس میں بے گھر لوگوں کے لیے پناہ گاہ بننے والے اسکول کے صحن میں بیٹھی خاتون نے مزید کہا، "اللہ کو منظور ہوا تو ہم بھی جنگ بندی حاصل کریں گے۔"

اسکول کا صحن گندگی اور پانی سے بھرا ہوا تھا جہاں سے لوگ کپڑے دھو رہے تھے۔ کلاس رومز کے باہر کپڑے اُڑ رہے تھے جب کہ قریب ہی بچے کھیل رہے تھے۔

امل حمید نے کہا کہ جنگ سے پہلے زندگی خوبصورت تھی۔

"اب کچھ بھی خوبصورت نہیں ہے۔ سب ختم ہو گیا ہے۔ ہمارے گھر جا چکے ہیں، ہمارے بھائی جا چکے ہیں، اور کوئی نہیں بچا ہے۔"

"ّ(زندگی) خوبصورت تھی (جنگ سے پہلے)... اب کچھ بھی خوبصورت نہیں ہے، اب ہمیں مشکل سے ہی ایک دن کا کھانا ملتا ہے. ہمیں روٹی بھی نہیں ملتی۔"

غزہ پر اسرائیلی حملے، فلسطینیوں میں احساس تنہائی اور لبنان جنگ بندی کے بعد امیدیں بھی

غزہ میں جنگ بندی کی امیدیں

تازہ ترین حملوں میں نقصان

یہ بھی پڑھیے

غزہ جنگ بندی: ری پبلکن اور ڈیموکریٹ اراکین کانگریس کی رائے

اسرائیل اور حزب اللہ کے درمیان جنگ بندی کا آغاز

لبنان میں جنگ بندی، غزہ میں ایسا کب ہوگا؟ فلسطینیوں کا سوال

اسرائیل نے حزب اللہ کے خلاف لڑائی میں جنگ بندی کی منظوری دے دی

لبنان-اسرائیل جنگ بندی کےمذاکرات میں پیش رفت، حملے بھی جاری