پاکستانی گلوکاراور اداکارعلی ظفر کا نیا گانا 'لیلیٰ او لیلیٰ' سامنے آ گیا ہے جو بنیادی طور پر بلوچی زبان میں گایا گیا لوک گیت ہے۔
اس گانے کی خاص بات یہ ہے کہ علی ظفر نے اس گانے میں اپنی ایک 12 سالہ مداح عروج فاطمہ کو بھی شریک آواز بنایا ہے۔
عروج صوبہ بلوچستان سے تعلق رکھتی ہیں اور انہوں نے اس خواہش کا اظہار خود علی ظفر سے کیا تھا کہ وہ ان کے ساتھ ایک گانا گانا چاہتی ہیں۔
علی ظفر نے عروج کی خواہش کو پورا کیا اور 'لیلیٰ او لیلیٰ' کو اپنی اور عروج کی آواز میں ریکارڈ کرایا۔
Can%27t wait More be ready on Friday Laila o Laila song with @AliZafarsays M very Happy thankuu Ali bhai for ur support and love. You are a inspiration for me 🎸😍 pic.twitter.com/LIe3WR03dE
— Urooj Fatima (@UroojFatima88) October 9, 2019
میوزک ویڈیو دیکھنے کے بعد عروج فاطمہ نے اپنی خوشی کا اظہار اپنے تک ہی محدود نہیں رکھا بلکہ سوشل میڈیا پرانہوں نے علی ظفر کا شکریہ ادا بھی کیا۔
ان کا کہنا ہے کہ یہ ان کے لیے ایک اعزاز ہے۔
Presenting “Laila-O-Laila” featuring the extremely talented @uroojfatima88. #Balochistan is ❤️. pic.twitter.com/R5jNZac7rQ
— Ali Zafar (@AliZafarsays) October 12, 2019
میوزک ویڈیو بلوچستان کے خوبصورت پس منظر میں ریکارڈ کی گئی ہے جو کوئٹہ سمیت بلوچستان کے دیگر سیاحتی مقامات کو دیکھنے کا ایک موقع بھی فراہم کرتی ہے جبکہ رباب، بانسری اور دیگر روایتی آلات موسیقی سے نکلنے والے سروں سے بھی لطف اندوز ہوا جاسکتا ہے۔
لوک گیت چونکہ بلوچی زبان کا ہے اس لیے جن لوگوں کو بلوچی نہیں آتی وہ گیت کے ساتھ کئے جانے والے ترجمہ سے اسے سمجھ سکتے ہیں۔
'لیلیٰ او لیلیٰ' کو 24 گھنٹے کے دوران تقریباً سات ہزار افراد دیکھ چکے ہیں جبکہ سبسکرائبر کی تعداد ایک ہی دن میں ایک ہزار سے زیادہ ہوگئی ہے۔
بنیادی طور پر یہ کوئی نیا گانا نہیں ہے بلکہ اس سے قبل بہت سے فنکار اسے گا چکے ہیں۔
سب سے پہلے یہ گانا پاکستان ٹیلی ویژن پر فیض محمد بلوچ نے گایا تھا جو شہرت کی بلندیوں تک پہنچا۔
دوسری مرتبہ یہ اس وقت زبان زد عام ہوا جب دیگر فنکاروں نے اسے نئے نئے انداز میں پیش کیا۔
ایک دور میں یہ گلی محلوں کی محفلوں میں بھی بار بار گایا اور سنا جاتا تھا۔
ایران کے مقبول بلوچی گلوکار رستم میر لاشاری بھی اسے اپنی آواز دے کر شہرت بخش چکے ہیں۔ یہ گانا انہوں نے ایک میوزک پروگرام 'کوک اسٹوڈیو سیزن 6 ' میں گایا تھا۔