دس مارچ کو ہونے والے 96 ویں اکیڈمی ایوارڈز کے لیے نامزدگیوں کا اعلان کر دیا گیا ہے، سب سے زیادہ کیٹیگریز میں نامزد ہونے والی فلموں میں 'اوپن ہائمر' اور 'پور تھنگز' شامل ہیں۔
منگل کو جاری ہونے والی فہرست کے مطابق 'اوپن ہائمر' نے 13 اور 'پور تھنگز' 13 کیٹیگریز میں نامزد ہوئی ہیں۔ 'کلرز آف دی فلاور مون' 10، 'باربی' آٹھ جب کہ 'مائسٹرو' سات نامزدگیوں کے ساتھ قابلِ ذکر ہیں۔
اکیڈمی ایوارڈز سے قبل ہونے والے گولڈن گلوب ایوارڈز میں بھی 'اوپن ہائمر' نے سب سے زیادہ ایوارڈ جیتے تھے اور امکان ہے کہ یہاں بھی میدان کرسٹوفر نولن کی فلم ہی مارے گی۔
'اوپن ہائمر'، ایٹم بم کے موجد رابرٹ اوپن ہائمر کی بائیو پک ہے جس میں کلین مرفی نے مرکزی کردار ادا کیا جب کہ ایملی بلنٹ اور رابرٹ ڈاؤنی جونیئر بھی اس کی کاسٹ میں شامل تھے اور تینوں ہی اداکار آسکرز کے لیے نامزد ہوئے ہیں۔
And the nominees for Best Picture are... #Oscars pic.twitter.com/UFNHnQBZsE
— The Academy (@TheAcademy) January 23, 2024
سب سے اہم سمجھی جانے والی بہترین فلم کی کیٹیگری میں 'باربی' اور 'اوپن ہائمر' کے ساتھ امریکن فکشن، 'ایناٹومی آف اے فال،' 'دی ہولڈ اوورز،' کلرز آف دی فلاور مون، مائسٹرو، پور تھنگز اور دی زون آف انٹریسٹ شامل ہیں۔
The nominations for Actor in a Leading Role go to... #Oscars pic.twitter.com/6LETixc9NY
— The Academy (@TheAcademy) January 23, 2024
بہترین اداکار کی کیٹیگری میں 'اوپن ہائمر' کا کردار نبھانے والے کلین مرفی کے ساتھ ساتھ بریڈلی کوپر، کولمین ڈومنگو، پال جیاماٹی اور جیفری رائٹ شامل ہیں۔
The nominations for Actor in a Leading Role go to... #Oscars pic.twitter.com/6LETixc9NY
— The Academy (@TheAcademy) January 23, 2024
بہترین اداکارہ کی کیٹیگری میں انیٹ بیننگ، للی گلیڈاسٹون، ایما اسٹون اور ساندرا ہلر مدِمقابل ہوں گی۔
باربی کا مرکزی کردار ادا کربے والی اداکارہ مارگو روبی کو نامزد نہیں کیا گیا جس پر مداحوں نے حیرت کا اظہار کیا۔
The nominations for Actress in a Leading Role go to... #Oscars pic.twitter.com/7C9zdqWUi1
— The Academy (@TheAcademy) January 23, 2024
بہترین معاون اداکار اور اداکارہ کی کیٹیگری میں بھی سخت مقابلہ دیکھنے کو ملے گا۔ بہترین معاون اداکار کی لسٹ مین رابرٹ ڈی نیرو، رائن گوسلنگ، مارک رفلو، رابرٹ ڈاؤنی جونیئر اور اسٹرلنگ کے براؤن موجود ہیں۔
The nominations for Actor in a Supporting Role go to... #Oscars pic.twitter.com/8n9zb32k2P
— The Academy (@TheAcademy) January 23, 2024
دوسری جانب بہترین معاون اداکارہ کی کیٹیگری کے لیے ایملی بلنٹ، ڈینئل بروکس، امیریکا فریرا، جوڈی فوسٹر اور ڈیوائن جوئے رینڈولف کے درمیان مقابلہ ہو گا۔
بہترین ہدایت کار کی کیٹیگری میں جسٹین ٹریئٹ، مارٹن اسکورسیزی، کرسٹوفر نولن، یورگوس لینتھیموس اور جوناتھن گلیزر کے درمیان مقابلہ ہو گا۔ 'باربی' کی ہدایت کارہ گریٹا گیروک کو اس کیٹیگری میں نامزد نہیں کیا گیا۔
Lights, camera, action! Here are your nominees for Directing. #Oscars pic.twitter.com/TSj4Pdre1j
— The Academy (@TheAcademy) January 23, 2024
اوریجنل سانگ کی کیٹیگری میں باربی فلم کے ساؤنڈ ٹریک سے دو گانے 'آئی ایم جسٹ کین' اور 'واٹ واز آئی میڈ فار' نامزد ہوئے ہیں جب کہ امیرکن سمفنی، فلیمنگ ہاٹ اور کلرز آف دی فلاور مون کا ایک ایک گیت بھی اس کیٹیگری میں شامل ہے۔
This year%27s Original Song nominees are music to our ears... #Oscars pic.twitter.com/aBsxxYEiwg
— The Academy (@TheAcademy) January 23, 2024
اکیانوے سالہ موسیقار جان ولیمز کو 'انڈیانا جونز اینڈ دے ڈائل آف ڈیسٹینی' کے لیے بہترین اوریجنل اسکور کے لیے نامزد کیا گیا ہے۔
Congrats to this year’s Original Score nominees… #Oscars pic.twitter.com/HSDGWswPPb
— The Academy (@TheAcademy) January 23, 2024
وہ گزشتہ سال نوے سال کی عمر میں 'دی فیبلمینز' کے لیے نامزد ہو کر آسکرز کے لیے نامزد ہونے والے سب سے معمر شخص بن گئے تھے، اس سال انہوں نے اپنا ہی ریکارڈ بہتر کردیا۔
اس بار بہترین انٹرنیشنل فیچر فلم کی کیٹیگری میں اٹلی، جاپان، اسپین، جرمنی اور برطانیہ کی فلمیں نامزد ہوئیں۔
Going global with this year’s nominees for International Feature Film... #Oscars pic.twitter.com/RBD8t724Qy
— The Academy (@TheAcademy) January 23, 2024
بہترین اینی میٹڈ فیچر فلم کے لیے ایلی مینٹل، اسپائیڈر مین اکروس دی اسپائیڈرورس، دی بوائے اینڈ دی ہیرن، نیمونا اور روبوٹ ڈریمز کے درمیان مقابلہ ہو گا۔
These nominees are an animated bunch. Presenting the Animated Feature film nominees… #Oscars pic.twitter.com/xrccP342Ji
— The Academy (@TheAcademy) January 23, 2024
رواں سال اکیڈمی ایوارڈ کی تقریب میں جن فن کاروں کو اعزازی آسکر دیا جائے گا ان میں اداکارہ اینجلا بیسٹ، ہدایت کار میل بروکس اور ایڈیٹر کیرل لٹلٹن کے نام شامل ہیں۔
چھیانویں اکیڈمی ایوارڈ کی تقریب 10 مارچ کو لاس اینجلس میں ہو گی جس کی میزبانی کے فرائض مسلسل دوسرے سال معروف میزبان جمی کمیل انجام دیں گے۔