امریکی صدر کو کتنی تنخواہ اور کیا مراعات ملتی ہیں؟
بائیڈن نے ریاست ہوائی کے چار الیکٹورل ووٹ حاصل کر لیے
ڈیموکریٹک پارٹی کے صدارتی امیدوار جو بائیڈن نے ریاست ہوائی کے چار الیکٹورل ووٹ حاصل کر لیے جس کے بعد ان کے کل الیکٹورل ووٹ کی تعداد 224 ہو گئی ہے۔
صدر ٹرمپ کو اب تک 23 ریاستوں میں برتری حاصل ہے اور ان کے کل الیکٹورل ووٹ کی تعداد 213 ہے۔
جو بائیڈن اب تک 18 ریاستوں میں کامیاب
امریکہ میں منگل کو ہونے والے صدارتی انتخاب کے نتائج کی آمد کا سلسلہ جاری ہے۔ ڈیموکریٹک صدارتی امیدوار جو بائیڈن اب تک 18 ریاستوں اور دارالحکومت واشنگٹن ڈی سی میں کامیابی حاصل کر چکے ہیں لیکن ان کے الیکٹورل ووٹرز کی تعداد صدر ٹرمپ کے مقابلے میں زیادہ ہے۔
بائیڈن اب تک 224 الیکٹورل ووٹ حاصل کر چکے ہیں۔ صدر کے عہدے پر منتخب ہونے کے لیے کسی بھی امیدوار کو الیکٹورل کالج کے 538 میں سے کم از کم 270 ووٹ کی ضرورت ہوتی ہے۔
بائیڈن نے اب تک ورجینیا، نیویارک، کیلی فورنیا، اوریگن، کولوراڈو، نیو میکسیکو، الی نوائے، منی سوٹا، میری لینڈ، نیو جرسی، کنیٹی کٹ، میسا چوسٹس، ورمونٹ، نیو ہیمپشر، رہوڈ آئی لینڈ، ڈیلاویئر، ہوائی اور واشنگٹن میں کامیابی حاصل کر کے ان ریاستوں کے الیکٹورل ووٹ حاصل کیے ہیں۔
جو بائیڈن نے دارالحکومت واشنگٹن ڈی سی میں بھی کامیابی حاصل کرلی ہے جس کے الیکٹورل کالج میں تین ووٹ ہیں۔
نو ریاستوں کے نتائج آنا باقی
امریکہ میں منگل کو ہونے والے صدارتی انتخابات کے نتائج آنے کا سلسلہ جاری ہے اور اب صرف نو ریاستوں سے نتائج آنا باقی ہیں جن کے نتائج جو بائیڈن اور ڈونلڈ ٹرمپ کے درمیان جاری مقابلے میں کلیدی کردار ادا کر سکتی ہیں۔
ان نو ریاستوں میں الیکٹورل ووٹ کی تعداد 101 ہے جن کا فیصلہ ہونا باقی ہے۔
ان ریاستوں میں سب سے اہم ریاست پنسلوینیا ہے جس کے 20 الیکٹورل ووٹ ری پبلکن یا ڈیموکریٹ امیدوار کا پلڑا بھاری کر سکتے ہیں۔
اس کے علاوہ دو دیگر ریاستیں جارجیا اور مشی گن ایسی ریاستیں ہیں جن کے الیکٹورل ووٹوں کی تعداد 16، 16 ہے۔
ریاست شمالی کیرولائنا 15 الیکٹورل ووٹوں کے ساتھ دونوں صدارتی امیدواروں کے لیے اہم ہو سکتی ہے۔ اسی طرح ایریزونا 11 الیکٹورل ووٹوں اور وسکونسن 10 الیکٹورل ووٹوں کے ساتھ اہم ہیں۔
ریاست نیواڈا کے چھ، مین کے چار اور ریاست الاسکا کے تین الیکٹورل ووٹ ہیں۔