رسائی کے لنکس

ایران کے شہر اصفہان میں فورسز الرٹ
ایران کے شہر اصفہان میں فورسز الرٹ

ایران پر مشتبہ اسرائیلی حملہ، اصفہان شہر میں دھماکوں کے بعد ایئر ڈیفنس سسٹم فعال

ایران کی نیم سرکاری نیوز ایجنسی 'فارس نیوز' نے اصفہان کے بین الاقوامی ہوائی اڈے کے قریب دھماکوں کی اطلاع دی ہے۔ تاہم تہران حکومت نے کہا ہے کہ ایرانی سرزمین پر کوئی بیرونی حملہ نہیں ہوا ہے۔

08:04 19.4.2024

پچاس ممالک کی اسرائیل پر ایرانی حملے کی مذمت، کشیدگی میں کمی کا مطالبہ

تقریباً 50 ملکوں نے بدھ کی رات ایک بیان جاری کیا جس میں اسرائیل پر ایران کے میزائل اور ڈرون حملوں کی مذمت اور مشرق وسطیٰ میں کشیدگی دور کرنے کی کوششوں پر سفارتی تعاون کا عہد کرتے ہوئے خطے کے فریقوں سے مطالبہ کیا گیا کہ وہ صورت حال کو مزید خراب ہونے سے روکنے کے لیے کام کریں۔

یہ بیان، اسرائیل،امریکہ،برطانیہ،آسٹریلیا،کینیڈا، فرانس،جرمنی، جاپان، یونان، اٹلی، اسپین،سویڈن، ہنگری، پولینڈ،نیدر لینڈ، نیوزی لینڈ، جنوبی کوریا، یوکرین، آسٹریا، بیلجیم، ارجنٹائن اور قبرص، سمیت پچاس ملکوں کے اقوام متحدہ میں مستقل نمائندوں کی جانب سے آیا ہے۔

بیان میں کہا گیا ہے کہ “ہم نوٹ کرتے ہیں کہ ایران کا اشتعال انگیز حملہ ایران اور اس کے عسکریت پسند شراکت داروں کے خطرناک اور غیر مستحکم کرنے والے اقدامات کا ایک تازہ ترین نمونہ ہے، جس سے بین الاقوامی امن اور سلامتی کو سنگین خطرہ لاحق ہوتا ہے۔”

اسرائیل کے وزیر اعظم بنجمن نیتن یاہو نے بدھ کو کہا کہ، اسرائیل اپنے طور پر فیصلہ کرے گا کہ ایران کے اختتام ہفتہ کیے گئے حملے کا جواب کیسے دیا جائے، اس کے باوجود کہ مغربی ممالک نے پورے مشرق وسطیٰ میں کسی جنگ کے پھیلاؤ سے بچنے کے لیے تحمل سے کام لینے کا کہاہے۔

مزید پڑھیے

15:34 19.4.2024

اسرائیل کے خلاف ردِ عمل کا کوئی ارادہ نہیں، ایرانی حکام

ایرانی حکام نے خبر رساں ادارے 'رائٹرز' کو بتایا ہے کہ اسرائیل کے خلاف کوئی کارروائی کرنے کا منصوبہ نہیں ہے۔

ایرانی حکام کے مطابق غیر ملکی ذرائع کی جانب سے سامنے آنے والی اطلاعات کی تصدیق نہیں ہوئی ہے۔ ایران پر کوئی بیرونی حملہ نہیں ہوا ہے۔

11:29 19.4.2024

ایران پر حملہ کیا ہے یا نہیں؟ اسرائیل کی خاموشی

ایران نے اپنی سرزمین پر کسی میزائل حملے کی تردید کی ہے تاہم امریکی نشریاتی اداروں نے امریکی حکام کا حوالہ دیتے ہوئے کہا کہ ہے اسرائیل نے جمعے کو ایران پر حملہ کیا ہے۔

نیویارک ٹائمز نے گمنام اسرائیلی عہدیداروں کے حوالے سے ایران پر حملے کا دعویٰ کیا ہے۔

خبر رساں ادارے 'رائٹرز' کے مطابق اسرائیلی حکومت اور فوج نے اب تک ایران میں کسی بھی کارروائی سے متعلق کوئی بیان نہیں دیا ہے۔

11:05 19.4.2024

اصفہان میں تین ڈرون مار گرانے کا دعویٰ

ایران کے سرکاری میڈیا نے کہا ہے کہ ملک کے وسطی شہر اصفہان میں جمعے کو تین ڈرون مار گرائے ہیں۔

خبر رساں ادارے 'رائٹرز' کے مطابق ایرانی میڈیا نے رپورٹ کیا ہے کہ اصفہان شہر پر ڈرون طیاروں کی پروازوں کے بعد ایئر ڈیفنس سسٹم حرکت میں آیا اور تینوں ڈرونز کو تباہ کر دیا ہے۔

ایران کے سرکاری میڈیا کے مطابق سینئر کمانڈر سیاووش مہندس کا کہنا ہے کہ ایئر ڈیفنس سسٹم نے مشکوک چیزوں کو نشانہ بنایا ہے۔

10:57 19.4.2024

ایران پر کوئی میزائل حملہ نہیں ہوا، ایرانی حکام

ایرانی حکام نے خبر رساں ادارے 'رائٹرز' کو بتایا ہے کہ ایرانی سرزمین پر جمعے کو کوئی میزائل حملہ نہیں ہوا ہے۔

رائٹرز کے مطابق ایرانی حکام کا کہنا ہے کہ جمعے کی علی الصباح اصفہان شہر میں ایئر ڈیفنس سسٹم فعال کرنے کے نتیجے میں دھماکے ہوئے تھے۔

مزید لوڈ کریں

XS
SM
MD
LG