بھارت کے زیرِ انتظام کشمیر میں اکتوبر کے آخر اور نومبر کے آغاز میں زعفران کے پھول چُننے کا موسم شروع ہوتا ہے۔ زعفران کے پھولوں کو دیکھنے کے لیے سب سے پسندیدہ مقام پانپور قصبہ ہے جو دارالحکومت سرینگر سے 15 کلومیٹر کے فاصلے پر ہے۔ اس قصبے کو کشمیر کا 'زعفران ٹاؤن' بھی کہا جاتا ہے۔ کشمیر میں زعفران روایتی طور پر کاشت کی جاتی ہے جس کے لیے 14 ہزار ایکڑ زمین مختص ہے۔ بھارت بھر میں زعفران کی سالانہ پیداوار تقریباً 16 ہزار کلو گرام ہے جس کا 75 فی صد حصہ کشمیر میں کاشت ہوتا ہے۔
بھارتی کشمیر میں زعفران کے پھول چننے کا موسم
1
زعفران کو کشمیر میں کونگ کہتے ہیں جب کہ بھارت میں اسے کیسر کے نام سے جانا جاتا ہے۔
2
بھارت کے علاوہ ایران اور سپین میں زعفران تجارتی سطح پر کاشت ہوتی ہے
3
کشمیر کے کاشت کاروں کا کہنا ہے کہ یہاں زعفران سیکڑوں برس سے اگائی جا رہی ہے۔
4
بھارت بھر میں زعفران کی سالانہ پیداوار تقریباً 16 ہزار کلو گرام ہے۔
