سنی اتحاد کونسل کی مخصوص نشستوں کی درخواست پر اوپن سماعت کا فیصلہ

پاکستان تحریکِ انصاف (پی ٹی آئی) کی حمایت سے جیتے والے آزاد اراکین کی شمولیت کے بعد سنی اتحاد کونسل کو قومی اسمبلی اور صوبائی اسمبلیوں میں مخصوص نشستیں ملیں گی یا نہیں فیصلہ آج ہونے کا امکان ہے۔

ذرائع کے مطابق چیف الیکشن کمشنر سکندرسلطان راجہ کی صدارت میں الیکشن کمیشن کے اجلاس کے دوران سنی اتحاد کونسل کو مخصوص نشتیں دینے کے حوالے سے حتمی فیصلے کیا جائے گا۔

ذرائع الیکشن کمیشن کا بتانا ہے کہ ماضی میں ایسی مثالیں موجود ہیں جن کی بنیاد پر سنی اتحاد کونسل کو بھی مخصوص نشستیں مل سکتی ہیں۔

سنی اتحاد کونسل کے حق میں فیصلے کی صورت میں اسے قومی اسمبلی میں خواتین کی 20 اور اقلیت کی 3 مخصوص نشتیں ملنے کا امکان ہے۔

ذرائع کا یہ بھی بتانا ہے کہ الیکشن کمیشن کے آج کے اجلاس میں حتمی فیصلہ نہ ہونے کی صورت میں سنی اتحاد کونسل کو مخصوص نشستیں دینے کے معاملے پر سماعت کرنے کے فیصلے کا امکان ہے ۔

سندھ اسمبلی کے آج ہونے والے اجلاس میں وزیرِ اعلیٰ کا انتخاب عمل میں لایا جائے گا۔

وزیرِ اعلیٰ کے انتخاب کے لیے پاکستان پیپلز پارٹی کے نامزد امیدوار مراد علی شاہ اور متحدہ قومی موومنٹ پاکستان کے امیدوار علی خورشیدی کے درمیان مقابلہ ہے۔

سندھ اسمبلی میں اکثریت جماعت ہونے کی وجہ سے مراد علی شاہ کی جیت یقینی ہے۔

گزشتہ روز سندھ اسمبلی کے اجلاس کے دوران اسپیکر و ڈپٹی اسپیکر کا انتخاب عمل میں لایا گیا تھا۔ پیپلز پارٹی کے اویس قادر شاہ اسپیکر اور انتھونی نوید ڈپٹی اسپیکر منتخب ہوئے تھے۔

پنجاب اسمبلی میں قائدِ ایوان کے انتخاب کے لیے ووٹنگ آج ہو گی اور مسلم لیگ (ن) کی نامزد امیدوار مریم نواز وزارتِ اعلیٰ کے لیے مضبوط امیدوار ہیں۔

اسپیکر پنجاب اسمبلی ملک احمد خان کی سربراہی میں اسمبلی کا اجلاس دن گیارہ بجے شروع ہو گا جس کے دوران قائد ایوان کے انتخاب کا عمل مکمل کی جائے گا۔

وزیرِ اعلیٰ کے انتخاب کے لیے مسلم لیگ (ن) کی امیدوار مریم نواز کا مقابلہ سنی اتحاد کونسل کے نامزد امیدوار رانا آفتاب احمد سے ہوگا۔

ایوان میں اکثریتی جماعت ہونے کی وجہ سے مریم نواز کی کامیابی یقینی ہے۔

اس سے قبل 24 فروری کو پنجاب اسمبلی میں اسپیکر اور ڈپٹی اسپیکر کا انتخاب عمل میں لایا گیا تھا۔ مسلم لیگ (ن) کے ملک احمد خان اسپیکر اور ظہیر اقبال چنڑ ڈپٹی اسپیکر منتخب ہوئے تھے۔

پاکستان میں گزشتہ روز پیش آںے والے واقعات اور سیاسی سرگرمیوں سے متعلق پڑھنے کے لیے کلک کریں۔