شاہراہ قراقرم چھوٹی گاڑیوں کی آمد و رفت کے لیے کھول دی گئی
- By شمیم شاہد
گلگت بلتستان حکومت نے بارشوں، برف باری اور خراب موسم کے باعث متاثرہ شاہراہ قراقرم جمعے کی صبح سے چھوٹی گاڑیوں کی آمد و رفت کے لیے کھول دی ہے۔
شاہراہ قراقرم پہاڑی تودے گرنے کی وجہ سے بدھ سے آمد و رفت کے لیے بند کی گئی تھی۔ ترجمان گلگت بلتستان حکومت فیض اللہ فراق نے وائس آف امریکہ کو بتایا ہےکہ شاہراہ قراقرم کے مختلف مقامات پر پہاڑی تودوں کو دیامیر چلاس کی انتظامیہ نے ہٹا دیا ہےاور اب اس شاہراہ پر ایک طرف سے چھوٹی گاڑیوں کی آمد و رفت شروع کرنے کی اجازت دی گئی ہے۔
انہوں نے بتایا کہ شاہراہ قراقرم کو ہر قسم کی آمد و رفت کے لیے بحال کرنے میں اب بھی وقت لگے گا۔
ترجمان کے مطابق جمعرات کے روز سے بارشوں کا سلسلہ تھم چکا ہے اور آج جمعے کو بھی مطلع مکمل طور پر صاف ہے جس کے بعد علاقے میں معمول کی تجارتی و سماجی سرگرمیاں بحال ہوئی ہیں۔
پی ٹی آئی رہنما گاڑی میں چھپ کر پنجاب اسمبلی پہنچنے میں کامیاب
نو مئی کے کیس میں مفرور پاکستان تحریکِ انصاف کے رہنما شیخ امتیاز احمد گاڑی میں چھپ کر پنجاب اسمبلی پہنچنے میں کامیاب ہو گئے۔ پی ٹی آئی رہنما امتیاز احمد صوبائی اسمبلی کے حلقے پی پی 155 سے منتخب ہوئے ہیں۔
پنجاب پھر سے اپنی منزل کی جانب گامزن ہوگا، مسلم لیگ ن
پاکستان مسلم لیگ (ن) نے کہا ہے کہ پنجاب کی پہلی نامزد خاتون وزیراعلیٰ مریم نواز بطور ایم پی اے آج حلف اٹھائیں گی اور پنجاب پھر سے اپنی منزل کی جانب گامزن ہوگا۔
سماجی رابطے کی سائٹ ایکس پر مسلم لیگ (ن) کی جانب سے جاری کردہ ایک بیان کے مطابق پنجاب میں محرومیوں ، مایوسیوں کے سیاہ دور کے بعد الحمدللہ خوش حالی کی ایک نئی صبح کا آغاز ہونے جارہا ہے۔
پنجاب اسمبلی کا اجلاس، نومنتخب ارکان کی آمد