الیکشن کے روز انٹرنیٹ کی بندش پر وفاقی حکومت سے جواب طلب

پاکستان میں آٹھ فروری کے انتخابات کے بعد حکومت سازی کے لیے پاکستان مسلم لیگ (ن) اور پاکستان پیپلز پارٹی کے درمیان مذاکرات بالاخر کامیاب ہو گئے ہیں۔ دونوں جماعتوں نے شراکتِ اقتدار کے فارمولے پر اتفاق کر لیا ہے جس کے تحت آصف زرداری کو صدرِ پاکستان اور (ن) لیگ کے میاں شہباز شریف کو وزارتِ عظمیٰ کے عہدے کے لیے نامزد کردیا گیا ہے۔

دونوں جماعتوں کے درمیان منگل کی شب دیگر آئینی عہدوں کی تقسیم پر بھی اتفاق ہوا ہے مگر دونوں جماعتوں کی قیادت نے ان عہدوں پر فیصلوں کا اعلان بعد میں کرنے کا فیصلہ کیا ہے۔

مسلم لیگ (ن) اور پیپلز پارٹی کے ذرائع کا کہنا ہے کے شراکتِ اقتدار کے معاہدے کے تحت چیئرمین سینیٹ کا عہدہ پیپلز پارٹی اور اسپیکر قومی اسمبلی کا عہدہ مسلم لیگ (ن) کو ملے گا۔ اسی طرح ڈپٹی چیئرمین سینیٹ مسلم لیگ (ن) کا ہو گا جب کہ ڈپٹی اسپیکر قومی اسمبلی کا عہدہ پیپلز پارٹی کو دینے پر اتفاق ہوا ہے۔

دونوں جماعتوں کے درمیاں یہ بھی طے پایا ہے کہ صوبۂ پنجاب اور خیبر پختونخوا میں گورنر کا عہدہ پیپلز پارٹی جب کہ سندھ اور بلوچستان کے گورنر کا عہدہ مسلم لیگ (ن) کو ملے گا۔

ذرائع کا یہ بھی کہنا ہے کہ بلوچستان میں وزیرِ اعلی کا عہدہ پیپلز پارٹی کو ملے گا جب کے صوبہ پنجاب میں پیپلز پارٹی مسلم لیگ (ن) کی حکومت کی حمایت کرے گی۔

مزید پڑھیے

ڈپٹی کمشنر اسلام آباد عرفان نواز میمن توہینِ عدالت کیس میں ہائی کورٹ کے جج جسٹس بابر ستار کے روبرو پیش ہو گئے ہیں۔

اسلام آباد ہائی کورٹ نے گزشتہ روز توہینِ عدالت کیس میں مسلسل عدم حاضری پر ڈی سی اسلام آباد کو گرفتار کر کے پیش کرنے کا حکم دیا تھا۔

بدھ کو سماعت کا آغاز ہوا تو ڈی سی عرفان نواز میمن عدالت میں پیش ہوئے اور بتایا کہ ان کے خلاف توہینِ عدالت کیس میں18 سماعتیں ہوئیں اور وہ کسی بھی سماعت میں غیر حاضر نہیں ہوئے۔

ڈی سی اسلام آباد نے کہا کہ وہ خود کو عدالت کے رحم و کرم پر چھوڑتے ہیں۔ جس پر جسٹس بابر ستار نے کہا کہ کیا آپ سمجھتے ہیں کہ یہ مذاق ہے، آپ کے خلاف توہین عدالت چل رہا ہے۔

فاضل جج نے ڈی سی اسلام آباد کو کہا کہ آپ نے 970 دنوں کے لیے 69 ایم پی او آرڈرز جاری کیے۔ جن کے خلاف یہ آرڈر جاری ہوئے کیا ان کے بچے نہیں تھے اور کیا انہیں عمرہ پر نہیں جانا تھا؟

ڈی سی اسلام آباد کے وکیل راجہ رضوان عباسی نے اپنے دلائل میں جج کو مخاطب کرتے ہوئے کہا کہ آپ غصے میں ہیں۔ اس کیس کی کچھ دیر بعد سماعت کر لیں۔ جس پر جسٹس بابر ستار نے کہا کہ یہ کیس کل مکمل ہو جانا تھا۔ آپ کی وجہ سے نہیں ہو سکا۔

پاکستان مسلم لیگ (ن) پنجاب کی پارلیمانی پارٹی کا پہلا اجلاس آج بروز بدھ کو رائیونڈ میں ہو گا۔

مسلم لیگ ن کی سینئر نائب صدر اور نامزد وزیر اعلیٰ پنجاب مریم نواز پارلیمانی پارٹی سے خطاب کریں گی۔ اجلاس کے دوران مریم نواز بطور وزیرِ اعلیٰ پنجاب اپنی ترجیحات کے ایجنڈے پر بات کریں گی۔

اجلاس میں پنجاب اسمبلی کے پہلے اجلاس اور اسپیکر و ڈپٹی اسپیکر پنجاب کے انتخاب کے حوالے سے حکمتِ عملی طے کی جائے گی۔

مختلف سیاسی جماعتوں کے مخصوص نشستوں کے امیدواروں کے لیے گوشوارے جمع کرانے کا آج آخری روز ہے۔

الیکشن کمیشن کا کہنا ہے کہ فارم 33 میں نام والے قومی اور صوبائی اسمبلیوں کے امیدوار گوشوارے جمع کرائیں، گوشوارے جمع نہ کرانے پر امیدوار کی کامیابی کا نوٹی فکیشن جاری نہیں کیا جائے گا۔

پاکستان تحریکِ انصاف کے حمایت یافتہ 82 ارکانِ قومی اسمبلی سنی اتحاد کونسل میں شامل ہوئے ہیں۔ سنی اتحاد کونسل کے سربراہ صاحبزادہ حامد رضا نے ایم این ایز کی فہرست اور بیان حلفی الیکشن کمیشن میں جمع کرادیے ہیں۔