انتخابی مہم کا آخری روز: پیپلزپارٹی، مسلم لیگ (ن) سمیت دیگر جماعتوں کے جلسے

پاکستان میں جمعرات کو ہونے والے پارلیمانی انتخابات کے بارے میں خبر رساں ادارے 'ایسوسی ایٹڈ پریس' نے اپنی ایک تجزیاتی رپورٹ میں کہا ہے کہ انتخابات میں اب زیادہ وقت باقی نہیں رہا۔ لیکن بظاہر الیکشن کی فضا اور ماحول دکھائی نہیں رہا۔ بہت سے ووٹر مایوسی کا شکار ہیں اور بہت سے لوگ یہ سوچ رہے ہیں کہ آیا سیاسی جھگڑوں، پیچیدہ معاشی صورتِ حال اور دوبارہ جنم لینے والی عسکریت پسندی میں گھرے اس ملک میں انتخابات کوئی حقیقی تبدیلی لا سکیں گے۔

اے پی کے مطابق بہت سے تجزیہ کاروں کے خیال میں موجودہ حالات میں پاکستان کے سیاسی منظر نامے پر وزیراعظم کے عہدے کے لیے ایک ہی ممکنہ دعویدار دکھائی دیتا ہے اور وہ ہیں نوازشریف جو اس سے قبل تین بار وزیراعظم رہ چکے ہیں۔

ان انتخابات میں 44 سیاسی جماعتیں میدان میں ہیں جو قومی اسمبلی کی 266 نشستوں کے لیے مقابلہ کریں گی،جن میں خواتین اور اقلیتوں کے لیے مختص 70 نشستیں اس کے علاوہ ہیں۔

اسمبلی میں پہنچنے والے ارکان ملک کے اگلے وزیر اعظم کا انتخاب کریں گے اور اگر کوئی بھی پارٹی واضح اکثریت حاصل نہیں کر پاتی تو سب سے زیادہ سیٹیں جتنے والی پارٹی کے پاس مخلوط حکومت بنانے کا موقع موجود ہو گا۔

مزید پڑھیے