بلوچستان نیشنل پارٹی کے سربراہ سردار اختر مینگل کا کہنا ہے کہ ناانصافیوں اور محرومیوں کے سبب بلوچ عوام پاکستان سے دور ہو رہے ہیں۔ لیکن اگر سیاسی جماعتیں بلوچستان کے مسائل حل کرنے میں سنجیدہ ہیں تو سیاسی معاملات میں اداروں کی مداخلت ختم کریں، عسکری آپریشن بند کیا جائے اور عوام کے مینڈیٹ کو تسلیم کیا جائے۔ اختر مینگل کے بقول ان کی جماعت متحدہ اپوزیشن کی حمایت تو کر رہی ہے لیکن بلوچستان کے مسائل کے حل کے بارے میں وہ زیادہ پرامید نہیں ہیں۔