اگر اقتدار سے نہ نکالا جاتا تو آج ملک کے حالات مختلف ہوتے: نواز شریف
مسلم لیگ (ن) کے قائد اور سابق وزیرِ اعظم نواز شریف نے تحریکِ انصاف پر تنقید کرتے ہوئے کہا ہے کہ عوام سے جھوٹے وعدے کیوں کیے گئے؟ ان کی 10 برس یہاں حکومت کی لیکن عوام کے حالات نہیں بدلے۔
جمعرات کو سوات میں جلسے سے خطاب میں میاں نواز شریف کا مزید کہنا تھا کہ ان کو بیٹے سے تنخواہ نہ لینے پر اقتدار سے نکالا گیا۔ اگر ان کو اقتدار سے نہ نکالا جاتا تو آج پاکستان کے حالات مختلف ہوتے۔
مسلم لیگ (ن) کی چیف آرگنائزر مریم نواز کا جلسے سے خطاب میں سابق وزیرِ اعظم عمران خان پر تنقید کرتے ہوئے کہا کہ جس شخص دوسروں کو چور کہتا تھا آج وہ پاکستان کا سب سے بڑا چور ثابت ہو گیا ہے۔
ان کا مزید کہنا تھا کہ خیبر پختونخوا کے عوام سے جھوٹے وعدے کیے گئے۔
واضح رہے کہ سابق وزیرِ اعظم عمران خان ایسے الزامات کی تردید کرتے رہے ہیں۔
اگر اقتدار سے نہ نکالا جاتا تو آج ملک کے حالات مختلف ہوتے: نواز شریف
مسلم لیگ (ن) کے قائد اور سابق وزیرِ اعظم نواز شریف نے تحریکِ انصاف پر تنقید کرتے ہوئے کہا ہے کہ عوام سے جھوٹے وعدے کیوں کیے گئے؟ ان کی 10 برس یہاں حکومت کی لیکن عوام کے حالات نہیں بدلے۔
جمعرات کو سوات میں جلسے سے خطاب میں میاں نواز شریف کا مزید کہنا تھا کہ ان کو بیٹے سے تنخواہ نہ لینے پر اقتدار سے نکالا گیا۔ اگر ان کو اقتدار سے نہ نکالا جاتا تو آج پاکستان کے حالات مختلف ہوتے۔
مسلم لیگ (ن) کی چیف آرگنائزر مریم نواز کا جلسے سے خطاب میں سابق وزیرِ اعظم عمران خان پر تنقید کرتے ہوئے کہا کہ جس شخص دوسروں کو چور کہتا تھا آج وہ پاکستان کا سب سے بڑا چور ثابت ہو گیا ہے۔
ان کا مزید کہنا تھا کہ خیبر پختونخوا کے عوام سے جھوٹے وعدے کیے گئے۔
واضح رہے کہ سابق وزیرِ اعظم عمران خان ایسے الزامات کی تردید کرتے رہے ہیں۔
دہشت گردوں کی کارروائیاں محض ڈرانے کے لیے تھیں، الیکشن آٹھ فروری کو ہی ہوں گے: نگراں وزیرِ داخلہ
نگراں وزیرِ داخلہ گوہر اعجاز نے کہا ہے کہ انتخابات کے انعقاد پر کسی کو کوئی شکوک و شبہات نہیں ہونے چاہئیں، الیکشن آٹھ فروری کو ہی ہوگا۔
بلوچستان اور خیبرپختونخوا میں امن و امان کی صورتِ حال سے متعلق الیکشن کمیشن کے اجلاس کے بعد گفتگو کرتے ہوئے نگراں وزیرِ داخلہ کا کہنا تھا کہ بلوچستان اور خیبر پختونخوا میں بدامنی کے واقعات ڈرانے کے لیے کیے گئے۔
اُن کا کہنا تھا کہ الیکشن کمیشن نے دونوں صوبوں میں خصوصی سیکیورٹی اقدامات کی ہدایت کی ہے۔
نگراں وزیرِ داخلہ کا کہنا تھا کہ بلوچستان میں ہونے والے واقعات کا الیکشن سے کوئی تعلق نہیں ہے۔
اگلے تین دن اپنے محلے داروں اور خاندان والوں تک میرے اُمیدواروں کے نام پہنچائیں: عمران خان
پاکستان تحریکِ انصاف (پی ٹی آئی) کے چیئرمین عمران خان نے اپیل کی ہے کہ لوگ اگلے تین دن اپنے اہلِ خانہ اور محلے داروں کو اُن کی جانب سے نامزد کردہ اُمیدواروں کا نام اور انتخابی نشان بتائیں۔
پی ٹی آئی کے سوشل میڈیا اکاؤنٹ سے جاری کیے گئے بیان میں کہا گیا ہے کہ میرے اُمیدوار کا نام اور انتخابی نشان اپنے پاس محفوظ رکھیں۔
کچھ عناصر بلوچستان میں پیپلزپارٹی کا نشانہ بنانے کی کوشش کر رہے ہیں: بلاول بھٹو
چیئرمین پاکستان پیپلزپارٹی (پی پی پی) بلاول بھٹو زرداری نے کہا ہے کہ بلوچستان میں پیپلزپارٹی کو نشانہ بنانے کی کوشش ہو رہی ہے۔
جمعرات کو خضدار میں جلسے سے خطاب کرتے ہوئے چیئرمین پیپلزپارٹی کا کہنا تھا کہ اگر وہ اقتدار میں آئے تو بلوچستان کے عوام کی محرومیاں ختم کریں گے۔
بلاول بھٹو کا کہنا تھا کہ بلوچستان کے عوام جانتے ہیں کہ پیپلزپارٹی اقتدار میں آئی تو دہشت گردی کے خاتمے کے ساتھ ساتھ جبری گمشدگیوں کی شکایات بھی ختم ہوں گی۔