سمندری طوفان 'بپر جائے' پاکستان اور بھارت کے ساحلی علاقوں کی جانب تیزی سے بڑھ رہا ہے جب کہ طوفان سے تباہی کے خدشے کے پیشِ نظر دونوں ملکوں کے ساحلی علاقوں میں ہنگامی حالت نافذ کر دی گئی ہے۔ بھارت میں طوفان سے متاثر ہونے والے ممکنہ علاقوں سے شہریوں کو محفوظ مقامات پر منتقل کرنے کا سلسلہ جاری ہے جب کہ پاکستان میں بھی کیٹی بندر، ٹھٹھہ، سجاول اور بدین کی ساحلی پٹی سے لوگوں کا انخلا شروع کر دیا گیا ہے۔ طوفان ممکنہ طور پر جمعرات کی شام بھارت کی ریاست گجرات کے ساحلی علاقوں اور پاکستانی علاقے کیٹی بندر سے ٹکرائے گا۔
پاکستان اور بھارت میں 'بپر جائے' سے تباہی کے خدشات
5
ریاست گجرات کے اضلاع کچھ اور سوراشٹرا میں ہنگامی حالت کے نفاذ کے بعد وہاں سےانخلا شروع کر دیا گیا ہے جب کہ ساڑھے سات ہزار افراد کو پہلے ہی محفوظ مقامات پر منتقل کیا جا چکا ہے۔
6
ہنگامی حالات سے نمٹنے کے پاکستان کے قومی ادارے نیشنل ڈیزاسٹر مینیجمنٹ اتھارٹی کے مطابق طوفان کے باعث سمندر میں 30 سے 40 فٹ اونچی لہریں اٹھنے لگی ہیں تاہم فی الحال بپر جائے کا رخ بھارتی ریاست گجرات کی طرف ہے۔
7
سمندری طوفان کے خدشے کے پیش نظر کیٹی بندر کے ماہی گیروں نے اپنی کشتیاں ساحل پر کھڑی کر دی ہیں اور بدین سے بھی ماہی گیروں کی واپسی شروع ہو گئی ہے۔
8
بھارت کی ریاست گجرات سے پیر کو سمندری طوفان 'بپر جائے' کے پیشِ نظر ہزاروں افراد کا انخلا کیا گیا۔
