انتقام کی تمنا نہیں، ریاست کے ستونوں کو مل کر کام کرنا ہوگا: نواز شریف

مسلم لیگ (ن) کی رہنما مریم نواز نے کہا ہے کہ پاکستان نواز شریف کا ایک اور عروج دیکھنے جا رہا ہے۔

مسلم لیگ (ن) کے مینارِ پاکستان پر ہونے والے جلسے سے خطاب کرتے ہوئے مریم نواز نکا کہنا تھا کہ لوگ کہتے تھے کہ ن سے ش نکلے گا لیکن دیکھ لیں کہ آج دونوں ساتھ ہیں۔

انہوں نے کہا کہ نواز شریف کو کچھ دکھ ایسے لگے ہیں جن کا مداوا ممکن نہیں۔ لیکن نواز شریف اس کے باوجود واپس آ گئے ہیں۔

مریم نواز نے اعلان کیا کہ آج کے جلسے سے خطاب صرف نواز شریف کریں گے۔

نواز شریف کی خود ساختہ جلا وطنی سے واپسی پر ہونے والے جلسے کی نظامت خود مریم نواز نے سنبھالی ہوئی ہے جو وقتاً فوقتاً مسلم لیگ (ن) کے بعض سینئر رہنماؤں کو جلسے کے شرکا سے مختصر خطاب کرنے یا نعرے لگوانے کے لیے مدعو کر رہی ہیں۔

سابق وزیرِ اعظم نواز شریف کے ہمراہ پاکستان روانگی کے لیے دبئی ایئرپورٹ کے ٹرمینل نمبر دو پر پہنچا تو وہاں پہلے سے افراد بورڈنگ کے لیے موجود تھے۔

اس خصوصی پرواز کے لیے فلائی دبئی نے اپنے 10 کاؤنٹرز مختص کر رکھے تھے جہاں پر پہنچنے والے افراد ایک دوسرے سے حال احوال بھی دریافت کرتے رہے۔

بورڈنگ کارڈ لینےکے بعد مختلف ممالک سے آئے ہوئے لیگی رہنماؤں اور صحافیوں کے ہمراہ لاؤنچ میں پہنچا تو وہاں کافی دیر انتظار کرنا پڑا۔

لاؤنج میں لگے فلائٹس کے معلوماتی بورڈ سے معلوم ہوا کہ پرواز آدھا گھنٹہ تاخیر سے اب نو بجے روانہ ہو گی۔

صحافی دوست اپنی ویڈیوز اور ٹی وی رپورٹنگ کرنے لگے اور وہاں پہنچنے والے بعض لیگی رہنماؤں سے گفتگو کرتے رہے۔

مزید پڑھیے

سابق وزیرِ اعظم نواز شریف کا طیارہ اسلام آباد سے لاہور پہنچ گیا ہے۔

اطلاعات ہیں کہ نواز شریف لاہور کے علامہ اقبال انٹرنیشنل ایئرپورٹ سے بذریعہ ہیلی کاپٹر مینارِ پاکستان جائیں گے جہاں وہ جلسے سے خطاب کریں گے۔

نواز شریف کی صاحبزادی مریم نواز سمیت پارٹی کے سینئر رہنما پہلے ہی جلسہ گاہ میں موجود ہیں جہاں کارکنوں کی آمد کا سلسلہ بھی جاری ہے۔ نواز شریف کی آمد کے بعد مسلم لیگ ن کے جلسے کا باقاعدہ آغاز ہو گا۔