اسرائیل کا حزب اللہ کے 300 اہداف پر حملہ، امریکہ کا جنگ کے خاتمے کا مطالبہ

اسرائیل کی فوج لبنان کے دارالحکومت بیروت کے جنوبی علاقوں، مشرق میں وادیٴ بیکا اور دیگر علاقوں سے انخلا کے انتباہی پیغامات شہریوں کو بھیج رہی ہے۔

اس کے ساتھ ساتھ مختلف ایسی غیر مصدقہ ویڈیوز بھی سامنے آئی ہیں جن میں بیروت کے واحد ہوئی اڈے کے قریب بمباری کی جا رہی ہے۔

اسرائیلی حملوں کے باوجود ابھی تک بیروت کا ہوائی اڈہ فعال ہے۔

لبنان کی عسکری تنظیم حزب اللہ نے دعویٰ کیا ہے کہ اس نے اتوار کو اسرائیل کا ایک ڈرون تباہ کر دیا ہے۔

حزب اللہ کی جانب سے یہ واضح نہیں کیا گیا کہ اس نے ڈرون کو کہاں نشانہ بنایا ہے۔

عسکری تنظیم کے بیان میں کہا گیا ہے کہ اس نے اسرائیل کا ہرمز 450 ڈرون مار گرایا ہے۔

مشرقِ وسطیٰ کی صورتِ حال اور گزشتہ روز پیش آنے والے واقعات سے متعلق پڑھنے کےلیے یہاں کلک کریں۔