غزہ میں اسرائیلی حملے میں عورتوں اور بچوں سمیت 100 فلسطینی ہلاک

اسرائیل کے وزیر دفاع کا کہنا ہے کہ غزہ میں یرغمال بنائے گئے اسرائیلیوں کی رہائی کے لیے درد ناک سمجھوتے کرنا پڑیں گے۔

یوو گیلینٹ کا اتوار کو کہنا تھا کہ صرف فوجی کارروائیوں سے جنگ کے اہداف حاصل نہیں کیے جاسکتے۔

ان کا مزید کہنا تھا کہ اسرائیلی یرغمالوں کی اپنے گھروں میں واپسی کے لیے ہمیں اپنی اخلاقی ذمہ داری کو سمجھنا چاہیے اور ہمیں کچھ مشکل رعایتیں دینا ہوں گی۔

اسرائیل کے وزیرِ اعظم بنیامین نیتن یاہو نے کہا ہے کہ ایران دفاعی اور میزائل بنانے کی صلاحیت کو بری طرح نقصان پہنچایا ہے۔

انہوں نے ہفتے کو ایران پر اسرائیلی حملوں کے بارے میں کہا ہے کہ اسرائیل نے ایران پر ’نپے تلے اور طاقت ور‘ حملے سے اپنے اہداف حاصل کر لیے ہیں۔

اپنے خطاب میں نیتن یاہو کا کہنا تھا کہ فضائی حملے میں ایران کے دفاع اور میزائل بنانے کی صلاحیت کو شدید نقصان پہنچایا ہے۔

اسرائیل کے وزیر دفاع کا کہنا ہے کہ حماس اور حزب اللہ، ایران کے لیے اب مؤثر پراکسی نہیں رہیں۔

وزیر دفاع یوو گیلینٹ کا اتوار کو کہنا تھا کہ ایران، غزہ پٹی میں حماس کو اور لبنان میں حزب اللہ کو اسرائیل کے خلاف مؤثر طریقے سے استعمال نہیں کر سکتا۔

گیلینٹ کا مزید کہنا تھا کہ غزہ میں حماس اب مزید عسکری نیٹ ورک کے طور پر سرگرم نہیں ہے جبکہ ان کے بقول حزب اللہ کی سینئر قیادت اور اس کی میزائل کی صلاحیت کو ختم کر دیا گیا ہے۔

ان کے بقول دونوں عسکریت پسند گروپ ایران کے لیے مزید کار آمد نہیں ہو سکتے۔

اسرائیل نے جنوبی لبنان میں مزید 14 دیہات خالی کرنھ کی وارننگ جاری کردی ہے۔

اس وارننگ میں کہا گیا ہے کہ دیہات کے رہائشی اوالی دریا کے شمال کی جانب منتقل ہوجائیں۔

لبنان کے جنوب میں زوات الشکریہ کے علاقے میں اسرائیل کے فضائی حملے سے کم از کم تین افراد ہلاک ہوگئے ہیں۔