جارحیت کے خلاف دفاع کا حق رکھتے ہیں، ایران کا اسرائیلی حملے کے بعد ردِ عمل

ایران پر اسرائیلی حملے میں دو فوجی ہلاک ہوگئے ہیں۔

خبر رساں ادارے 'رائٹرز' کے مطابق ایران کی سرکاری نیوز ایجنسی ارنا نے رپورٹ کیا ہے کہ ہفتے کی صبح ہونے والے اسرائیلی حملوں میں دو ایرانی فوجی ہلاک ہوئے۔

ایک بیان میں کہا گیا ہے کہ "اسلامی جمہوریہ ایران کی فوج نے ملک کی سلامتی، عوام اور ایران کے مفادات کے تحفظ میں مجرم صیہونی حکومت کے میزائلوں کا مقابلہ کرتے ہوئے اپنے دو فائٹرز کو قربان کر دیا۔"

اسرائیل نے ایران پر ہفتے کی علی الصباح حملے کیے ہیں جس میں فوجی اہداف کو نشانہ بنانے کا دعویٰ کیا گیا ہے۔ ایران کا کہنا ہے کہ اس کے دفاعی نظام نے فوجی اہداف پر حملوں کو کامیابی سے روکا۔

خبر رساں ادارے 'رائٹرز' کے مطابق ایران کا کہنا ہے اسرائیل کے حملوں میں تہران، خوزستان اور ایلام صوبوں میں فوجی اہداف کو نشانہ بنایا گیا جسے کامیابی سے روکا جب کہ کچھ مقامات پر "محدود نقصان" ہوا۔

متحدہ عرب امارات نے ایران کے فوجی اہداف کو نشانہ بنائے جانے کی مذمت کی ہے۔

خبر رساں ادارے 'رائٹرز' کے مطابق ہفتے کو اسرائیل کی جانب سے ایران میں فوجی اہداف پر نشانہ بنائے جانے کے بعد ایک بیان میں متحدہ عرب امارات نے کہا کہ کشیدگی سے بچنے کے لیے "زیادہ سے زیادہ" تحمل کا مظاہرہ کرنے کی ضرورت ہے۔