ایوب کھوسہ کی بلوچستان میں کھانا پہنچانے کی اپیل

پاکستان کے معروف اداکار ایوب کھوسہ نے مخیر حضرات سے بلوچستان کے سیلاب متاثرین کے لیے کھانا پہنچانے کی اپیل کی ہے۔

ایوب کھوسہ نے بلوچستان کے ضلع لسبیلہ میں سیلابی ریلے کے قریب کھڑے ہو کر ایک ویڈیو پیغام جاری کیا جس میں ان کا کہنا تھا کہ بلوچستان کے بہت سے علاقے سیلابی ریلے میں بہہ گئے ہیں اس لیے ان کی درخواست ہے کہ لوگ آگے بڑھیں اور متاثرین کی امداد کریں۔

پاکستان میں سیلاب سے تباہ کاریاں

پاکستان بھر میں لگ بھگ دو ماہ سے مون سون کی غیر معمولی بارشوں کا سلسلہ جاری ہے۔ بارشوں نے مختلف صوبوں میں تباہی مچا رکھی ہے۔ بلوچستان، سندھ ، پنجاب اور خیبرپختونخوا کے بعض علاقے سیلاب سے متاثر ہیں جب کہ سینکڑوں افراد زندگی کی بازی ہار چکے ہیں۔

پاکستان بھر میں لگ بھگ دو ماہ سے مون سون کی غیر معمولی بارشوں کا سلسلہ جاری ہے۔ بارشوں نے مختلف صوبوں میں تباہی مچا رکھی ہے۔ بلوچستان، سندھ اور پنجاب کے بعض علاقے سیلاب سے متاثر ہیں جب کہ سینکڑوں افراد زندگی کی بازی ہار چکے ہیں۔

لینڈسلائیڈنگ سے سوات ایکسپریس وے پلائی کے مقام پر جزوی طور پر بند

نیشنل ہائی ویز اینڈ موٹروے پولیس نے بتایا ہے کہ سوات ایکسپرے وے کو لینڈسلائیڈنگ کی وجہ سے پلائی کے مقام پر جزوی طور پر بند کردیا گیا ہے۔

ترجمان نیشنل ہائی ویز اینڈ موٹروے پولیس کے مطابق سڑک بند ہونے کی وجہ سے اسلام آباد اور پشاور سے آنے والی ٹریفک کو پلائی انٹرچینج سے آؤٹ کرایا جا رہا ہے۔

پولیس کا کہنا ہے کہ سوات سے آنے والی ٹریفک چکدار کے مقام پر روک دی گئی ہے جب کہ سڑک کی صفائی کا کام بھی شروع کردیا گیا ہے۔

انہوں نے عوام سے درخواست کی کہ وہ موسمی حالات کے پیشِ نظر غیرضروری سفر سے گریز کریں۔

خیبرپختونخوا میں سیلابوں سے اب تک 79 افراد ہلاک

خیبرپختونخوا کی صوبائی حکومت نے 15 جون سے 24 اگست تک ہونے والی بارشوں اور سیلاب کے نقصانات کی رپورٹ جاری کردی ہے۔

رپورٹ کے مطابق سیلاب کے باعث اب تک 79 افراد ہلاک ہوئے ہیں جب کہ 142 افراد زخمی ہیں۔

صوبائی حکومت کی رپورٹ میں بتایا گیا ہے کہ سیلاب سے مجموعی طور پر چھ ہزار 277 گھروں کو جزوی نقصان پہنچا ہے۔

رپورٹ کے مطابق حکومت کی جانب سے مجموعی طور پر 10 کروڑ 90 لاکھ روپے کا مالی ریلیف فراہم کیا ہے۔