صدر ٹرمپ نے انوگریشن ڈے کو 'لبریشن ڈے' قرار دے دیا
صدر ٹرمپ نے اپنے انوگریشن ڈے کو 'لبریشن ڈے' قرار دیتے ہوئے کہا کہ حالیہ صدارتی انتخابات کو امریکی تاریخ کے سب سے نتیجہ خیز انتخابات کے طور پر یاد رکھا جائے گا۔
صدر ٹرمپ کا ایک بار پھر پاناما کینال واپس لینے کی خواہش کا اظہار
اپنے پہلے خطاب میں ایک بار پھر صدر ٹرمپ نے پاناما کینال واپس لینے کی خواہش کا اظہار کرتے ہوئے کہا کہ امریکہ کو پاناما کینال کبھی واپس نہیں دینی چاہیے تھی۔
اُن کا کہنا تھا کہ صدر جمی کارٹر کی طرف سے 1977 میں دستخط کیے گئے معاہدے کی روح کی خلاف ورزی کی گئی۔ اس معاہدے کے تحت امریکہ نے 1999 میں نہر پانامہ کے حوالے کردی تھی۔
صدر ٹرمپ کا کہنا تھا کہ پاناما کینال سے گزرنے کے لیے امریکی بحری جہازوں سے اوور چارجنگ کی جاتی ہے جو غیر منصفانہ ہے۔ ٹرمپ نے ایک بار پھر کہا کہ چین، پاناما کینال کو آپریٹ کر رہا ہے۔
پاناما کینال سے متعلق دیکھیے یہ ویڈیو۔۔۔
امریکی سینیٹ نے سینیٹر مارکو روبیو کی بطور وزیر خارجہ منظوری دے دی
امریکی سینیٹ نے پیر کو سینیٹر مارکو روبیو کی بطور وزیر خارجہ منظوری دے دی۔
خبر رساں ادارے "ایسو سی ایٹڈ پریس" کے مطابق ایوان نے متفقہ طور پر سینیٹر روبیو کی امریکہ کے اعلی ترین سفارت کار کے طور پر توثیق کی۔
مارکو روبیو صدر ڈونلڈ ٹرمپ کی حکومت کے پہلے وزیر ہیں جن کی نامزدگی کی سینیٹ نے منظوری دی ہے۔
ٹرمپ کو اوول آفس میں بائیڈن کا ان کے نام لکھا خط ملا
امریکہ کے صدر ڈونلڈ ٹرمپ نے صدارت کے پہلے دن ، اپنے پیشرو جو بائیڈن کی طرف سے ان کے لیے لکھے گئے خط کے موصول ہونے کی تصدیق کی۔
جب اوول آفس میں ایک صحافی نے ٹرمپ سے پوچھا کہ کیا انہیں بائیڈن کی طرف سے لکھا ہوا کوئی خط ملا ہے توٹرمپ کو "ڈیسک" میں دیکھنے سے باییڈن کی طرف سے چھوڑا گیا نوٹ ملا۔
ٹرمپ نے خط کو ایک طرف رکھنے سے پہلے کہا،" شاید ہم سب کو اسے مل کر پڑھنا چاہیے۔ "
تاہم، انہوں نے کہا کہ وہ اسے عوامی طور پر شیئر کرنے سے پہلے خود پڑھیں گے۔
خبر رساں ادارے "ایسو سی ایٹڈ پریس" کے مطابق خط کے لفافے پر "47" لکھا ہوا تھا جو ایسا لگتا تھا کہ پنسل کے ساتھ ہاتھ سے لکھا گیا۔