صدر ٹرمپ نے حلف اٹھالیا، امریکہ کو دوبارہ 'عظیم' بنانے کا اعلان

امریکی ٹیکنالوجی کمپنیز ایمیزون، گوگل، ایپل، میٹا اور 'ٹیسلا' کے سربراہان بھی ڈونلڈ ٹرمپ کی حلف برداری میں شریک ہیں۔

ڈونلڈ ٹرمپ کے قریبی مشیر ایلون مسک کے علاوہ 'گوگل' کے چیف ایگزیکٹو سندر پچائی اور 'ایمیزون' کے مالک چیف بیزوس بھی تقریب میں شریک ہیں۔ 'ایپل' کے سی ای او ٹم کک اور 'فیس بک' کے مالک مارک زکربرگ بھی کیپٹل ہل میں موجود ہیں۔

منتخب صدر ڈونلڈ ٹرمپ کی تقریبِ حلف برداری میں شرکت کے لیے سابق امریکی صدور کی آمد کا سلسلہ بھی جاری ہے۔

سابق امریکی صدر براک اوباما بھی کیپٹل ہل پہنچ گئے ہیں۔ سابق امریکی صدر بل کلنٹن اپنی اہلیہ ہیلری کلنٹن کے ہمراہ کیپٹل ہل پہنچے ہیں۔ سابق صدر جارج بش بھی اپنی اہلیہ لارا بش کے ہمراہ پہنچ گئے ہیں۔