امریکہ کے سنہری دور کا ابھی صرف آغاز ہے: صدر ڈونلڈ ٹرمپ

امریکہ کے صدر ڈونلڈ ٹرمپ نے کانگریس کے مشترکہ اجلاس سے خطاب کا آغاز کرتے ہوئے کہا کہ "امریکہ از بیک" یعنی امریکہ واپس آگیا ہے۔

صدر ٹرمپ نے کہا کہ ان کی حکومت نے 43 دنوں میں اتنی کامیابی حاصل کی ہے جو کئی حکومتوں نے چار یا آٹھ سال میں حاصل نہیں کی۔ صدر کے بقول ابھی کامیابیوں کی شروعات ہے۔

کانگریس کے مشترکہ اجلاس سے صدر ٹرمپ کے خطاب کے دوران خلل ڈالنے کی کوشش پر ڈیموکریٹک پارٹی کے رکن ایل گرین کو ایوان سے نکال دیا گیا۔

صدر ٹرمپ اپنے خطاب کے دوران سابق حکومت پر تنقید کر رہے تھے کہ اس دوران ایل گرین اپنی نشست سے کھڑے ہو کر احتجاج کرنے لگے۔ اس موقع پر ایوان کے اسپیکر مائیک جانسن نے ہاؤس سارجنٹ آف آرمز کو ہدایت کی کہ ایل گرین کو ایوان سے باہر لے جایا جائے۔

ڈیموکریٹک کانگریس مین کو ایوان سے باہر نکالے جانے کے دوران بھی صدر ٹرمپ نے اپنے خطاب جاری رکھا۔

صدر ٹرمپ کانگریس کے مشترکہ اجلاس سے خطاب کر رہے ہیں۔

صدر ٹرمپ جب خطاب کے لیے پہنچے تو ان کا شاندار استقبال کیا گیا۔ اس موقع پر ری پبلکن اراکین اور ہاؤس چیمبرز میں موجود مہمانوں نے 'یو ایس اے' کے نعرے لگائے۔

امریکہ کے صدر ڈونلڈ ٹرمپ کانگریس کے مشترکہ اجلاس سے خطاب کریں گے۔

صدارت کا عہدہ سنبھالنے کے بعد صدر ٹرمپ کا کانگریس سے یہ پہلا خطاب ہو گا۔ اپنے خطاب میں صدر داخلی معاملات سمیت خارجہ پالیسی پر گفتگو کر سکتے ہیں۔

صدر کے خطاب سے قبل کانگریس میں خاتونِ اول ملانیا ٹرمپ اور صدر کی کابینہ کے دیگر اراکین پہنچ چکے ہیں۔