وزارتِ داخلہ کا ملک بھر موبائل فون سروس عارضی طور پر بند کرنے کا فیصلہ
پاکستان میں بارہویں انتخابات کے لیے پولنگ شروع ہونے سے قبل وزارتِ داخلہ نے ملک بھر میں موبائل فون سروس عارضی طور پر معطل کرنے کا فیصلہ کر لیا ہے۔
ترجمان وزارتِ داخلہ کے مطابق دہشت گردی کے حالیہ واقعات کے نتیجے میں قیمتی جانوں کا زیاں ہوا ہے۔ امن وامان کی صورتِ حال کو قائم رکھنے اور ممکنہ خطرات سے نمٹنے کے لیے حفاظتی اقدامات ناگزیر ہیں۔
ترجمان کے مطابق امن و امان کی صورتِ حال کے پیشِ نظر ملک بھر میں عارضی طو رپر موبائل فون سروس معطل رکھنے کا فیصلہ کیا گیا ہے۔
واضح رہے کہ بدھ کو بلوچستان کے دو اضلاع میں انتخابی امیدواروں کے دفتروں کے باہر دھماکوں کے نتیجے میں کم از کم 30 افراد ہلاک اور متعدد زخمی ہو گئے تھے۔
قومی اسمبلی کی 265 اور صوبائی اسمبلیوں کی 574 نشستوں پر پولنگ
سابق وزیرِ اعظم شہباز شریف نے ووٹ کاسٹ کر دیا
سابق وزیرِ اعظم اور مسلم لیگ ن کے صدر شہباز شریف نے اپنا ووٹ کاسٹ کر دیا ہے۔
شہباز شریف نے قومی اسمبلی کے حلقہ این اے 127 لاہور کے پولنگ اسٹیشن نمبر 82 میں اپنا ووٹ کاسٹ کیا ہے۔ اس موقع پر صحافیوں سے بات کرتے ہوئے انہوں نے کہا کہ پاکستان کی تقدیر عوام کے ہاتھ میں ہے، اگر عوام نے نواز شریف کو موقع دیا تو سب مل کر ملک کی ترقی کے لیے کام کریں گے۔
پشاور کی کیا صورتِ حال ہے؟