سیلاب آیا تو بدین کے منور علی اپنا گھر بار نہ بچا سکے۔ البتہ انہیں یہ اطمینان تھا کہ وہ اور ان کے گھر والے اپنی جانیں بچانے میں کامیاب رہے۔ لیکن انہیں کیا معلوم تھا کہ موت اب بھی ان کے تعاقب میں ہے۔ بے گھر ہونے کے بعد منور کے خاندان نے ایک سڑک کنارے ڈیرہ ڈالا جہاں ان کے تین نوجوان بچوں کو اس وقت ایک ٹینکر کچل گیا جب وہ اپنے خیمے کے باہر سو رہے تھے۔ تین نوجوان اولادوں کی موت کا غم صرف منور علی اور ان کی اہلیہ ہی نہیں، بلکہ اس سڑک پر مقیم تمام سیلاب متاثرین کا دل چیر گیا ہے۔ منور علی کے گھرانے کی یہ دل گداز کہانی سنا رہے ہیں سدرہ ڈار اور خلیل احمد۔