Khalil Ahmed is a multimedia journalist based in Karachi, Pakistan.
بلوچستان کے ساحل پر واقع چھوٹا سا قصبہ گوادر اب ایک بڑے شہر میں بدل رہا ہے۔ پاکستان اور چین مل کر گوادر میں اپنی ترقی کی راہیں تلاش کر رہے ہیں۔ لیکن اس شہر کے پرانے مکین اب اپنی زمین سے روٹھ کر علاقہ چھوڑ رہے ہیں۔ گوادر میں 300 سال سے مقیم اسماعیلی برادری اب شہر کیوں چھوڑ رہی ہے؟ جانیے۔
بلوچستان کے ساحلی شہر گوادر میں ایک ماہ تک جاری رہنے والے دھرنے میں روایات کے برعکس خواتین نے بھی بڑی تعداد میں شرکت کی۔مردوں کے شانہ بشانہ احتجاج کرنے والی خواتین کہتی ہیں کہ انہیں پانی، تعلیم اور روزگار چاہیے۔ شہر میں ہونے والی ترقی سے انہیں کوئی فائدہ نہیں ہوا۔ محمد ثاقب اور خلیل احمد کی رپورٹ۔
پاکستان کی حکومت نے بڑھتے تجارتی خسارے پر قابو پانے کے لیے چھ ماہ کے لیے تیارہ شدہ گاڑیوں کی درآمد پر پابندی کا فیصلہ کیا ہے۔ لیکن کیا اس فیصلے سے تجارتی خسارے پر قابو پانے میں مدد ملے گی یا پھر یہ عوام کو وقتی طور پر مطمئن کرنے کے لیے کیا جا رہا ہے؟ بتا رہے ہیں محمد ثاقب اور خلیل احمد اس رپورٹ میں۔
بلوچستان کے شہر گوادر میں عوام مطالبات کے حق میں تین ہفتوں سے دھرنا دیے ہوئے ہیں۔ 'حق دو بلوچستان کو' تحریک کے تحت دیے جا رہے دھرنے کے شرکا کا کہنا ہے ان کے تمام مطالبات کی منظوری تک احتجاج جاری رہے گا۔ حکومت کے مطابق مطالبات پر عمل درآمد شروع ہو گیا ہے۔ محمد ثاقب اور خلیل احمد کی رپورٹ دیکھیے۔
کراچی میں واقع ماہی گیروں کی بستی ابراہیم حیدری کے غلام داؤد کی کہانی دیگر خواجہ سراؤں سے خاصی مختلف ہے۔ انہوں نے خواجہ سراؤں کی پیشکش ٹھکرائی، والدین کے ساتھ رہنے کا فیصلہ کیا اور بکریاں چرا کر پیٹ پالنے کی راہ اپنائی۔ غلام داؤد کی منفرد کہانی لائے ہیں سدرہ ڈار اور خلیل احمد۔
سپریم کورٹ کی جانب سے غیرقانونی قرار دی گئی کراچی کی 15 منزلہ رہائشی عمارت نسلہ ٹاور کو گرانے کا عمل شروع کر دیا گیا ہے۔ یہاں مقیم افراد کا کہنا ہے کہ ان کے گھر گرائے جانے پر وہ ذہنی اذیت کا شکار ہیں۔ فیصلے کے تحت انہیں اب تک رقم واپس نہیں کی گئی۔ مزید جانتے ہیں محمد ثاقب اور خلیل احمد کی رپورٹ میں۔
پاکستان میں آج کل ہر شخص مہنگائی کا شکوہ کر رہا ہے جب کہ حکومت مہنگائی کو عالمی مسئلہ قرار دیتے ہوئے دعویٰ کر رہی ہے کہ ملک میں فی کس آمدنی بڑھنے سے لوگوں کی قوتِ خرید بھی بڑھی ہے۔ لیکن یہ قوتِ خرید ہے کیا اور کیا واقعی پاکستانیوں کی قوتِ خرید میں اضافہ ہوا ہے؟ جانیے محمد ثاقب کی اس رپورٹ میں۔
جو مریض بیماری کے سبب بولنے یا حرکت کرنے سے قاصر ہیں، وہ اپنی کیفیات کیسے بیان کریں کہ انہیں کس چیز کی ضرورت ہے یا وہ کیا محسوس کر رہے ہیں؟ اس مسئلے کا حل نکالا ہے کراچی کے ایک طالبِ علم نے جن کی بنائی گئی ایپ میں وہ سب کچھ ہے جو ایک مریض کی ضرورت ہے۔ تفصیلات سدرہ ڈار اور خلیل احمد کی ویڈیو میں۔
کراچی میں 15 منزلہ رہائشی عمارت نسلہ ٹاور کو سپریم کورٹ کے حکم پر گرانے کی کارروائی جاری ہے مگر عمارت کے رہائشی اپنے گھر خالی کرنے پر رضامند نہیں۔ عمارت کے 44 میں سے 30 فلیٹوں میں اب بھی لوگ موجود ہیں جو شدید ذہنی اذیت کا شکار ہیں۔ سدرہ ڈار لائی ہیں نسلہ ٹاور کے رہائشیوں کی کہانی، انہی کی زبانی۔
پاکستان میں باڈی بلڈنگ کا ذکر آتے ہی ذہن میں مسلز کی نمائش کرتے کسی مرد کا تصور ابھرتا ہے۔ لیکن کراچی کی ایک خاتون باڈی بلڈر تانیہ اس عام تاثر کو غلط ثابت کر رہی ہیں۔ تانیہ باڈی بلڈنگ میں کئی اعزاز اپنے نام کر چکی ہیں۔ کراچی کی ان 'مِس فٹ' سے ملا رہی ہیں سدرہ ڈار۔
کراچی کی بریانی اپنے چٹ پٹے اور ذائقے دار مسالوں کی وجہ سے مشہور ہے۔ صدر کی موبائل مارکیٹ میں ایک بریانی والے ایسے بھی ہیں جو صرف جمعے کو اپنا اسٹال لگاتے ہیں اور دیکھتے ہی دیکھتے بریانی کی دو درجن دیگیں ختم ہو جاتی ہیں۔ کراچی کی مشہور 'جمعہ بریانی' کی کہانی لائی ہیں سدرہ ڈار اور خلیل احمد۔
انور مقصود پاکستان کی وہ جانی مانی شخصیت ہیں جنہوں نے چھ دہائیوں سے زائد عرصہ ٹی وی، اسٹیج اور شوبز کی فیلڈ میں گزارا۔ وائس آف امریکہ کے عمیر علوی کو دیے گئے تفصیلی انٹرویو میں انہوں نے اداکاری، ڈرامہ نگاری، گیت نگاری، اور پی ٹی وی کے مشہور ڈراموں پر بات کی ہے۔
سندھ کے علاقے سانگھڑ کے ایک گاؤں میں قدیم تہذیب کا ایسا خزانہ چھپا ہوا ہے جس سے بہت کم لوگ واقف ہیں۔ یہاں ایک زمین دار نے برسوں کی محنت کے بعد ایسی نادر اشیا اکٹھی کی ہیں جو کسی بھی بڑے میوزیم کا حصہ بن سکتی ہیں۔ زمین دار عطا چانیہو کو یہ شوق کب سے ہوا اور ان کیا میوزیم کیسا ہے؟ دیکھیے۔
پاکستان کے شہر کراچی میں "دنیا کے سب سے بڑے قرآن" پر کام جاری ہے۔ اس قرآن کو لکھا نہیں بلکہ کینوس پر اسکلپ کیا جارہا ہے۔ مصور شاہد رسام کئی برسوں سے اس قرآن پر کام کر رہے ہیں جس کا کچھ حصہ آئندہ ماہ دبئی ایکسپو میں نمائش کے لیے پیش کیا جائے گا۔ مزید جانیے سدرہ ڈار اور خلیل احمد کی ڈیجیٹل رپورٹ میں
ہر شہر کی کوئی نہ کوئی سوغات مشہور ہوتی ہے۔ سندھ کے شہر سانگھڑ کی مچھلی اپنے منفرد ذائقے اور ترکیب کے سبب خاصی مشہور ہے۔ یہ مچھلی کیسے بنائی جاتی ہے اور اس میں کیا خاص بات ہے؟ دیکھیے سدرہ ڈار اور خلیل احمد کی ڈیجیٹل رپورٹ میں۔
ضلع سانگھڑ کے ایک گاؤں سے تعلق رکھنے والی شامو بائی کی وجۂ شہرت صوفیانہ کلام اور بھجن ہیں جس کی وجہ سے وہ کوک اسٹوڈیو تک پہنچ گئیں۔ ہندو برادری سے تعلق رکھنے والی شامو بائی اب اپنے علاقے کی بہت سی لڑکیوں کی رول ماڈل بن چکی ہیں۔ شامو بائی کی کہانی لائے ہیں سدرہ ڈار اور خلیل احمد اس رپورٹ میں۔
سندھ کے ضلع سانگھڑ کے اچھرو تھر کو سفید صحرا بھی کہا جاتا ہے۔ یہ جگہ اپنی خوبصورت جھیلوں کی وجہ سے جانی جاتی ہے۔ یہاں بہت سی ایسی جھیلیں ہیں جن سے اس صحرا کا حسن دوبالا ہو جاتا ہے۔ انہی جھیلوں کی سیر کرا رہی ہیں ہماری نمائندہ سدرہ ڈار اس رپورٹ میں۔
افغانستان کی غیر یقینی صورتِ حال پر جہاں عالمی برادری مختلف شکوک و شبہات کا شکار ہے وہیں افغان عوام بھی خدشات ظاہر کر رہے ہیں۔ پاکستان کے سب سے بڑے شہر کراچی میں ہزاروں افغان مہاجرین مقیم ہیں۔ اس صورتِ حال کو وہ کیسے دیکھ رہے ہیں اور کیا سوچ رہے ہیں؟ دیکھیے محمد ثاقب اور خلیل احمد کی رپورٹ میں۔
اس سے پہلی ویڈیو میں ہم نے آپ کو بتایا کہ عید الاضحیٰ پر لوگوں کو قصابوں سے کیا شکایات رہتی ہیں۔ اس رپورٹ میں ملتے ہیں قصائیوں سے اور جانتے ہیں کہ انہیں لوگوں سے کیا شکوے ہیں؟ سدرہ ڈار اور خلیل احمد کی رپورٹ۔
عیدالاضحیٰ پر قربانی کے لیے قسمت والوں کو اگر کوئی پیشہ ور قصائی مل جائے تو ان کی قربانی آسان ہو جاتی ہے۔ ورنہ اناڑی قصائی کی مدد لینا ہی آخری حل ہوتا ہے۔ ہر سال اس مسئلے سے دوچار ہونے والے کچھ افراد کی زبانی جانتے ہیں کہ لوگوں کو قصائیوں سے کیا شکوے ہیں؟ سدرہ ڈار اور خلیل احمد کی رپورٹ۔
مزید لوڈ کریں