کرکٹ کا عالمی میلہ 5 اکتوبر سے بھارت میں سجے گا، لیکن اس میں شرکت کرنے والی زیادہ تر ٹیموں کے کپتانوں کے لیے اہم کھلاڑیوں کی انجری دردِ سر بنی ہوئی ہے۔
کسی ٹیم کا مرکزی بالر مسلسل کرکٹ کی وجہ سے زخمی ہے تو کسی ٹیم کے بلے باز کی انجری کی وجہ سے میگا ایونٹ میں شرکت مشکوک ہے۔
صرف پاکستان ٹیم کے تین کھلاڑی حارث روؤف، نسیم شاہ اور سلمان علی آغا ایشیا کپ کے دوران زخمی ہوگئے تھے جس میں نسیم شاہ کی صورتحال سب سے پریشان کن ہے کیوں وہ فیلڈنگ کرتے ہوئے زخمی ہوئے تھے۔
پاکستان کے علاوہ بھی ورلڈ کپ میں شرکت کرنے والی کئی ٹیموں کے اہم کھلاڑیوں کی فٹنس پر سوالیہ نشان ہے، جس میں سب سے زیادہ متاثر آسٹریلیا اور سری لنکا کی ٹیمیں نظر آرہی ہیں ۔
Travis Head to miss first half of World Cup with an injured finger 🤕Marnus Labuschagne is being considered as potential replacement, Cricket Australia to decide soon 🔜#CWC23 #WorldCup2023 #CricketTwitter pic.twitter.com/F6zhOtKWBD
— CricWick (@CricWick) September 18, 2023
ان دونوں ٹیموں کی آخری انٹرنیشنل سیریز یا ٹورنامنٹ میں یا تو تجربہ کار کھلاڑی زخمی ہونے کی وجہ سے شامل نہیں تھے، یا پھر میچ کے دوران انجرڈ ہوئے۔
آئیے ان تمام ٹیموں پر نظر ڈالتے ہیں جن کے اہم کھلاڑی زخمی ہونے کی وجہ سے ورلڈ کپ اسکواڈ میں تو شامل ہیں لیکن ان کی میگا ایونٹ میں شرکت ان کی فٹنس پر مشروط ہے۔
آسٹریلیا
رواں ماہ آسٹریلیا اور جنوبی افریقہ کےدرمیان پانچ میچز پر مشتمل ون ڈے سیریز کھیلی گئی جس میں مچل مارش نے آسٹریلیا کی قیادت اس لیے کی کیوں کہ ان کے مستقل کپتان پیٹ کمنز کلائی زخمی ہونے کی وجہ سے دستیاب نہیں تھے۔
اس سیریز میں نہ تو پانچ مرتبہ کی عالمی چیمپئن کو تجربہ کار اسٹیون اسمتھ کی خدمات حاصل تھیں، نہ ہی آل راؤنڈر گلین میکسویل فائنل الیون کا حصہ تھے، اسمتھ کی کلائی زخمی تھی جب کہ میکسویل ٹخنے کی انجری کی وجہ سے آؤٹ آف ایکشن ہیں۔
Travis Head to miss first half of World Cup with an injured finger 🤕Marnus Labuschagne is being considered as potential replacement, Cricket Australia to decide soon 🔜#CWC23 #WorldCup2023 #CricketTwitter pic.twitter.com/F6zhOtKWBD
— CricWick (@CricWick) September 18, 2023
معاملہ یہیں ختم نہیں ہوتا، فاسٹ بالر مچل اسٹارک بھی گروئن انجری کی وجہ سے اس سیریز میں منتخب ہونے کے باوجود شرکت نہیں کرسکے، بلے باز ٹریوس ہیڈ کا سیریز کےدورانِ ہاتھ فریکچر ہوا، جب کہ شان ایبٹ اور ایشٹن ایگر بھی مختلف انجریز کا شکار ہوئے۔
آل راؤنڈر کیمرون گرین بھی سر پر گیند لگنے کی وجہ سے سیریز کے دوران زخمی ہوگئے، جب کہ کپتان مچل مارش کو بھی مکمل فٹ نہ ہونے کی وجہ سے بالنگ کی اجازت نہیں۔ان سب کے باوجود آسٹریلوی سلیکٹرز پر امید ہیں کہ ان کی بہترین ٹیم ورلڈ کپ میں شرکت کرے گی۔
سری لنکا
حال ہی میں ختم ہونے والے ایشیا کپ میں سری لنکا کی ٹیم نے فائنل میں تو جگہ بنائی، لیکن اس کامیابی کے پیچھے زیادہ تر نوجوان کھلاڑیوں کا ہاتھ تھا جنہیں تجربہ کار کھلاڑیوں کے زخمی ہونے کے بعد موقع ملا، ایشیا کپ کے فائنل سے قبل آف اسپنر مہیش ٹھیک شانا کی انجری کے بعد یہ فہرست مزید لمبی ہوگئی ہے۔
🚨 Injury update 🚨Maheesh Theekshana, who strained his right hamstring during the game against Pakistan, will not be available for the finals.A scan was done and confirmed the muscle injury.Sri Lanka Cricket Selectors have brought in Sahan Arachchige into the squad in… pic.twitter.com/7nSzGhHic2
— Sri Lanka Cricket 🇱🇰 (@OfficialSLC) September 16, 2023
اس وقت سری لنکا کے تین فرنٹ لائن فاسٹ بالرز دلشن مدھوشنکا ، لہیرو کمارا ، اور دشمانتھا چمیرا کے ساتھ ساتھ لیگ اسپنر ونیندو ہسارانگا مختلف نوعیت کی انجریز کی وجہ سے ٹیم سے باہر ہیں، تاہم سلیکٹرز کی رائے میں ان تمام کھلاڑیوں کو آرام کی غرض سے منتخب نہیں کیا جارہا، اور میگا ایونٹ سے قبل یہ مکمل فٹ ہوجائیں گے۔
پاکستان
ایشیا کپ میں سپر فور مرحلے میں بھارت اور سری لنکا سے شکست کھانے والی پاکستان کرکٹ ٹیم کو ایک طرف کھلاڑیوں کے فارم میں نہ ہونے کے ایشو کا سامنا ہے تو دوسری جانب فٹنس مسائل کا بھی، حالیہ دنوں میں پاکستان کی جانب سے سب سے موثر ثابت ہونے والے پیسر نسیم شاہ فیلڈنگ کے دوران انجری کا شکار ہو کر ورلڈ کپ کے پہلے حصے سے باہر ہوگئے ہیں۔
Salman Ali Agha😭😭😭💔I can%27t see this yr 😭😭😭I hope he is Okay 🥺#INDvPAK pic.twitter.com/SRQ00NJErv
— 𝗛𝗮𝘀𝘀𝗮𝗻 𝗭𝗮𝗵𝗶𝗱¹⁰ | 🇦🇪 (@Iam_hassan10) September 11, 2023
آل راؤنڈر سلمان علی آغا کے چہرے پر سوئیپ کھیلتے ہوئے گیند لگ گئی تھی جس کی وجہ سے وہ سری لنکا کے خلاف آخری سپر فور میچ میں شرکت نہیں کرسکے تھے جب کہ حارث روؤف کی انجری کو مزید بگڑنے سے روکنےکے لیے مینجمنٹ نے انہیں بھارت کےخلاف میچ کے اضافی دن ریسٹ دیا، ورنہ میگا ایونٹ میں ان کی بھی شرکت مشکوک ہوسکتی تھی۔
جنوبی افریقہ
پاکستان کی طرح جنوبی افریقہ کے فاسٹ بالرز بھی فٹنس مسائل سے دو چار ہیں، آسٹریلیا کے خلاف سیریز کے دوران انرچ نوکیا کی کمر میں تکلیف ہوئی تھی جب کہ سساندا مگالا گھٹنے میں انجری کا شکار ہوگئے تھے، یہی نہیں، ٹیم کے کپتان ٹینڈا بووما کو بھی سیریز کے چوتھے میچ میں احتیاطا ڈراپ کردیا گیا تھا تاکہ کسی بڑی انجری سے بچ سکیں۔
South Africa suffered a huge blow as Anrich Nortje is likely to be ruled out of the World Cup 2023.#SouthAfirca #AnrichNortjehttps://t.co/dBgjhwdZNx
— CricTracker (@Cricketracker) September 20, 2023
اگر نوکیا اور مگالا دونوں ہی ورلڈ کپ اسکواڈ سے انجرڈ ہونے کی وجہ سے باہر ہوگئے تو جنوبی افریقی مینجمنٹ پریشانی کا شکار ہوجائے گی کیوں کہ کگیسو ربادا بھی ٹخنے کی انجری کی وجہ سے آخری ون ڈے میچ میں شرکت نہیں کرسکے تھے، جب کہ تجربہ کار وین پارنیل بھی ڈومیسٹک کرکٹ میں زخمی ہوکر ورلڈ کپ اسکواڈ سے پہلے ہی باہر ہوچکے ہیں۔
نیوزی لینڈ
گزشتہ ورلڈ کپ کی رنرز اپ ٹیم نیوزی لینڈ ابھی وائٹ بال کپتان کین ولیمسن کو مکمل ایکشن میں نہیں دیکھ پائی تھی کہ فاسٹ بالر ٹم ساؤتھی انگوٹھے کی انجری کا شکار ہوگئے، انگلینڈ کے خلاف کھیلی جانے والی سیریز کے چوتھے میچ کے دوران وہ زخمی ہوکر گراؤنڈ سے باہر چلے گئے تھے۔
An update on Tim Southee%27s injury he sustained in the final ODI against England on Saturday. #CWC23https://t.co/SSeABUany3
— BLACKCAPS (@BLACKCAPS) September 20, 2023
ان کے ساتھ ساتھ بلے باز ڈیرل مچل بھی زخمی ہوگئے تھے لیکن ان کی چوٹ کی نوعیت سنگین نہیں، تاہم ٹم ساؤتھی کی ورلڈ کپ میں شرکت کا فیصلہ اگلے چند روز میں کیا جائے گا۔رواں سال آئی پی ایل کے دوران زخمی ہونے والے کین ولیمسن بھی فی الحال مکمل طور پر فٹ نہیں ہوئے ہیں لیکن انہیں کیوی کرکٹ حکام نے اسکواڈ کا کپتان نامزد کیا ہوا ہے۔
انگلینڈ
دفاعی چیمپئن انگلینڈ اس بار ورلڈ کپ میں بھرپور تیاری کے ساتھ آرہی ہے لیکن انہیں اوپننگ بلے باز جیسن روئے کی خدمات حاصل نہیں ہوں گی، نیوزی لینڈ کے خلاف ون ڈے سیریز کے دوران وہ کمر میں تکلیف کی وجہ سے شرکت نہیں کرسکے جس کی وجہ سے انہیں میگا ایونٹ کے فائنل اسکواڈ سے باہر کردیا گیا۔
Delightful to see ❤️ pic.twitter.com/LA0yK7hxeN
— England%27s Barmy Army 🏴🎺 (@TheBarmyArmy) September 18, 2023
کپتان جوس بٹلر کا کہنا تھا کہ جیسن روئے ٹیم کے ساتھ تو بھارت نہیں جائیں گے لیکن ٹاپ آرڈر کے ریزرو بلے باز کی حیثیت سے متبادل کے طور پر تیار رہیں گے۔ گزشتہ فائنل میں سپر اوور پھینکنے والے جوفرا آرچر کا معاملہ تھوڑا سا مختلف ہے، وہ ٹیم کے ساتھ بطور ٹریولنگ ریزرو بھارت جائیں گے اور اگر وہ کہنی کی انجری سے صحتیاب ہوگئے تو انہیں کسی زخمی کھلاڑی کی جگہ ٹیم میں شامل کرنے کے بارے میں سوچا جاسکتا ہے۔
بھارت
حال ہی میں ایشیا کپ کا ٹائٹل جیتنے والی بھارتی ٹیم کے فٹنس مسائل تو کم ہوئے ہیں لیکن ختم نہیں، ون ڈے اسکواڈ میں کم بیک کرنے والے شریاس ائیر نے کمر میں تکلیف کی وجہ سے ایشیا کپ میں صرف دومیچز ہی کھیلے تھے، اور اب ان کی فٹنس کا جائزہ آسٹریلیا کے خلاف سیریز کے دوران لیا جائے گا جس کے بعد ہی ان کی ورلڈ کپ میں شرکت کا فیصلہ کیا جائے گا۔
Reports are coming that Ashwin can get a ODI call up for upcoming Australia series. He can replace injured Axar Patel in the squad for the world cup as his injury can prevent him playing in World Cup. Another option is Sunder but looks like team is going with experience for all… pic.twitter.com/MWnzZ3Z9Cy
— BALA (@rightarmleftist) September 18, 2023
ادھر آل راؤنڈر اکشر پٹیل نے انجری کی وجہ سے ایشیا کپ کا فائنل نہیں کھیلا تھا اور امکان ہے کہ ان کی جگہ فائنل اسکواڈ میں روی چندرن ایشون کو شامل کیا جائےجو اسپین بالنگ کے ساتھ ساتھ بلے بازی بھی کرلیتے ہیں۔
بنگلہ دیش
اور آخر میں بات بنگلہ دیشی اسکواڈ کی جو اس وقت نیوزی لینڈ کے خلاف ون ڈے سیریز کھیلنے کی تیاری میں مصروف ہے، لیکن اسے اوپننگ بلے باز نجم الحسین شانتو کی خدمات حاصل نہیں ہوں گی جو ہیم اسٹرنگ انجری کی وجہ سے اس سیریز کا حصہ نہیں۔
Bangladesh’s Ebadot Hossain%27s availability for the World Cup in October-November is in doubt due to a knee injury he sustained during the ODI series against #Afghanistan in July.#bangladesh #cricket #ICCWorldCup2023 pic.twitter.com/fstSIKoCwz
— Stad Doha (@StadDoha_en) August 30, 2023
فاسٹ بالر عبادت حسین کی بھی میگا ایونٹ میں شرکت فٹنس سے مشروط ہے۔ اگر وہ گھٹنے کی سرجری کے بعد مکمل فٹ ہوگئے تب ہی ورلڈ کپ میں اپنے ملک کی نمائندگی کرسکیں گے ورنہ کسی اور کو ان کی جگہ منتخب کرنا پڑے گا۔