بالی وڈ کنگ شاہ رخ خان رواں برس اپنی تیسری فلم کی ریلیز کے لیے تیار ہیں۔ اداکار نے اپنی سالگرہ کے موقع پر فلم 'ڈنکی' کا ٹریلر ریلیز کیا ہے۔
'ڈنکی' میں شاہ رخ خان کے ساتھ اداکارہ تاپسی پنو، بمن ایرانی اور وکی کوشل اداکاری کے جوہر دکھا رہے ہیں۔ امکان ہے کہ فلم میں اداکار دھرمیندر ، ستین شاہ اور دیا مرزا بھی نظر آئیں گی۔
فلم کی ہدایات منا بھائی ایم بی بی ایس، پی کے، سنجو اور تھری ایڈیٹس کے ڈائریکٹر راج کمار ہیرانی نے دی ہیں جب کہ اسے شاہ رخ خان کی اہلیہ گوری خان نے پروڈیوس کیا ہے۔
'ڈنکی' کی کہانی چار دوستوں کے گرد گھومتی نظر آتی ہے جو اپنی زندگی کو بہتر بنانے کے لیے بیرون ملک جانے کا خواب دیکھتے ہیں۔
شاہ رخ خان نے جمعرات کو ٹریلر کا ڈراپ ون یعنی پہلا حصہ جاری کیا ہے جس سے اندازہ ہو رہا ہے کہ ٹریلر کا دوسرا حصہ بھی ریلیز کیا جائے گا۔
ٹیزر میں شاہ رخ خان ایک نئے انداز میں نظر آرہے ہیں جس میں وہ ایک ایسے نوجوان کا کردار ادا کررہے ہیں جو آگے جاکر ڈنکی کے شعبے سے وابستہ ہوجاتا ہے۔ یعنی وہ غیر قانونی طور پر لوگوں کو بیرون ملک لے جانے کا پیشہ اختیار کرلیتا ہے۔
'ڈنکی' رواں برس دسمبر میں کرسمس کے موقع پر ریلیز ہو گی۔ اس فلم کا مقابلہ باکس آفس پر اداکار پربھاس کی فلم 'سالار 'سے ہونے کا امکان ہے، وہ بھی دسمبر کے آخر میں ریلیز ہو گی۔
شاہ رخ خان اور راج کمار ہیرانی کی کہانی منا بھائی سے بھی زیادہ پرانی
معروف ہدایت کار راج کمار ہیرانی نے سنجے دت کی فلم 'منابھائی ایم بی بی ایس' سے شہرت حاصل کی تھی جس کے بعد انہوں نے منا بھائی کا سیکوئل 'لگے رہو منابھائی' بنایا تھا۔ اس کے علاوہ انہوں نے عامر خان کے ساتھ 'تھری ایڈیٹس' اور 'پی کے' جیسی ہٹ فلمیں پیش کیں۔
راج کمار ہیرانی کی آخری فلم 'سنجو' تھی جو 2018 میں ریلیز ہوئی تھی۔ 'سنجو' نے باکس آفس پر شاندار بزنس کیا تھا۔ بعدازاں راج کماار ہیرانی پانچ برس کے وقفے کے بعد فلم 'ڈنکی' لے کر آرہے ہیں جو ان کی شاہ رخ خان کے ساتھ پہلی فلم ہے۔
بہت کم ہی لوگوں کو علم ہے کہ جب راج کمار ہیرانی نے منا بھائی کے کردار کی تلاش شروع کی تھی تو ان کی پہلی چوائس شاہ رخ خان ہی تھے جنہوں نے اُس وقت کمر میں تکلیف کی وجہ سے فلم کرنے سے معذرت کرلی تھی۔ پھر اس کردار کے لیے سنجے دت کا نام تجویز کیا گیا تھا۔
راج کمار ہیرانی نے 'ڈنکی' کا ٹیزر شیئر کرتے ہوئے لکھا کہ انہیں اس فلم سے بہت سی امیدیں وابستہ ہیں۔
Home is where the heart smiles the most. And at the heart of this film are people on a journey of friendship, love and their dreams. Excited now that the #DunkiDrop1 is here. #Dunki releasing worldwide in cinemas this Christmas. pic.twitter.com/ljapKCmJuH
— Rajkumar Hirani (@RajkumarHirani) November 2, 2023
فلم 'ڈنکی' کے ٹیزر کو شائقین کی جانب سے خوب پسند کیا جا رہا ہے۔ کسی نے اسے بلاک بسٹر قرار دیا تو کسی کے خیال میں یہ راج کمار ہیرانی کی سب سے کامیاب فلم ثابت ہو گی۔
آکاش ونی نے اپنے ایکس اکاؤنٹ پر فلم کے ٹریلر پر ردِ عمل کا اظہار کرتے ہوئے کہا کہ یہ باکس آفس پر ریکارڈ برنس کرے گی۔
First Impression on #DUNKI - Seems like a sure-shot winner at the Box Office with a very long run both at domestic and overseas markets. pic.twitter.com/dAbnbSJbTR
— Aakashavaani (@TheAakashavaani) November 2, 2023
ایک صارف نے کہا کہ یہ ایک ماسٹرپیس ثابت ہوگی جسے شائقین بار بار دیکھنے سنیما جائیں گے۔
I can definitely say that #Dunki is is going to be a good cinematic masterpiece we all want to see again and again. 10/10 teaser #DunkiDrop1pic.twitter.com/7xti9ojK6x
— Cheemrag (@itxcheemrag) November 2, 2023
فلمی تجزیہ کار سمیت کادل سمجھتے ہیں کہ شاہ رخ خان اور ڈنکی کی اسٹار کاسٹ کا راج کمار ہیرانی کی ہدایات میں کام کرنا اور اصل واقعات کو سامنے رکھ کر دوستی اور محبت کی داستان پیش کرنا اس کی کامیابی کی ضمانت ہے۔
DREAM COMBO BECOMES REALITY #DunkiDrop1, the first unit from #Dunki OUT NOW! #ShahRukhKhan and an incredible star cast in #RajkumarHirani’s endearing world, a perfect blend of heart and humor. Drawn from real-life experiences and stories, dunki is a saga of love and… pic.twitter.com/BVta8AU7sq
— Sumit Kadel (@SumitkadeI) November 2, 2023
شاہ رخ خان کے ایک مداح نے فلم کی کاسٹ کو سراہا۔
The Most Talented Frame Ever. #Dunki is going to be a Fun and Emotional Ride than ever. #RajkumarHirani will touch the nerve with his master storytelling.#HappyBirthdaySRK#DunkiDrop1 #ShahRukhKhan #DunkiTeaser pic.twitter.com/aM15eBffDz
— JUST A FAN. (@iamsrk_brk) November 2, 2023
ڈنکی کی شوٹنگ بھارت کے علاوہ سعودی عرب کے شہر جدہ اور نیوم، لندن اور بُداپسٹ میں ہوئی ہے۔
یاد رہے کہ اس سال شاہ رخ خان کی دو فلمیں ریلیز ہو چکی ہیں۔ دونوں ہی فلموں جوان اور پٹھان نے باکس آفس پر شاندار بزنس کیا تھا۔