پاکستان میں سابق وزیرِ اعظم عمران خان کی گرفتاری کے خلاف ہونے والے احتجاج اور مظاہروں کے بعد پیدا ہونے والی صورتِ حال کے پیش نظر امریکہ، برطانیہ اور یورپی یونین نے اپنے شہریوں کے لیے ٹریول ایڈوائزری اور الرٹس جاری کردیے ہیں۔
اسلام آباد میں امریکہ کے سفارت خانے نے پاکستان میں موجود اپنے شہریوں کے لیے الرٹ جاری کیا ہے جس میں کہا گیا ہے کہ سفارت خانہ مظاہروں میں پولیس اور مظاہرین کے درمیان تصادم کے واقعات اور ممکنہ مظاہروں پر نظر رکھے ہوئے ہے۔
سفارت خانے نے کہا ہے کہ ٹریفک میں آنے والے ممکنہ خلل اور رکاوٹوں کی وجہ سے سفارت خانے نے 10 مئی کو اپنی تمام قونصلر اپوائنٹ منٹس منسوخ کردی ہیں۔الرٹ میں اپنےشہریوں کو پرہجوم مقامات سے گریز کرنے ،محتاط رہنے اور مقامی میڈیا پر صورتِ حال کو مانیٹر کرنے کی تجویز بھی دی ہے۔
کینیڈا کی حکومت نے بھی پاکستان میں غیر معمولی سیکیورٹی صورتِ حال کے پیش نظر ’ہائی ڈگری‘ انتباہ جاری کیا ہے۔اس سلسلے میں جاری کی گئی ایڈوائزری میں کہا گیا ہے کہ پاکستان میں دہشت گردی، بد امنی، فرقہ وارانہ تشدد اور اغوا جیسے خطرات لاحق ہیں۔
Canadians in #Pakistan! #Demonstrations are expected across the country due to the arrest of a prominent public figure. Follow the instructions of local authorities and avoid demonstrations and large gatherings. More info here: https://t.co/mqZdobsZwI pic.twitter.com/H8rkuaCi6I
— Travel.gc.ca (@TravelGoC) May 9, 2023
پاکستان میں برطانیہ کے قائم مقام ہائی کمشنر اینڈریو ڈیلگلیش نے اپنے ایک ٹوئٹ میں بتایا کہ پاکستان کے لیے ٹریول ایڈوائس کو اپ ڈیٹ کردیا گیا ہے۔
ایڈوائزری میں خیبر پختونخوا میں شامل ہونے والے سابق قبائلی اضلاع، پشاور، بلوچستان، پاکستان کے زیرِ انتظام کشمیر،شاہراہِ قرارم اور دیگر ہائی ویز کے بلا ضرورت سفر سے منع کیا گیا ہے۔ اس کے علاوہ ، لائن آف کنٹرول اور چین سے ملحقہ سرحدوں سے 10 کلومیٹر فاصلے کے اندر سفر کرنے سے بھی منع کیا گیا ہے۔
We have updated our travel advice for Pakistan. UK Nationals already in Pakistan, or considering travel to Pakistan, are advised to check the foreign travel advice page below: https://t.co/Tbs4L9UN0U
— Andrew Dalgleish (@ADalgleish01) May 9, 2023
حکومت برطانیہ کی جاری کردہ ایڈوائزری میں سابق وزیرِ اعظم عمران خان کی گرفتاری سے پیدا ہونے والی صورتِ حال، احتجاج اور انٹرنیٹ کی بندش کا تذکرہ کرتے ہوئے حالات خراب ہونے کا خدشہ بھی ظاہر کیا گیا ہے۔
میڈیا رپورٹس کے مطابق یورپی یونین نے بھی رکن ممالک کے شہریوں کو پاکستان کے زیرِ انتظام کشمیر، بلوچستان اور خیبر پختونخوا کے سفر سے گریز کا مشورہ دیا ہے۔
عالمی ردعمل
عمران خان کی گرفتاری پر امریکہ، برطانیہ، یورپی کمیشن کے علاوہ اقوامِ متحدہ، ایمنسٹی انٹرنیشنل اور دیگر عالمی تنظیموں کا ردعمل سامنے آچکا ہے۔
اس کے علاوہ عالمی سیاست دانوں، صحافیوں اور تھنک ٹینک سے وابستہ محققین نے بھی سوشل میڈیا پر اپنی رائے کا اظہار کیا ہے۔
SEE ALSO: عمران خان کی گرفتاری 'فوجی کوُ' لگتی ہے، رکن کانگریس شرمین: وائٹ ہاؤس اور بلنکن کا ردعمل بھی آ گیابرطانوی رکن پارلیمنٹ اور سابق اپوزیشن لیڈر جیرمی کوربن نے اپنے ٹوئٹ میں کہا کہ عمران خان کی گرفتاری پاکستان میں جمہوریت کے لیے سیاہ دن ہے۔
انہوں نے عمران خان سے اظہارِ یکجہتی کرتے ہوئے ان کی فوری رہائی کا مطالبہ بھی کیا ہے۔
The arrest of former Prime Minister of Pakistan, Imran Khan, is a dark day for democracy.Solidarity with protestors in Pakistan and beyond demanding his immediate release. pic.twitter.com/qXgQGjhfe2
— Jeremy Corbyn (@jeremycorbyn) May 10, 2023
تھنک ٹینک بروکنگ انسٹی ٹیوٹ سے وابستہ اسکالر مدیحہ افضل نے کہا کہ عمران خان نے اپنے حالیہ بیانات میں فوج کی ’سرخ لکیر‘ کو عبور کرتے ہوئے فوجی اور انٹیلی جینس افسران کے خلاف بات کی ہے۔
ان کے بقول یہ فوجی اسٹیبلشمنٹ سے عمران خان کی بڑھتی ہوئی کشیدگی کا نتیجہ ہے اور حققیت یہ ہے کہ اسٹیبلشمنٹ عمران خان کو اپنے لیے خطرہ سمجھتی ہے۔
As I told the NYT, this arrest is about "about Khan crossing the military’s ‘red line’ with his recent comments against officials in the military and intelligence services. It is about Khan’s escalating confrontation with the military establishment..."https://t.co/qn2WBQlLDD
— Madiha Afzal (@MadihaAfzal) May 9, 2023
امریکی دارالحکومت واشنگٹن ڈی سی میں قائم ایک تھنک ٹینک وڈرو ولسن انٹرنیشل سینٹر میں جنوب اور جنوب مشرقی ایشیا کے لیے سینئر پروگرام ایسوسی ایٹ مائیکل کوگلمین نے عمران خان کی گرفتاری پر تبصرہ کرتے ہوئے اپنی ٹوئٹ میں کہا کہ عمران خان کے حامیوں کا کہنا ہے کہ ان کے لیڈر کی گرفتاری سرخ لکیر ہے۔
ان کے بقول پولیس کا کہنا ہے کہ اس گرفتاری کا تعلق کرپشن سے ہے۔ لیکن خان نے حال ہی میں ان الزامات کا اعادہ کیا ہے کہ پچھلے سال ان کے قتل کی کوشش کے پیچھے ایک اعلیٰ سیکیورٹی عہدے دار کا ہاتھ تھا۔
In Pakistan right now, public fury is being directed at the Army on levels that haven%27t been seen in a very long time. The images today of people storming and burning military property would have been unthinkable a few years ago. Such dramatic changes over so little time.
— Michael Kugelman (@MichaelKugelman) May 9, 2023
انہوں ںے موجودہ صورتِ حال کو ایک طویل اور ڈراؤنے بحران میں مزید اضافہ قرار دیا ہے۔
افغانستان کے لیے امریکہ کے سابق مندوب زلمے خلیل زاد نے عمران خان کی گرفتاری پر اپنے سلسلے وار ٹوئٹس میں اسے افسوس ناک قرار دیتے ہوئے کہا ہے کہ ایسے اشارے موجود ہیں کہ پارلیمنٹ عمران خان کو نااہل قرار دینے کا کہہ سکتی ہے۔
ٹوئٹس میں ان کا مزید کہنا تھا کہ لگتا ہے کہ حکومت نے عمران خان کو ریاست کا اولین دشمن قرار دینے کا فیصلہ کر لیا ہے۔
The arrest of Imran Khan is deplorable and will have far-ranging consequences. I condemn it in the strongest terms.[Thread]#Pakistan #ImranKhanArrest
— Zalmay Khalilzad (@realZalmayMK) May 9, 2023
انہوں نے انتباہ کیا کہ ایسے اقدامات پاکستان کے سیاسی، معاشی اور سیکیورٹی بحران کو مزید گہرا کر دیں گے۔ اس کے نتیجے میں بین الاقوامی حمایت کم ہو جائے گی۔ پہلے ہی کچھ ممالک سرمایہ کاری کے طے شدہ منصوبے معطل کر چکے ہیں اور اب تک آئی ایم ایف کی مدد بھی واضح نہیں ہے۔