برطانیہ جمعے سے متحدہ عرب امارات (یو اے ای) سے براہِ راست مسافر طیاروں کی آمد پر پابندی عائد کر رہا ہے جس سے دبئی سے لندن کا دنیا کا مصروف ترین فضائی روٹ بند ہو جائے گا۔
برطانیہ نے کہا ہے کہ وہ متحدہ عرب امارات، برونڈی اور روانڈا کو کرونا وائرس سے احتیاط کے لیے سفری پابندیوں والے ممالک کی فہرست میں شامل کر رہا ہے۔ کیوں کہ اسے مزید تیزی سے پھیلنے والے اور ممکنہ طور پر ویکسین کے خلاف بھی مدافعت رکھنے والے وائرس کے پھیلاؤ سے پریشانی کا سامنا ہے جو سب سے پہلے جنوبی افریقہ میں پایا گیا تھا۔
برطانیہ کے وزیر برائے ٹرانسپورٹ گرانٹ شیپس نے جمعرات کو ٹوئٹر پر بیان میں کہا کہ اس فیصلے کا مطلب ہے کہ وہ لوگ جو ان ممالک سے سفر کر رہے ہیں ان کو برطانیہ داخلے کی اجازت نہیں دی جائے گی۔ البتہ برطانیہ، آئرلینڈ اور ایسے دیگر ممالک سے تعلق رکھنے والے مسافروں کو برطانیہ داخل ہونے دیا جائے گا جو یہاں سکونت کا حق رکھتے ہیں۔ البتہ ان مسافروں کو ہر صورت خود کو 10 دن کے لیے اپنے گھروں پر قرنطینہ میں رکھنا ہو گا۔
From tomorrow (Friday 29 Jan at 1pm), we’re extending our travel ban with the United Arab Emirates, Burundi and Rwanda all added to the UK%27s red list. 1/3
— Rt Hon Grant Shapps MP (@grantshapps) January 28, 2021
امارات اور اتحاد ایئر ویز نے اپنی ویب سائٹس پر بتایا ہے کہ وہ برطانیہ کے لیے تمام مسافر پروازیں یونیورسل ٹائم کے مطابق دوپہر ایک بجے بند کر دیں گے۔
UK flights update: Emirates passenger services between Dubai and all our UK points - Birmingham, Glasgow, London & Manchester have been suspended until further notice. For more info, please visit:https://t.co/Nt3dJcLgRD
— Emirates Support (@EmiratesSupport) January 29, 2021
دبئی ایئر پورٹ نے ایک بیان میں مسافروں کو ہدایت کی ہے کہ اس پابندی کے نافذ العمل ہونے کے بعد جن لوگوں کی فلائٹس پہلے سے طے ہیں، وہ ایئرپورٹ نہ آئیں بلکہ ایئر لائن سے رابطہ کریں۔
As announced by the UK government, direct flights between UAE & UK have been temporarily suspended. The suspension comes into effect for all flights that were scheduled to arrive in the UK after 13:00 UK time on Friday 29 January. Please visit @ukgovofficial for latest updates. pic.twitter.com/lvPtppMzKC
— Dubai Airports (@DubaiAirports) January 28, 2021
برطانیہ کے ٹرانسپورٹ ڈپارٹمنٹ نے اس وقت متحدہ عرب امارت میں موجود برطانوی شہریوں کو ہدایت کی ہے کہ اگر وہ وطن واپس آنا چاہتے ہیں تو اس کے لیے بالواسطہ کمرشل پروازوں کا استعمال کریں۔
Travel UpdateFrom 1pm Fri 29 Jan, we’re extending our travel ban to the United Arab Emirates, Burundi and Rwanda. Returning British, Irish and third-country nationals must self-isolate for 10 days at home upon their return. 👉 https://t.co/rIjryBWYNb#TravelSafely pic.twitter.com/524gaOCCt7
— Dept for Transport #StayHomeSaveLives (@transportgovuk) January 28, 2021
ایئرلائن ڈیٹا فراہم کرنے والے ادارے 'او اے جی' کے مطابق کرونا وائرس کے سبب سرحدیں بند ہونے کے بعد دبئی سے لندن کا فضائی روٹ جنوری میں دنیا کا مصروف ترین روٹ تھا اور ایک لاکھ 90 ہزار 365 سیٹیں ایک مہینے کے عرصے میں بک کرائی گئیں۔
This month the largest international route in the world is Dubai - London Heathrow...likely as a result of the removal of the UAE from the UK%27s quarantine listView all the Top 10 Busiest Global Routes, Top 10 Domestic & International routeshttps://t.co/T9oFDbjU9q >>
— OAG (@OAG_Aviation) December 12, 2020
ایمریٹس اور اتحاد ایئر لائنز عام طور پر برطانیہ سے آسٹریلیا سمیت مختلف ممالک کا سفر کرنے والوں مسافروں کو لے کر جاتی ہیں۔ برطانیہ کی اس پابندی کا مطلب ہے کہ اس کے اثرات دور رس ہوں گے۔
آسٹریلوی حکومت نے کہا ہے کہ ایمریٹس اور اتحاد کی فلائٹس منسوخ ہوتی ہیں تو برطانیہ سے مزید چارٹر فلائٹس کا بندوبست کیا جائے گا۔