سال 2023 کرکٹ کے لیے تو یادگار رہا۔ لیکن پاکستان کرکٹ ٹیم کے لیے ملا جلا رہا۔ 2023 میں ایشیا کپ، ورلڈ کپ اور ورلڈ ٹیسٹ چیمپئن شپ کا فائنل کھیلا گیا جس میں سے کسی ایک کے بھی فائنل میں پاکستان نے جگہ نہیں بنائی۔
البتہ گزرا سال آسٹریلوی کرکٹ ٹیم کے یادگار ترین برسوں میں سے ایک ہوگا جس میں انہوں نے ورلڈ ٹیسٹ چیمپئن شپ کے ساتھ ساتھ ورلڈ کپ کرکٹ کا ٹائٹل جیت کر دو فارمیٹ میں اپنی بالادستی قائم کی۔
سال 2023 سب سے زیادہ ٹیسٹ میچ آسٹریلیا نے کھیلے بھی اور سب سے زیادہ میچز بھی جیتے۔ اس کامیابی میں ورلڈ ٹیسٹ چیمپئن شپ کا فائنل بھی شامل ہے جس میں پیٹ کمنز کی قیادت میں آسٹریلیا نے بھارت کو 209 رنز سے شکست دی تھی۔
اس کے برعکس پاکستان نے صرف پانچ ٹیسٹ کھیلے جس میں سے دو میچ جیتے اور دو میں اسے شکست ہوئی۔ سری لنکا میں ہونے والی سیریز میں پاکستان نے دو صفر سے کامیابی حاصل کی تو آسٹریلیا میں ٹیسٹ سیریز میں کے دو میچز میں انہیں ناکامی ہوئی۔
ون ڈے کرکٹ کی نمبر ون ٹیم
پاکستانی بلے باز بابر اعظم آئی سی سی کی ورلڈ رینکنگ میں بدستور تینوں فارمیٹ کے ٹاپ فائیو کھلاڑیوں میں تو رہے۔ لیکن ٹیسٹ کرکٹ میں ان کی کارکردگی متاثر نہ کرسکی۔
وہ اس سال ٹیسٹ کرکٹ میں 50 رنز کا ہندسہ ایک بار بھی عبور کرنے میں کامیاب نہ ہوسکے۔
میلبرن ٹیسٹ میں ایک موقع پر لگ رہا تھا کہ وہ ففٹی بنانے میں کامیاب ہوجائیں گے۔ لیکن 41 رنز پر آؤٹ ہونے کے بعد وہ ایسا کرنے سے قاصر رہے۔
ٹی ٹوئنٹی اور ون ڈے انٹرنیشنل میں ان کی اور پاکستان دونوں کی کارکردگی قدرے بہتر رہی۔
پاکستان نے سال کے آغاز میں نیوزی لینڈ کے خلاف ون ڈے سیریز کی ہار کا بدلہ ان سے اپریل مئی کے مہینے میں لے لیا جب کہ افغانستان کو تین صفر سے سری لنکا میں کھیلی گئی سیریز میں شکست دی۔
انہی فتوحات کی وجہ سے بابر اعظم کی قیادت میں گرین شرٹس نے آئی سی سی کی ون ڈے انٹرنیشنل رینکنگ میں پہلی پوزیشن حاصل کی۔ لیکن اس کے باوجود ایشیا کپ کے فائنل اور ورلڈ کپ کے سیمی فائنل مرحلے میں جگہ نہ بناسکی۔
🚨 Concerning concerning concerning for a batter like @babarazam258 who had a hunger for runs. Fab four is waiting for you champ. You need to go back and revisit your weaknesses to come back strongly #PAKvsAUS pic.twitter.com/nvLuJr80FZ
— muzamilasif (@muzamilasif4) December 29, 2023
سری لنکا کے خلاف ایشیا کپ کے اہم میچ میں شکست اور افغانستان کے خلاف ورلڈ کپ میں ناکامی کے بعد بابر اعظم کو تینوں فارمیٹ کی کپتانی سے ہٹادیا گیا اور ٹیسٹ کرکٹ کی قیادت شان مسعود جب کہ ٹی ٹوئنٹی کی کپتانی شاہین شاہ آفریدی کو سونپ دی گئی۔
بابر اعظم نے اگرچہ ٹیسٹ کرکٹ میں صرف 204 رنز بنائے تو ٹی ٹوئنٹی میں بھی صرف 5 میچز میں 119 رنز اسکور کیے جس میں ایک میچ میں ان کی بیٹنگ نہیں آئی اور ایک میں انہوں نے نیوزی لینڈ کے خلاف سینچری اسکور کی تھی۔
ون ڈے کرکٹ میں ان کا ریکارڈ متاثر کن تھا۔ 25 ون ڈے میچز میں 1065 رنز بناکر وہ ٹاپ ٹین رنز بنانے والوں میں بھی شامل ہوئے اور گزشتہ دو برس کی طرح 2023 کے آخر میں ون ڈے رینکنگ میں پہلی پوزیشن پر بھی براجمان رہے۔
Babar Azam is the Only Pakistani Player to End 2023 as No. 1 ODI Batter for the Third Consecutive Year. pic.twitter.com/WiPiLZ4Ofr
— Anum Saeed (@Anumsaeed670) December 26, 2023
ٹیسٹ اور ون ڈے انٹرنیشنل کرکٹ میں پاکستانی بالرز بلے بازوں کی نسبت زیادہ چھائے رہے۔
ٹیسٹ کرکٹ میں لیگ اسپنر ابرار احمد 15، شاہین شاہ آفریدی 14، نسیم شاہ 13 اور عامر جمال 12 وکٹوں کے ساتھ نمایاں رہے۔
جب کہ ون ڈے کرکٹ میں شاہین شاہ آفریدی نے 21 میچز میں 42 اور حارث رؤف نے 22 میچز میں 40 کھلاڑیوں کو آؤٹ کیا۔
نسیم شاہ بھی 11 میچز میں 22 اور وسیم جونیئر 12 میچز میں 19 وکٹوں کے ساتھ اس فہرست میں موجود ہیں۔
آسٹریلیا کی فتوحات
سال 2023 آسٹریلوی کپتان پیٹ کمنز کے لیے کافی اہم رہا کیوں کہ ان کی ٹیم کے لیے یہ ہر لحاظ سے یادگار رہا۔
آسٹریلیا نے 13 میچز میں سے چھ جیتے جب کہ چار میں اسے شکست کا سامنا کرنا پڑا۔
آسٹریلیا نے سال کا آغاز جنوبی افریقہ کو ہوم سیریز میں شکست دے کر کیا اور اختتام پاکستان کے خلاف سیریز جیت کر کیا۔
Race to World Test Championship Final 2025: Latest updated WTC points table https://t.co/5aDa3P2Cj5 pic.twitter.com/DoQIhb4x9v
— Ron Bohning (@RonBohning) December 28, 2023
انہوں نے 2023 میں انگلینڈ کے خلاف ایشز سیریز برابر کی جب کہ بھارت کے خلاف سیریز میں اسے شکست کا سامنا کرنا پڑا جس کا بدلہ انہوں نے بھارت کو ٹیسٹ چیمپئن شپ کے فائنل میں شکست دے کر لے لیا۔
اس کے برعکس پاکستان نے صرف پانچ ٹیسٹ کھیلے ، نیوزی لینڈ کے خلاف سال کے آغاز میں ڈرا میچ کھیلنے کے بعد پاکستان نے سری لنکا میں سیریز جیتی جب کہ آسٹریلیا میں اسے شکست کا سامنا کرنا پڑا۔
Test cricket, there is simply NOTHING like it! An incredible day for our Aussie men as they secured the Boxing Day Test, and the series against Pakistan. Bring on Sydney! Get your tickets to The Pink Test here: https://t.co/G8wMgQpIEM pic.twitter.com/YkGCctRxIc
— Cricket Australia (@CricketAus) December 29, 2023
باقی ٹیسٹ کھیلنے والے ممالک کی بات کی جائے تو بھارت اور انگلینڈ نے آٹھ آٹھ، نیوزی لینڈ نے سات جب کہ سری لنکا اور ویسٹ انڈیز چھ چھ میچز کھیل کر نمایاں رہے۔
عثمان خواجہ کے سب سے زیادہ رنز
ان 12 مہینوں میں سب سے زیادہ رنز آسٹریلوی اوپنر عثمان خواجہ نے اسکور کیے۔
انہوں نے 13 میچز میں 52.6 کی اوسط سے 1210 رنز بنائے جس میں 195 ناٹ آؤٹ ان کا سب سے بڑا اسکور تھا۔
Hard to explain the feelings and emotions that go into sport. I%27d never trade my journey in a million years but the journey is what made this so special. #180 #india #dontcallitacomebackivebeenhereforyears pic.twitter.com/PTg4754lRS
— Usman Khawaja (@Uz_Khawaja) March 10, 2023
ان کی اس کوشش میں چھ نصف سینچریوں اور تین سینچریوں کا ہاتھ تھا۔
دوسری اور تیسری پوزیشن پر بھی آسٹریلیا کے اسٹیو اسمتھ 929 اور ٹریوس ہیڈ 919 رنز کے ساتھ موجود ہیں۔
وکٹوں کے لحاظ سے بھی آسٹریلیا بالرز سب سے آگے تھے، آف اسپنر نیتھن لائن نے 10 میچز میں 47 کھلاڑیوں کو آؤٹ کیا جب کہ ان کے کپتان پیٹ کمنز نے 42 وکٹیں حاصل کیں۔
سب سے زیادہ ون ڈے میچز میں بھارت کامیاب
ون ڈے کرکٹ میں آسٹریلیا نے ورلڈ کپ کی ٹرافی تو جیت لی۔ البتہ سال میں سب سے زیادہ میچز جیتنے میں بھارت سب سے آگے تھا۔
مین ان بلیو نے مجموعی طور پر سال میں 35 میچز کھیلے جس میں انہیں 27 میں کامیابی ہوئی اور صرف سات میچز میں شکست کا سامنا کرنا پڑا جس میں سے ایک ورلڈ کپ کا فائنل بھی شامل تھا۔
- WTC Champion as captain. - World Cup Champion as captain.- Ashes retained as captain. - 20.25 crore in IPL auction. - POTM in Boxing Day Test. 2023 in cricket is Pat Cummins. 🫡🔥 pic.twitter.com/T9pTRAmeOc
— Johns. (@CricCrazyJohns) December 29, 2023
جنوبی افریقہ اور سری لنکا 17، 17، اور نیوزی لینڈ 15 فتوحات کے ساتھ بدستور اگلی تین پوزیشن پر موجود ہیں جب کہ پاکستان اور آسٹریلیا نے 2023 میں 14، 14 میچز جیتے۔
ون ڈے میں سب سے زیادہ رنز
ون ڈے کرکٹ میں 10 بلے بازوں نے 1000 سے زائد رنز بنائے جس میں بھارت کے شبمن گل 1584 رنز کے ساتھ سر فہرست ہیں۔
Well did you see that happening?? We did, come on Australia. 0-2 and written off 👍👍 pic.twitter.com/8Jz3ZztPIF
— David Warner (@davidwarner31) November 19, 2023
سال میں ایک ہزار رنز کے اس کلب میں بھارت کے وراٹ کوہلی، روہت شرما اور کے ایل راہل کے ساتھ ساتھ پاکستان کے بابر اعظم اور محمد رضوان، نیوزی لینڈ کے ڈیوڈ مچل اور ول ینگ، سری لنکا کے پتھم نسانکا اور جنوبی افریقہ کے ایڈن مارکرم بھی شامل ہیں۔
بالرز میں بھی بھارت کے کلدیپ یادیو 30 میچوں میں 49 وکٹوں کے ساتھ سرفہرست رہے جب کہ محمد سراج 44، اور محمد شامی 43 وکٹوں کے ساتھ دوسرے اور تیسرے نمبر پر رہے۔
#TeamIndia stars, Kuldeep Yadav, Mohammed Siraj, and Mohammad Shami, topped the chart for the most ODI wickets in 2023. pic.twitter.com/TV35XOowiX
— Circle of Cricket (@circleofcricket) December 23, 2023
افغانستان کی پاکستان کو ٹی ٹوئنٹی سیریز میں شکست
سال 2024 ورلڈ کپ کا سال ہوگا۔ اس لیے 2023 میں کھیلے جانے والے میچز سے ایونٹ میں شرکت کرنے والی ٹیموں کو فائنل اسکواڈ منتخب کرنے میں مدد ملے گی۔
پاکستان کی انٹرنیشنل ٹیم نے 2023 میں صرف 8 ٹی ٹوئنٹی انٹرنیشنل کھیلے جس میں سے اس نے تین جیتے اور چار میں اسے شکست ہوئی۔
First ever T20 series win against Pakistan.Afghanistan won 2-1. pic.twitter.com/oiPxLMcHZv
— Johns. (@CricCrazyJohns) March 27, 2023
پاکستانی شائقین اس سال افغانستان کے ہاتھوں ٹی ٹوئنٹی سیریز میں شکست کو بھلانے کی کوشش کر رہے ہیں جب کہ نیوزی لینڈ کے خلاف ہوم سیریز پاکستان نے دو دو سے برابر کی۔
پاکستان کی ایک اور کرکٹ ٹیم نے اسی سال چین میں ہونے والے ایشین گیمز میں بھی شرکت کی جس میں ان کھلاڑیوں کو موقع دیا گیا جو نیشنل ٹیم کا حصہ نہیں تھے۔
Sensational victory for Pakistan, defeating New Zealand by 88 runs! Restricting the Kiwis to just 94, with Haris Rauf roaring at 4/18. Congratulations, #Sherus!A comprehensive triumph to be proud of! 🏏💚 #PAKvNZ #UnitedWeWin pic.twitter.com/ZP3MkeuhTc
— Islamabad United (@IsbUnited) April 14, 2023
ان میچز کو انٹرنیشنل اسٹیٹس ملا ہوا تھا۔ لیکن پاکستان نے ان تین میچز میں سے صرف ایک ہی جیتا۔ ہانگ گانگ سے تو پاکستان نے میچ جیت لیا البتہ افغانستان اور بنگلہ دیش نے پاکستان کو شکست دی۔
سال 2023 میں ایسوسی ایٹ ٹیموں اور انٹرنیشنل ٹیموں کے میچز ملا کر مجموعی طور پر 439 ٹی ٹوئنٹی میچز کھیلے گئے جس میں سب سے زیادہ 29 میچز ایسوسی ایٹ ٹیم یوگینڈا نے جیتے، انہیں 12 مہینے میں صرف چار میچز میں شکست ہوئی۔
Pakistan cricket team since September 2023: - Couldn%27t qualify into Asia Cup final- Lost to Afghanistan in Asian Games Semifinal - Lost to Bangladesh in the Asian Games Bronze Medal.#PAKvsNED #AsianGames #INDvsAFG pic.twitter.com/UyWC8Zh9MG
— AP (@AksP009) October 7, 2023
انٹرنیشنل ٹیموں میں سب سے زیادہ میچز بھارت نے جیتے۔ انہوں نے مجموعی طور پر 23 میچز کھیلے جس میں سے 15 میں انہیں کامیابی ملی۔
متحدہ عرب امارات کے محمد وسیم 21 میچز میں 806 رنز کے ساتھ اس فارمیٹ کے سب سے کامیاب بلے باز رہے جب کہ یوگینڈا کے الپیش رامجانی 55 وکٹوں کے ساتھ کامیاب ترین بالر رہے۔