سال 2023 میں ورلڈ ٹیسٹ چیمپئن شپ اور کرکٹ ورلڈ کپ کا فائنل کھیلنے والی بھارتی ٹیم کو جنوبی افریقہ کے خلاف پہلے ٹیسٹ میں ایک اننگز اور 32 رنز سے شکست ہوئی ہے۔
سینچورین میں دو ٹیسٹ میچز پر مشتمل سیریز کے پہلے میچ کی دونوں اننگز میں روہت شرما، وراٹ کوہلی اور شبمن گل سے لیس ٹیم خاطر خواہ کارکردگی نہ دکھا سکی۔
پہلی اننگز میں بھارتی ٹیم 245 رنز پر آؤٹ ہو گئی جب کہ دوسری اننگز میں جنوبی افریقی بالرز نے انہیں 131 رنز پر ڈھیر کر کے تین دن میں میچ اپنے نام کرلیا۔
جنوبی افریقن بلے بازوں نے میچ میں صرف ایک مرتبہ بیٹنگ کی جس میں اپنی آخری ٹیسٹ سیریز کھیلنے والے ڈین ایلگر کے 185 رنز کی میچ وننگ اننگز شامل تھی۔
Dean Elgar registered his second-highest score in Test cricket and the highest against India 🔥#WTC25 | #SAvIND pic.twitter.com/h5No6LUhki
— ICC (@ICC) December 28, 2023
میچ کی خاص بات ٹیسٹ ڈیبیو کرنے والے لیفٹ آرم پیسر ناندرے برگر کی مجموعی طور پر سات وکٹیں تھیں جنہوں نے پہلی اننگز میں تین اور دوسری اننگز میں چار کھلاڑیوں کو آؤٹ کیا۔
بھارت کی جانب سے پہلی اننگز میں وکٹ کیپر کے ایل راہل نے 101 رنز بنا کر کچھ مزاحمت کی تھی لیکن دوسری اننگز میں وہ بھی صرف چار رنز بنا سکے۔
بھارت کی دوسری اننگز میں صرف دو بلے باز ہی ڈبل فگرز میں پہنچ سکے جس میں سے شبمن گل نے 26 اور وراٹ کوہلی نے 76 رنز بنائے۔
A complete performance from the fast bowlers helps the hosts go 1-0 up in the #SAvIND Test series 🎉#WTC25 📝: https://t.co/Rma4l5S0RO pic.twitter.com/BggeNhDkSp
— ICC (@ICC) December 28, 2023
سابق بھارتی کھلاڑی، سوشل میڈیا صارفین شکست کے بعد بھارتی ٹیم پر پھٹ پڑے
ایک اننگز اور 32 رنز سے شکست کے بعد سوشل میڈیا پر ٹیم کو سخت تنقید کا سامنا ہے۔ سابق کرکٹرز کے ساتھ ساتھ سوشل میڈیا صارفین نے ٹیم کی سینچورین میں کارکردگی کو مایوس کن قرار دے دیا۔
سابق بھارتی پیسر عرفان پٹھان اس تنقید میں سب سے آگے تھے، انہوں نے ایکس (سابقہ ٹوئٹر) پر اپنی رائے دیتے ہوئے کہا کہ پوری طرح سے گھٹنے ٹیکے ہیں ٹیم نے، اس سے بہتر نتیجے کی توقع تھی۔"
Puri tarah se ghutne teke hai team ne. Expected better. #INDvsSA
— Irfan Pathan (@IrfanPathan) December 28, 2023
سابق پاکستانی کپتان و وکٹ کیپر راشد لطیف نے میچ کے دوران ربادا کی بالنگ کی فوٹیج پوسٹ کرتے ہوئے جنوبی افریقی بالر کو دنیا کا بہترین فاسٹ بالر قرار دیا۔
World Best Pace Bowler #INDvsSA pic.twitter.com/J94m9ARnc5
— Rashid Latif | 🇵🇰 (@iRashidLatif68) December 28, 2023
صحافی ہمانشو پاریک نے بھارتی کپتان روہت شرما کے دونوں اننگز کے اسکور پوسٹ کرتے ہوئے لکھا کہ روہت شرما کو جنوبی افریقہ میں ففٹی بنانے پر مبارکباد، یہ بات اس لیے بھی مضحکہ خیز ہے کیوں کہ پہلی اننگز مین روہت شرما نے پانچ اور دوسری میں صفر رنز کیے۔
A hard fought fifty for Rohit Sharma in Centurion Test. His first ever on SA soil.#SAvIND pic.twitter.com/8yRxxKBlTU
— Himanshu Pareek (@Sports_Himanshu) December 28, 2023
ایک اور صحافی راہل روات نے بھارتی ٹیم میں شامل نوجوانوں پر تنقید کرتے ہوئے کہا کہ ٹاپ کلاس بالنگ کا سامنا کرنے کی وہ اہلیت ہی نہیں رکھتے، ان کا مزید کہنا تھا کہ اس میچ میں شرکت کرنے والا جنوبی افریقی اٹیک ٹاپ کلاس نہیں تھا۔
Sorry to say but some of these Indian youngsters, at least as of today, are not equipped to bat in trying conditions against top-class bowling. Mind you, this South African bowling wasn’t anywhere close to top-class. #INDvsSA
— Rahul Rawat (@rawatrahul9) December 28, 2023
اسپورٹس رائٹر بھارت سندروسن کے بقول بھارتی ٹیم کی اس شکست کے پیچھے بھارت کا کم ٹیسٹ میچ کھیلنا ہو سکتا ہے۔
In the wake of this comprehensive defeat & with South Africa playing fewer & fewer Tests with every passing year, you can’t help but wonder if India will ever win that elusive Test series in South Africa #SAvInd
— Bharat Sundaresan (@beastieboy07) December 28, 2023
حسن نامی صارف نے کہا کہ جو بھارتی ٹرول بابر اعظم کا دو دن پہلے مذاق اڑارہے تھے ان کی اپنی ٹیم جنوبی افریقہ کی بی ٹیم سے ہار گئی۔
Even the B team of SA defeated India by an inning, whose fans were trolling Pakistan 2 days ago#INDvsSA pic.twitter.com/CdSeV6z3qc
— Hassan (@HassanAbbasian) December 28, 2023
حمزہ شہباز نامی صارف کے بقول گھر کے شیر سینا کنڈیشنز میں ڈھیر ہو گئے، تین دن بھی میچ نہ کھیل سکے۔
They can%27t even resist for 3 full days. Home track bullies exposed badly in SENA 🤣 #INDvsSA pic.twitter.com/xfM84u2c49
— Hamxa 🏏🇵🇰 (@hamxashahbax21) December 28, 2023
صارف زین ملک سمجھتے ہیں کہ اس شکست کی سب سے بڑی وجہ وراٹ کوہلی ٹیسٹ کی کپتانی سے ہٹانا ہے۔
This is a time for constructive criticism. ICT deserves this downfall for removing Virat Kohli from captaincy, at least he shouldn%27t be removed from the test.#INDvSA
— Zain Malik (@malik_zain987) December 28, 2023
اس فتح کے ساتھ ہی جنوبی افریقہ کو دو میچز کی سیریز میں ایک صفر کی برتری حاصل ہو گئی ہے۔ سیریز کا دوسرا اور آخری میچ تین جنوری کو کیپ ٹاؤن میں شروع ہو گا۔