پاکستان کی برّی فوج کے سربراہ جنرل قمر جاوید باجوہ کی مدتِ ملازمت میں تین سال کی توسیع کے بعد سماجی رابطوں کی ویب سائٹس پر لوگوں کا مختلف ردِّ عمل سامنے آ رہا ہے۔
بعض حلقے حکومت کے اس فیصلے کو بہترین فیصلہ قرار دے رہے ہیں تو وہیں کچھ حلقے اسے طنز اور تنقید کا نشانہ بھی بنا رہے ہیں۔
سماجی رابطے کی ویب سائٹ ’ٹوئٹر‘ پر مشہور اداکارہ وینا ملک نے لکھا کہ پاکستان سے آج ایک بہترین خبر آ رہی ہے۔ پاکستان اور امن کے دشمنوں کے لیے یہ بہت برا ہے۔
The Best News coming From Pakistan Today...Too Bad For The Enemies of Peace And Pakistan!!!#PakistanZindabad#COAS #QamarJavedBajwa #ArmyChief #BajwaForPeace pic.twitter.com/HIP8anm46c
— VEENA MALIK (@iVeenaKhan) August 19, 2019
مشہور صحافی حامد میر نے ٹوئٹ میں وزیر اعظم کے جاری کردہ اعلامیے میں نشاندہی کی کہ تیسری سطر کے آخر میں تین سال کی مدت ملازمت میں توسیع کے حوالے سے کہے گئے الفاظ اہم ہیں۔
حامد میر نے مزید لکھا کہ وزیر اعظم پاکستان نے آرمی چیف قمر جاوید کو 'خطے میں امن عامہ کی صورت حال' کے باعث تین سال کی مدت ملازمت میں توسیع دے دی۔
Last there words of third line about three years extension are very important that Prime Minister of Pakistan gave a three year extension to Army Chief General Qamar Javed Bajwa in view of “regional security environment” pic.twitter.com/hss7rVkJMD
— Hamid Mir (@HamidMirPAK) August 19, 2019
اداکار ہمایوں سعید نے لکھا کہ ایک وژن رکھنے والے بہترین رہنما جنرل قمر جاوید باجوہ کی مدت ملازمت میں توسیع وقت کی ضرورت تھی۔
انہوں نے اس فیصلے کے حوالے سے مزید لکھا کہ اس سے ملکی امن عامہ کی صورت حال برقرار رہے گی۔ ان کی کارکردگی سب واضح کرتی ہے۔ وزیر اعظم عمران خان نے ایک بہترین فیصلہ کیا۔
A visionary and a dynamic leader, General Qamar Bajwa’s extension is the need of the hour given the prevalent security situation in the country. His record speaks for itself! A great decision by Prime Minister Imran KhanPakistan Zindabad 🇵🇰🇵🇰 pic.twitter.com/JGg7THSDHk
— Humayun Saeed (@iamhumayunsaeed) August 19, 2019
ایک صارف ارزام رانا نے ٹوئٹ کیا کہ باجوہ ڈاکٹرائن پاکستان کے لیے ضروری ہے۔ جنرل باجوہ ایک بہترین سپہ سالار ہیں۔
Bajwa Doctrine is necessary For Pakistan!General Bajwa is one of Best Army Chief #BajwaForPeace #COAS pic.twitter.com/GaxtpJBjMu
— Irzam Rana (@Irzamrana) August 19, 2019
اسی طرح جعفر عباس نامی صارف نے طنز کرتے ہوئے کہا کہ ’باجوہ نے باجوہ کو توسیع دے دی ہےـ‘
THIS👇👇👇#COAS #qamarjavedbajwa pic.twitter.com/2nYXpOpt5X
— Jaffer Abbas Mirza (@jafferamirza) August 19, 2019
کالمسٹ علی سلمان نقوی نے ٹوئٹ کیا کہ ’باجوہ ڈاکٹرائن مزید تین سال تک چلے گا۔‘
Bajwa Doctrine to continue for another three years. #COAS #qamarjavedbajwa
— Ali Salman Alvi (@alisalmanalvi) August 19, 2019
ایک بھارتی صحافی آدِتیہ راج کول نے اپنے ٹوئٹ میں کہا کہ پاکستان کے آرمی چیف قمر جاوید باجوہ نے خود کو تین سال کی توسیع دے دی۔ پاکستان میں چیزیں اسی طرح ہوتی ہیں۔
انہوں نے وزیرِ اعظم آفس سے جاری ہونے والے توسیع کے اعلامیے کی تصویر لگاتے ہوئے لکھا کہ یہ اعلامیہ ’جی ایچ کیو‘ (جنرل ہیڈ کوارٹر) نے لکھا اور وزیرِ اعظم نے اس پر دستخط کیے۔
Order for extension given to Pakistan Army Chief for three years. Written by GHQ, signed by PM Imran Khan. Waah! pic.twitter.com/8JRmQYLnLf
— Aditya Raj Kaul (@AdityaRajKaul) August 19, 2019
خاتون صحافی مہرین زہرا ملک نے ٹوئٹ کیا کہ عمران خان کی جانب سے آرمی چیف کو توسیع دیے جانے سے کسی کو حیرانی نہیں ہوئی۔
آرمی چیف کی مدتِ ملازمت میں توسیع کے حوالے سے ان کا کہنا تھا کہ یہ اس بات کا سب سے بڑا ثبوت ہے کہ گزشتہ دس برسوں میں جمہوری تبدیلیاں اُلٹ سمت میں جا رہی ہیں جو ناقابلِ واپسی ہیں۔
No one is surprised that #Pakistan’s Prime Minuster Imran Khan has ‘granted’ army chief General Qamar Bajwa a three-year extension in term. No greater proof that the democratic transition of the last decade is being irreversibly reversed. pic.twitter.com/rTRc0c9kK1
— Mehreen Zahra-Malik (@mehreenzahra) August 19, 2019
ایک اور ٹوئٹر صارف طاہر حسین نے کہا کہ پاکستان کی فوج میں قابل جرنیلوں کی کمی نہیں ہے۔ قمر جاوید باجوہ کو احترام سے ریٹائر ہو جانا چاہیے تھا۔ مدتِ ملازمت میں توسیع عزت اور شہرت کے لیے دو دھاری تلوار کی مانند ہے۔
He should have retired respectably. Extension is double edged insofar as respect and repute is concerned. Furthermore, there%27s no dearth of competent Generals in Pakistan Army, who possess equal, if not greater competency than the current Chief. The cycle should have continued.
— Tahir Hussain (@TahirHussayn) August 19, 2019
دیپ ہالڈر نامی ایک ٹوئٹر صارف کا کہنا تھا کہ ’قمر جاوید باجوہ مزید تین سال پاکستان کی فوج کے سربراہ رہیں گے اور عمران خان کو اپنے پرانے باس کے ساتھ ہی کام کرنا ہوگا۔‘
Qamar Jawed Bajwa to remain Pakistan Army chief for three more years. #ImranKhan will have to deal with his old boss till then.
— Deep Halder (@deepscribble) August 19, 2019
تجزیہ کار ارشاد بھٹی نے اس فیصلے کے حوالے سے اپنے ٹوئٹ میں لکھا کہ ’بہت اچھا فیصلہ۔۔ موجودہ اندرونی اور خاص طور پر بیرونی حالات میں یہ ضروری تھا۔‘
بہت اچھا فیصلہ۔۔موجودہ اندرونی اور خاص طور پر بیرونی حالات میں یہ ضروری تھا۔۔پاکستان زندہ باد۔۔ https://t.co/qncQJsifZc
— Irshad Bhatti (@IrshadBhatti336) August 19, 2019
ملک عبدالرحمان نامی ایک ٹوئٹر صارف نے لکھا کہ ’باس کہیں نہیں جا رہے۔ اب وقت ہے کہ عمران خان کی رہنمائی اور قمر جاوید باجوہ کی ہدایات سے پاکستان کو ایک پر امن ملک بنایا جائے۔‘
Boss is not going anywhere. Its time to make Pakistan a peaceful nation under the leadership of Khan and direction of Bajwa.❤#COAS pic.twitter.com/aWo3u8w5ny
— Malik Abdur Rehman (@MalikARehman01) August 19, 2019
خاتون صحافی غریدہ فاروقی نے ٹوئٹ کیا کہ’ 2022 تک آرمی چیف جنرل قمر جاوید باجوہ، 2023 تک وزیراعظم عمران خان۔ اب یہ ایک “ٹیم پاکستان” بن گئی ہے۔ فیصلہ تو ہو گیا۔ اب مسئلۂ کشمیر، افغان مسئلہ اور معاشی بحران سے نمٹنا سب سے بڑے چیلنج ہیں۔ کامیاب ہو گئے تو “ٹیم پاکستان” کی واہ واہ، وگرنہ ناکامیوں کی ذمہ داری بھی اٹھانا ہو گی۔‘
2022 تک آرمی چیف جنرل قمر جاوید باجوہ؛ 2023 تک وزیراعظم عمران خان۔ اب یہ ایک “ٹیم پاکستان” بن گئی ہے۔ فیصلہ تو ہو گیا۔ اب مسئلۂ کشمیر، افغان مسئلہ اور معاشی بحران سے نمٹنا سب سے بڑے چیلنج ہیں۔ کامیاب ہو گئے تو “ٹیم پاکستان” کی واہ واہ؛ وگرنہ ناکامیوں کی ذمہ داری بھی اٹھانا ہو گی۔
— Gharidah Farooqi (@GFarooqi) August 19, 2019
وزیرِ اعظم عمران خان کی سابق اہلیہ ریحام خان نے ٹوئٹ کیا کہ ’میرے لیے جنرل قمر جاوید باجوہ کی مدت ملازمت میں توسیع کوئی اچھنبےکی بات نہیں ۔ اپنا تھوکا ہوا چاٹنا سلیکٹڈ کی عادت ہے۔ سلیکٹر کی مدت ملازمت میں توسیع سے سلیکٹڈ کی مدت ملازمت میں کوئی اضافہ نہیں ہو گا۔‘
میرے لیے جنرل قمر جاوید باجوہ کی مدت ملازمت میں توسیع کوئی اچھنبےکی بات نہیں ۔ اپنا تھوکا ہوا چاٹنا سلیکٹڈ کی عادت ہے۔سلیکٹر کی مدت ملازمت میں توسیع سے سلیکٹڈ کی مدت ملازمت میں کوئی اضافہ نہیں ہو گا۔
— Reham Khan (@RehamKhan1) August 19, 2019