بھارت نے پاکستان کو کرکٹ ورلڈ کپ کے ایک اور مقابلے میں بھاری شکست دے کر عالمی مقابلوں میں مسلسل آٹھویں کامیابی حاصل کر لی جس پر جہاں بھارتی شائقین خوش ہیں وہیں پاکستان میں گرین شرٹس کے مداح مایوس ہو گئے ہیں۔
پاکستان کی بھارت کے خلاف کارکردگی پر مبصرین کے ساتھ سوشل میڈیا صارفین بھی خوش نہیں۔ کسی نے پاکستانی بالرز کو اس کا ذمہ دار قرار دیا تو کسی کے خیال میں اس شکست کے ذمہ دار بلے باز ہیں۔لیکن تقریبا تمام ہی سابق کرکٹرز اس بات پر متفق تھے کہ بھارت نے پاکستان کو مکمل طور پر آؤٹ کلاس کردیا۔
احمد آباد کے نریندر مودی کرکٹ اسٹیڈیم میں کھیلے گئے میچ میں پاکستان کی پوری ٹیم 191 رنز پر ڈھیر ہو گئی اور جواب میں بھارتی ٹیم نے ہدف تین وکٹوں پر 31 ویں اوور میں حاصل کر لیا۔
بھارت کی کامیابی پر سابق بھارتی کرکٹرز بے حد خوش نظر آئے، وریندر سہواگ نے سماجی رابطے کی سائٹ ایکس پر ایک پوسٹ میں کہا کہ 72 اوورز میں میچ کا فیصلہ آنا بھارت کی بالادستی کا ثبوت ہے۔
انہوں نے بھارتی کپتان روہت شرما اور جسپرت بمراہ کی تعریف کی اور کہا کہ انہوں نے پاکستانی کھلاڑیوں کو کھل کر کھیلنے کا موقع ہی نہیں دیا۔
Demolition Pro Max. Completely owned the Pakistanis. 72 overs were enough for a result and what a win.Rohit spectacular, Bumrah ,Kuldeep outstanding and a win to cherish. Bharat Mata Ki Jai pic.twitter.com/ktwJuvNqdV
— Virender Sehwag (@virendersehwag) October 14, 2023
سابق پیسر عرفان پٹھان نے بھی بھارت کی کامیابی کے بعد کہا کہ پاکستان اور بھارت کی ٹیموں کا کوئی موازنہ نہیں، بھارت پاکستان سے بہت آگے ہے۔
I said it before the World Cup: there was no competition between India and Pakistan in one-day cricket. India is way ahead. 🇮🇳
— Irfan Pathan (@IrfanPathan) October 14, 2023
سابق کرکٹر آکاش چوپڑا نے بھارت کی جیت پر انہیں مبارک باد دی، وہیں سابق ویسٹ انڈین فاسٹ بالر اور کمنٹیٹر این بشپ بھی بمراہ کے مداح نکلے۔
Big fan of that gentleman Jasprit Bumrah. Intelligent, skillful, articulate. What a guy.
— Ian Raphael Bishop (@irbishi) October 14, 2023
سابق پاکستانی کرکٹر بازید خان نے کلدیپ اور جڈیجا کی بالنگ کو دونوں ٹیموں کے درمیان سب سے بڑا فرق قرار دیا۔ جب کہ شعیب اختر نے اپنے ویڈیو پیغام میں کہا کہ اس شکست سے پاکستان کو سیکھنا چاہیے تاکہ اگلے میچوں میں اچھا کھیل پیش کرسکیں۔
India wins a big match, very very comprehensively. But #ThandRakh Pakistan, abhi poora tournament hai aagay, regroup and bounce back. @Sprite_pk pic.twitter.com/c5z1GlcbBR
— Shoaib Akhtar (@shoaib100mph) October 14, 2023
سابق ٹیسٹ کرکٹر اور چیف سلیکٹر محمد وسیم کے خیال میں بیٹنگ کے لیے سازگار وکٹ میں دفاعی انداز میں بیٹنگ کرکے پاکستان نےمیچ اپنے ہاتھ سے نکلنے دیا۔
سابق ٹیسٹ کرکٹر تنویر احمد نے بھی دونوں ٹیموں کے اوپنرز کے بیٹنگ کے انداز کا موازنہ کرتے ہوئے سب سے بڑا فرق ٹھہرایا۔
سابق کھلاڑیوں کی طرح سوشل میڈیا صارفین اور صحافی بھی پاکستان کی شکست پر ٹیم پر برس پڑے۔ صحافی باسط سبحانی نے بھارت کی مسلسل آٹھویں کامیابی پر انہیں مبارک باد دیتے ہوئے کہا کہ ایک بار پھر پاکستان ٹیم آؤٹ کلاس ہوگئی۔
بھارتی صحافی وکرانت گپتا کے مطابق اگر 25 اوورز سے کم میں بھی ایک ٹیم میچ جیت جائے تو اس سے اندازہ لگایا جاسکتا ہے کہ دونوں ٹیموں میں کتنا فرق ہے۔
When you win a game with almost 25 overs to spare you understand the gulf between the two teams. It’s a mauling #INDvsPAK #pakvsind
— Vikrant Gupta (@vikrantgupta73) October 14, 2023
براڈکاسٹر عدیل اظہر کے خیال میں اس ورلڈ کپ میں ہر ٹیم کی کوشش ہوگی کہ بھارت کو شکست دے، پاکستان کو اگر اس میں اچھی کارکردگی دکھانا ہے تو اپنے کمبی نیشن کو بہتر کرنا ہوگا۔
انہوں نے موجودہ پاکستان ٹیم کو 2015 کے ورلڈ کپ میں شرکت کرنے والی انگلش ٹیم سے ملتا جلتا قرار دیا جسے نئے کھلاڑیوں کی آمد سے ہی ٹھیک کیا جاسکتا ہے۔
صحافی رضوان علی نے بھی پاکستان کی آٹھویں شکست پر کہا کہ کچھ شکستوں کا سلسلہ ختم ہونا مشکل ہے اور پاکستان کا بھارت کے خلاف کچھ ایسا ہی معاملہ ہے۔
Hello, some streaks are not meant to be broken for long long long long long long long long (haan 8 pooray long likhe hain) time. #PAKvIND
— Rizwan Ali (@joji_39) October 14, 2023
ٹی وی اینکر اشفاق ستی نے شاداب خان کی بالنگ پر تبصرہ کرتے ہوئے سوال کیا کہ اتنا آؤٹ آف فارم بالر ہمارا نائب کپتان کیسے ہوسکتا ہے؟ جب کہ معروف فیشن ذیزائنر دیپک پروانی نے تو مذاق میں تجویز دے دی کہ اگر اس میچ پر پاکستان سٹہ کھیلتا تو اس سے حاصل ہونے والی رقم سے ملک کا سارا قرضہ اتر سکتا تھا۔
اسپورٹس صحافی شاہد ہاشمی نے کہا کہ وہ لوگ کہاں ہیں جو پی سی بی چیف ذکا اشرف کو قومی ٹیم کے لیے خوش قسمتی کی علامت قرار دے رہے تھے۔
All of your raise your hands who said Zaka Ashraf is a lucky charm! #IndiaVsPakistan
— Shahid Hashmi (@hashmi_shahid) October 14, 2023