پاکستان تحریکِ انصاف (پی ٹی آئی)کے سربراہ اور سابق وزیرِ اعظم عمران خان کی سابق اہلیہ جمائما گولڈ اسمتھ نے کہا ہے کہ مسلم لیگ (ن) کے کارکن اتوار کو اُن کے گھر کے باہر احتجاجی مظاہرہ کرنے کا ارادہ رکھتے ہیں، حالاں کہ اُن کا پاکستانی سیاست سے کوئی لینا دینا نہیں ہے۔
جمائما نے ایک ٹوئٹ میں کہا کہ سوشل میڈیا پر اُن کے خلاف مہم چلائی جا رہی ہے جب کہ اُن کے بچوں کو بھی نشانہ بنایا جا رہا ہے اور ایسا لگتا ہے کہ وہی حالات واپس آ گئے ہیں جب 90کی دہائی میں وہ لاہور میں تھیں۔
اُن کا یہ بھی کہنا تھا کہ وہ اپنے سابق شوہر یا اپنے بھائیوں کے سیاسی فیصلوں یا بیانات کی ذمے دار نہیں ہیں۔
خیال رہے کہ اتوار کو جمائما کی رہائش گاہ کے باہر احتجاج کا منصوبہ مسلم لیگ (ن) کے رہنما عابد شیر علی نے بنا رکھا ہے جو کئی ماہ سے لندن میں ہی مقیم ہیں۔
Protests outside my house, targeting my children, antisemitic abuse on social media…. It’s almost like I’m back in 90s Lahore. #PuranaPakistan pic.twitter.com/0R2YOPcQrJ
— Jemima Goldsmith (@Jemima_Khan) April 15, 2022
جمائما کے گھر کے باہر احتجاج کا معاملہ ٹوئٹر پر بھی ٹرینڈ کر رہا ہے اور 50 ہزار سے زائد افراد اس موضوع پر ٹوئٹس کر چکے ہیں۔
جمائما کی ٹوئٹ کے بعد سوشل میڈیا پر مختلف حلقوں کی جانب سے ردِعمل ظاہر کیا جا رہا ہے۔ بعض صارفین کا کہنا ہے کہ جمائما کو صرف عمران خان کی سابق اہلیہ ہونے کے باعث نشانہ بنایا جا رہا ہے۔
البتہ بعض صارفین کا کہنا ہے کہ جس طرح تحریکِ انصاف کے کارکن لندن میں سابق وزیرِ اعظم نواز شریف کی رہائش گاہ کے باہر احتجاج کرتے ہیں تو اسی طرح اب مسلم لیگ (ن) کے کارکن بھی میدان میں آ گئے ہیں۔
اینکرپرسن منصور علی خان نے جمائما کے گھر کے باہر مظاہرے کے اعلان کو شرمناک قرار دیتے ہوئے کہا کہ جمائما اور اُن کے بچوں کا پاکستانی سیاست سے کوئی لینا دینا نہیں۔
One word for this — Pathetic. Jemima or her kids dont have anything to do with Pakistani politics. Keep them out of it. https://t.co/v51MSqCxeu
— Mansoor Ali Khan (@_Mansoor_Ali) April 15, 2022
سینئر صحافی اور اینکرپرسن کامران خان نے ٹوئٹ کی کہ وہ اُمید کرتے ہیں کہ نواز شریف گالم گلوچ کو سیاسی ہتھیار کے طور پر استعمال کرنے کی اجازت نہیں دیں گے۔ لہٰذا اُنہیں چاہیے کہ وہ عابد شیر علی کو جمائما کے گھر کے باہر احتجاج سے روکیں۔
Hope Nawaz Sharif Sb will understand using "anti semitic abuse" as political weapon be it against Imran Khan #JemimaGoldsmith or sons in London can back fire. Please pulls off Abid Sher Ali and other followers from Ms Jemima%27s residence.Anyways she%27s an extremely graceful lady https://t.co/snoSNiJgYP
— Kamran Khan (@AajKamranKhan) April 15, 2022
سینئر اینکر پرسن نسیم زہرہ نے بھی جمائما کے گھر کے باہر احتجاجی مظاہرے کے منصوبے کو افسوس ناک قرار دیتے ہوئے کہا کہ جمائما اور ان کے بچوں کا پاکستانی سیاست سے کوئی تعلق نہیں، لہٰذا انہیں اس سے دُور رکھیں۔
This is down right condemnable. ImranKhan’s wife @Jemima_Khan and children are neither involved in politics nor in any matters business or otherwise remotely linked to Pakistan. Just let them be. https://t.co/WZZIRDWtq1
— Nasim Zehra (@NasimZehra) April 15, 2022
سینئر صحافی حامد میر نے اپنی ٹوئٹ میں کہا کہ تحریکِ انصاف کو بھی لندن میں نواز شریف کی رہائش گاہ کے باہر احتجاج سے گریز کرنا چاہیے جب کہ مسلم لیگ (ن) کو بھی چاہیے کہ وہ جمائما کے گھر کے باہر احتجاج نہ کریں۔ شیشے کے گھر میں بیٹھ کر دوسرے پر پتھر پھینکنا بلاجواز ہے۔
With respect, The difference is that I have got nothing to do with Pakistani politics and neither have my children. They are low- key private individuals who are not even on social media. https://t.co/REB4u5ncqa
— Jemima Goldsmith (@Jemima_Khan) April 15, 2022
حامد میر کے ٹوئٹ پر جمائما نے جواب دیتے ہوئے کہا فرق صرف یہ ہے کہ میرا اور میرے بچوں کا پاکستانی سیاست سے کوئی تعلق نہیں ہے۔
PTI must stop protesting outside the house of @NawazSharifMNS in London and PML-N should not do the same outside the house of @Jemima_Khan those who live in glass houses should not throw stones on others https://t.co/Mce7mge9Xj
— Hamid Mir (@HamidMirPAK) April 15, 2022
لندن میں مقیم سینئر صحافی اظہر جاوید نے ٹوئٹ کی کہ جب عمران خان نے تحریکِ انصاف کے کارکنوں کو نواز شریف کی رہائش گاہ پر حملے کا حکم دیا تو جمائما نے اس وقت اس کی مذمت کیوں نہیں کی۔
اُن کا کہنا تھا کہ جمائما کے بھائی زیک گولڈ اسمتھ اور بین گولڈ اسمتھ بھی پاکستانی سیاست میں مداخلت کرتے رہے ہیں۔
Dear @Jemima_Khan its Imran Khan who has ordered attacks on Sharif family in London, you never condemned it and your bothers @ZacGoldsmith and @BenGoldsmith openly interfering in Pakistani politics. Attacks on Sharifs family homes are Haram too https://t.co/mIvrBVSjXH
— Azhar Javaid (@azharjavaiduk) April 15, 2022
واضح رہے کہ حال ہی میں زیک گولڈسمتھ نے اپنے ٹوئٹر اکاؤنٹ پر عمران خان کی حکومت کے خاتمے پر افسوس کا اظہار کیا جس پر برطانوی حکومت نے ان کے بیان سے فاصلہ اختیار کرتے ہوئے کہا کہ وہ سوچ رہے ہیں کہ آیا ان سے ان کی ٹوئٹ ڈیلیٹ کروائی جائے یا نہیں۔