بالی وڈ کے ' کنگ خان' تقریباً چار برس بعد سلور اسکرین پر انٹری دینے کو تیار ہیں۔اس بار وہ ایک نئے انداز میں فلم میں نظر آئیں گے جس کا مداح بے صبری سے انتظار کر رہے ہیں۔
شاہ رخ خان نے بدھ کو ایک ٹوئٹ میں اپنی نئی آنے والی فلم 'پٹھان' سے متعلق ایک ویڈیو جاری کی ہے اور اسی کے ساتھ انہوں نے فلم کی ریلیز کا اعلان بھی کیا ہے۔
اداکار نے مداحوں کوکہا کہ "میں جانتا ہوں کہ دیر ہوچکی ہے لیکن یہ تاریخ یاد رکھیں، آپ سب سے 25 جنوری 2023 میں سنیما میں ملتے ہیں۔"
شاہ رخ خان نے یہ بھی بتایا کہ ان کی فلم ہندی، تامل اور تیلگو زبان میں ریلیز کی جائے گی۔
I know it’s late… But remember the date… Pathaan time starts now… See you in cinemas on 25th January, 2023. Releasing in Hindi, Tamil and Telugu. Celebrate #Pathaan with #YRF50 only at a big screen near you. @deepikapadukone |@TheJohnAbraham | #SiddharthAnand | @yrf pic.twitter.com/dm30yLDfF7
— Shah Rukh Khan (@iamsrk) March 2, 2022
فلم کی ہدایت سدھارتھ انند نے دی ہے جب کہ فلم میں شاہ رخ خان کے ساتھ اداکارہ دیپیکا پڈوکون اور جان ابراہم ایکشن میں نظر آئیں گے۔
'پٹھان' کی پہلی جھلک میں فلم ایکشن اور سنسنی سے بھرپور نظر آ رہی ہے جب کہ بھارتی ذرائع ابلاغ کے مطابق فلم میں شاہ رخ خان ایک جاسوس کا کردار ادا کر رہے ہیں۔
فلم کی مختصر جھلک میں دیکھا جا سکتا ہے اداکارہ دیپیکا اور جان ابراہم شاہ رخ خان کے کردار کا تعارف کرا رہے ہیں جو اپنے ملک کا محافظ ہے۔
ٹریلر میں شاہ رخ خان کو لمبے بالوں میں دیکھا جا سکتا ہے جو بظاہر خاصا منفرد کردار لگ رہا ہے۔
اداکار شاہ رخ خان کی چار برس بعد فلم کی ریلیز کے اعلان پر ان کے چاہنے والوں کی جانب سے بھی ردِ عمل سامنے آ رہا ہے۔
منوج نامی ایک ٹوئٹر صارف نے فلم کے ٹریلر پر کہا کہ"ویلکم بیک کنگ شاہ رخ خان۔"
WELCOME BACK KING SRK#ShahRukhKhan #Pathan pic.twitter.com/p4pb7JyrZG
— Manobala Vijayabalan (@ManobalaV) February 22, 2022
بھارتی گلوکار اور موسیقار امل ملک نے کہا کہ "ہمارے کنگ نے سلور اسکرین پر شاندار انداز میں واپسی کا اعلان کیا ہے، ہم سب پٹھان سے بہت جلد ملیں گے۔"
Our King @iamsrk announces his arrival to the big screen in such a boss vibe 🔥♥️#Pathaan se milenge hum sab bohot jald…Bas Thodi Der Aur !PS : Are you even an #Srkian if you don’t pause the vid 10 times for this shot 🤘🏻💥 pic.twitter.com/wxkLGQx9Am
— Amaal Mallik (@AmaalMallik) March 2, 2022
ڈاکٹر شیخ آمنہ نامی صارف کہتی ہیں کہ کنگ خان' پٹھان' کی ریلیز کے ساتھ واپس آ گیا ہے۔
King Khan is back with a bang .. #Pathan releasing on 25 January 2023 .. Poster out .. #ShahRukhKhan pic.twitter.com/tHYTIv1ktc
— Dr.Sheikh Aamina #GetVaccinated #MaskUpIndia 🇮🇳 (@Drsheikhamina) March 2, 2022
یاد رہے کہ شاہ رخ خان آخری بار سال2018 میں فلم 'زیرو' میں نظر آئے تھے۔ 'زیرو' میں شاہ رخ خان کے ساتھ اداکارہ کترینہ کیف اور انوشکا شرما نے اداکاری کے جوہر دکھائے تھے تاہم یہ فلم باکس آفس پر کامیابیاں سمیٹنے میں ناکام رہی تھی۔
بھارتی اخبار 'ہندوستان ٹائمز' کے مطابق اداکار شاہ رخ خان گزشتہ چند برسوں سے پروڈکشن کی سرگرمی میں مصروف تھے۔ سن 2020 میں انہوں نے اپنے پروڈکشن ہاؤس 'ریڈ چیلیز انٹرٹینمنٹ' کے بینر تلے دو فلمیں 'کامیاب' اور 'کلاس آف 83' پروڈیوس کی تھیں۔
سال 2021 میں 'ریڈ چیلیز انٹرٹینمنٹ' کی پروڈکشن میں فلم 'بوب بسواس' ریلیز ہوئی تھی جس میں ابھیشیک بچن نے اداکاری کی تھی۔
علاوہ ازیں اداکارہ دیپیکا پڈوکون کو آخری بار او ٹی ٹی پلیٹ فارم 'ایمیزون پرائم' پر حال ہی میں آنے والی فلم 'گہرائیاں' میں دیکھا گیا ہے۔ اداکارہ اس سے قبل شاہ رخ خان کے ساتھ 'اوم شانتی اوم'، 'چنائی ایکسپریس' اور 'ہیپی نیو ایئر' میں کام کر چکی ہیں۔