انگلش کاؤنٹی میں ہمپشائر کے فاسٹ بالر شاہین شاہ آفریدی نے مڈل اسیکس کے خلاف ایک اوور میں چار گیندوں پر چار وکٹیں حاصل کر کے ٹیم کی جیت میں اہم کردار ادا کیا ہے۔
دونوں ٹیموں کے درمیان اتوار کو ساؤتھمپٹن میں مقابلہ ہوا جس کے دوران ہمپشائر نے پہلے بیٹنگ کرتے ہوئے مقررہ اوورز میں نو وکٹوں کے نقصان پر 141 رنز بنائے۔
ہدف کے تعاقب میں مخالف ٹیم شروع سے ہی مشکلات میں گھری رہی اور پوری ٹیم 121 رنز پر ڈھیر ہو گئی۔
مڈل اسیکس کا آغاز مایوس کن رہا اور اس کی وکٹیں وقفے وقفے سے گرتی چلی گئیں اور آدھی ٹیم 55 کے مجموعی اسکور پر پویلین لوٹ گئی۔
🔥🔥🔥🔥pic.twitter.com/jYjQEwGymD
— ICC (@ICC) September 20, 2020
میچ اس وقت دلچسپ صورتِ حال اختیار کر گیا جب اٹھارویں اوور میں شاہین آفریدی نے چار گیندوں پر چار وکٹیں حاصل کیں۔ اس طرح مڈل اسیکس کی پوری ٹیم 121 رنز پر ڈھیر ہو گئی۔
شاہین آفریدی نے اپنے چوتھے اوور میں نہ صرف چار گیندوں پر چار وکٹیں حاصل کیں بلکہ اپنی ہیٹ ٹرک بھی کی۔
انہوں نے میچ میں مجموعی طور پر 19 رنز کے عوض چار اوورز میں چھ وکٹیں حاصل کیں۔ بہترین کارکردگی پیش کرنے پر شاہین آفریدی کو 'مین آف دی میچ' کے اعزاز سے نوازا گیا۔
ٹوئٹر صارفین شاہین آفریدی کی اس کارکردگی پر اُنہیں سراہ رہے ہیں۔
بلال رضا نامی صارف کہتے ہیں کہ ایک اور آفریدی 'بوم بوم' کا ٹائٹل حاصل کرنے کے لیے راستے میں ہے۔
🔥 1 1 W W W W 🔥Shaheen Afridi picked up four wickets in four balls to power Hampshire to victory over Middlesex in #Blast20 🤯He returned exceptional figures of 6/19 💫 pic.twitter.com/05qOupT3PU
— ICC (@ICC) September 20, 2020
صدام حسین نامی ٹوئٹر صارف نے شاہین آفریدی کی کارکردگی کی تعریف کرتے ہوئے کہا کہ پاکستان آپ پر فخر کرتا ہے۔
Pakistan Proud of you Champion ❤️
— Saddam Hussain Mastoi🇵🇰 (@saddam_mastoi) September 21, 2020
راجیش نامی ٹوئٹر صارف کہتے ہیں کہ شاہین شاہ آفریدی پاکستان کرکٹ ٹیم کے مستقبل ہیں۔
Future of PAK team..Shaaaaheeen..
— Rajesh K (@RajeshK60531571) September 20, 2020