بھارت میں جاری کرکٹ کے میگا ایونٹ میں دوسرا اپ سیٹ ہونے کے بعد وہ ٹیمیں جنہیں ایونٹ سے قبل فیورٹ قرار دیا جا رہا تھا وہ کچھ پریشان دکھائی دے رہی ہیں۔
ایونٹ سے قبل فیورٹ ٹیموں میں شامل ہونے والی جنوبی افریقی ٹیم کو نیدرلینڈز نے منگل کو کھیلے جانے والے میچ میں38 رنز سے شکست دے کر سب کو حیران کردیا۔
بھارتی شہر دھرمشالہ میں کھیلے گئے میچ میں نیدرلینڈز نے کامیابی سے 246 رنز کے ہدف کا دفاع کیا، جنوبی افریقہ کی پوری ٹیم صرف 207 رنز بناکر آؤٹ ہوئی۔
اس کامیابی کے ساتھ ہی نیدرلینڈز نے نہ صرف دو قیمتی پوائنٹس حاصل کرلیے بلکہ دوسرے مخالفین کے لیے خطرے کی گھنٹی بھی بجا دی ہے۔
اس وقت پوائنٹس ٹیبل کی صورتِ حال اس لیے بھی دلچسپ ہے کیوں کہ تمام ٹیمیں تین تین میچز کھیل چکی ہیں۔ پہلے دو نمبروں پر ایونٹ کی دو ناقابلِ شکست ٹیمیں میزبان بھارت اور نیوزی لینڈ چھ، چھ پوائنٹس کے ساتھ موجود ہیں ۔
نیدرلینڈز سے اپ سیٹ شکست کے باجود جنوبی افریقہ کا چار پوائنٹس کے ساتھ تیسرا نمبر ہے۔ چوتھی پوزیشن پر موجود پاکستان کے بھی چار پوائنٹس ہیں جس کے بعد پانچ ٹیمیں دو، دو پوائنٹس کے ساتھ نمبر پانچ سے نو تک موجود ہیں۔
India and New Zealand are the early pacesetters as other sides start making their moves 👊Which teams will secure a critical top-four spot at #CWC23? pic.twitter.com/afZd4U10jT
— ICC (@ICC) October 18, 2023
ان ٹیموں میں دفاعی چیمپئن انگلینڈ پانچویں اور پانچ مرتبہ کی چیمپئن آسٹریلیا نویں نمبر پر ہے۔افغانستان، بنگلہ دیش اور نیدرلینڈز چھٹے سے آٹھویں نمبر پر قابض ہیں۔
ایونٹ میں سری لنکا وہ واحد ٹیم ہے جس نے ابھی تک کوئی میچ نہیں جیتا۔ بدھ کو افغانستان کا مقابلہ نیوزی لینڈ سے ہو گا جس نے انگلینڈ کو شکست دے کر ورلڈکپ 2023 کا پہلا اپ سیٹ کیا تھا۔
جنوبی افریقہ کو شکست کس طرح ہوئی؟
منگل کو ہونے والا میچ بارش کی وجہ سے 43، 43 اوورز تک محدود کیا گیا جس کا نیدرلینڈز نے بھرپور فائدہ اٹھایا۔ ڈچ ٹیم کے کپتان اسکاٹ ایڈورڈز کی ذمہ دارانہ بیٹنگ کی وجہ سے وہ جنوبی افریقہ کے خلاف آٹھ وکٹ پر 245 رنز بنانے میں کامیاب ہوئے۔
اسکاٹ ایڈورڈز نے صرف 69 گیندوں پر دس چوکوں اور ایک چھکے کی مدد سے 78 رنز کی ناقابلِ شکست اننگز کھیلی جس نے ان کی ٹیم کو سات وکٹوں پر 140 رنز سے 245 تک پہنچانے میں اہم کردار ادا کیا جب کہ وین ڈر مروے نے 29 اور آریان دت نے 23 ناٹ آؤٹ کی اننگز کھیل کر کپتان کا بھرپور ساتھ دیا۔
جنوبی افریقہ کی ٹیم کی جانب سے نگیڈی، مارکو ہینسن اور ربادا نے 2، 2 وکٹیں اپنے نام کیں لیکن ڈچ ٹیم کو آل آؤٹ نہ کرسکے۔
South Africa succumb to their first-ever Men%27s ODI loss against a non-Test playing nation 😯Details 👇#CWC23 | #SAvNEDhttps://t.co/iOURpG9nuA
— ICC Cricket World Cup (@cricketworldcup) October 17, 2023
جواب میں جنوبی افریقی ٹیم آغاز سے ہی مشکلات کا شکار رہی اور کوئی بھی بلے باز نیدرلینڈز کی بالنگ کے سامنے ڈٹ کر نہ کھیل سکا۔
ڈیوڈ ملر 43 اور کیشو مہاراج 40 رنز کے ساتھ سب سے زیادہ رنز بنانے والے بلے بازوں میں شامل تھے۔
جنوبی افریقہ کو 43ویں اوور میں 207 رنز تک محدود کرنے میں سب سے بڑا ہاتھ لوگن وین بیک کا تھا جنہوں نے ساٹھ رنز کے عوض تین کھلاڑیوں کو واپس پویلین بھیجا۔ وین میکرین، وین ڈر مروے اور ڈی لیڈے نے دو دو وکٹوں کے ساتھ ان کا بھرپور ساتھ دیا۔
ڈچ کپتان اسکاٹ ایڈورڈز کو ان کی شاندار بیٹنگ پر میچ کا بہترین کھلاڑی قرار دیا گیا۔
ون ڈے کرکٹ ورلڈ کپ میں یہ پہلا موقع تھا جب نیدرلینڈز کی ٹیم نے جنوبی افریقہ کو شکست دی، لیکن گزشتہ سال ٹی ٹوئنٹی ورلڈ کپ میں بھی یہ کارنامہ انجام دے چکی ہے۔
نیدرلینڈز کی کامیابی پر دلچسپ تبصرے
نیدرلینڈز کی کامیابی پر کئی سابق کرکٹرز نے ٹیم کو مبارک باد دی جس میں سچن ٹندولکر کا نام سرفہرست ہے۔
ڈچ کپتان اسکاٹ ایڈورڈز کی تعریف کرتے ہوئے سچن نے کہا کہ اسکاٹ ایڈورڈز کی اننگز کی وجہ سے ٹیم کا مورال بلند ہوا اور انہوں نے یہ تاریخی کامیابی حاصل کی۔
This World Cup is throwing up interesting results!Was nice to see the Netherlands Captain Scott Edwards lead from the front with a fighting knock after they were 140/7 at one stage. What pleased me the most about them in the field was how they put the SA batters under pressure… pic.twitter.com/5YeQCyvJqo
— Sachin Tendulkar (@sachin_rt) October 17, 2023
سابق بھارتی کرکٹر سنجے منجریکر نے اورنج کو 'بگ بوائیز کلب' کا نیا رنگ قرار دیا۔
After the blue, the green, the black, the green & gold & the maroon, the new colour is ORANGE in the big boys club!👏👏👏👏#Netherlands #WorldCup2023
— Sanjay Manjrekar (@sanjaymanjrekar) October 17, 2023
جنوبی افریقہ کے خلاف اپ سیٹ شکست پر سابق کرکٹرز کی طرح سوشل میڈیا صارفین بھی خوش تھے جنہوں نے میمز شئیر کرکے ڈچ ٹیم کی اس تاریخی فتح کو سراہا۔
ایک صارف نے جہاں وین ڈر مروے کی جنوبی افریقہ اور نیدرلینڈز کی جرسیوں میں جشن مناتے ہوئے تصویر لگائی۔وہیں ایک اور صارف نے جنوبی افریقہ کےکپتان کی تولیہ پہنے تصویر شئیر کرتے ہوئے لکھا کہ اگر ڈی جے واکا واکا گانا لگاتا تو نتیجہ ان کے حق میں جاسکتا تھا۔
#SAvsNED #SAvNED Temba Bavuma said 🗣️: It didn’t seem like an ICC event tonight, lets be brutally honest. It seemed like a bilateral series, organised by the Dutch. I didn’t hear “Waka Waka” and DJ was only keen on playing “dutch songs ” . So yes, that does play a role. pic.twitter.com/hEyHdJurww
— 👌👑⭐ (@kingsuper1816) October 17, 2023
ایک اور صارف نے تو ڈچ بالر پال میکرین کی وہ پوسٹ شئیر کی جس میں تین سال قبل انہوں نے بتایا تھا کہ وہ فوڈ دلیوری ایپ کے لیے کام کررہے ہیں۔
From Delivering Foods to Delivering History. Well done Paul.#SAvsNED @KNCBcricket pic.twitter.com/ntc9kQvD1w
— Farrago Abdullah Parody (@abdullah_0mar) October 17, 2023
ایک صارف نے گزشتہ سال ڈچ ٹیم کی جنوبی افریقہ کے خلاف کامیابی اور اس ایونٹ میں فتح کو ایک بالی وڈ فلم کے میم کے ذریعے بیان کیا۔
Netherlands against South Africa 🤭#SAvNED #ODIWorldCup2023 #ICCWorldCup2023 #SAvsNED pic.twitter.com/euWudcpQCA
— RVCJ Media (@RVCJ_FB) October 17, 2023
تو کسی نے ویب سیریز مرزا پور کا ڈائیلاگ لگا کر ڈچ ٹیم سے منسوب کیا۔
— 𝐃𝐊🚩 (@bholifiedDK_18) October 17, 2023