قطر میں جاری فٹ بال ورلڈ کپ کے ایک میچ میں سعودی عرب نے ٹورنامنٹ کی ہاٹ فیورٹ ٹیم ارجنٹائن کو ایک کے مقابلے میں دو گول سے شکست دے کر سب کو حیران کر دیا ہے۔
قطر کے شہر لوسیل میں کھیلے گئے اس معرکے میں لیونل میسی کا جادو نہ چل سکا اور وہ شکست کے بعد افسردہ دکھائی دیے۔
اس میچ میں ایک طرف عالمی رینکنگ میں نمبر تین پر موجود ارجنٹائن فٹ بال ٹیم تھی تو دوسری طرف 51ویں نمبر پر موجود سعودی عرب، میچ کے دسویں منٹ میں ہی لیونل میسی نے شان دار گول اسکور کرکے ٹیم کو برتری دلائی جو پہلے ہاف کے اختتام تک قائم رہی۔
لیکن سعودی ٹیم دوسرے ہاف میں کسی الگ ہی موڈ میں نظر آئی۔ صالح الشہری نے بریک سے واپس آتے ہی پہلے تو میچ کا اسکور برابر کیا جسے پانچ منٹ بعد ہی سالم الدوسری نے دو ایک کی برتری میں بدل دیا۔
ارجنٹائن کی ٹیم نے ایک گول کے خسارے میں جانے کے بعد مخالف گول پر کئی حملے کئی لیکن سعودی گول کیپر ال اویس نے ان کی ہر کوشش ناکام بنادی۔
سعودی عرب کے بادشاہ سلمان بن عبدالعزیز نے تاریخی کامیابی پر بدھ کو ملک بھر میں تعطیل کا اعلان کر دیا ہے۔
#BREAKING: King Salman orders that tomorrow, Wednesday, will be a holiday for all employees in public and private sectors as well as for students in all phases of education, in celebration of #SaudiArabia%27s stunning victory against Argentina in #WorldCup2022 pic.twitter.com/LaLtW5cycd
— Saudi Gazette (@Saudi_Gazette) November 22, 2022
یہ ورلڈ کپ میں سعودی عرب کی ارجنٹائن کے خلاف نہ صرف پہلی بڑی کامیابی ہے بلکہ 1994 میں بیلجیم کو شکست دینے کے بعد کسی بڑی ٹیم کےخلاف پہلی فتح ۔
Saudi Arabia beat Argentina. @adidasfootball | #FIFAWorldCup
— FIFA World Cup (@FIFAWorldCup) November 22, 2022
اپنا آخری ورلڈ کپ کھیلنے والے 35 سالہ لیونل میسی سمیت تمام ارجنٹائن کے کھلاڑی دوسرے ہاف میں آف کلر نظر آئے۔
یہ پہلا موقع نہیں جب ارجنٹائن کی ٹیم کوکسی نسبتاً کمزور ٹیم نے اپ سیٹ شکست دی ہو، 1990 میں جب وہ دفاعی چیمپئن تھے تب انہیں کیمرون نےا یک صفر سے ہرا کر سب کو حیران کردیا تھا۔
🔆 UPSETS!There is nothing to upset in the Qatar 2022 opening match today, but down in history...⚽️ Cameroon beat defending champs Argentina 1-0 #Italy1990⚽️ Senegal beat champs France 1-0 in Japan/Korea 2002https://t.co/xYbdfhtKKJ#FromTheArchives #WorldCupTales pic.twitter.com/LNjwTzvFCC
— Louis Jadwong (@Jadwong) November 20, 2022
اس ٹیم کے کپتان ڈیاگو میراڈونا تھے جو چار سال قبل اپنی ٹیم کو ورلڈ چیمپئن بناچکے تھے ۔لیکن تب بھی ان کا پہلا میچ اپ سیٹ شکست پر ختم ہوا تھا اور آج بھی نتیجہ زیادہ مختلف نہیں۔قابلِ ذکر بات یہ ہے کہ اس شکست کے باوجود ارجنٹائن کی ٹیم نے ورلڈ کپ کا فائنل کھیلا جہاں انہیں مغربی جرمنی کے ہاتھوں شکست ہوئی۔
اگر تاریخی اپ سیٹ کی بات کی جائے تو 1950 میں کھیلا گیا انگلینڈ اور امریکہ کا میچ سرِفہرست آئے گا۔اس میچ کے بعد کہا جاتا ہے کہ انگلینڈ کے صحافیوں کو یقین ہی نہیں آیا کہ امریکی کی سیمی پروفیشنل ٹیم نے انگلینڈ کی مضبوط ٹیم کو شکست دی کیوں کہ ان کے خیال میں اسکورلائن دس صفر ہونی چاہیے تھی۔
Today we celebrate the birthday of Frank Borghi (%2776) whose goalkeeping was crucial in the United States%27 1-0 upset over England in the 1950 World Cup. pic.twitter.com/vYtWu3J15d
— National Soccer HOF (@soccerhof) April 9, 2018
سولہ سال کے بعد سابق چیمپئن اٹلی کو شمالی کوریا نے ایک صفر سے ہرا کر ایونٹ سے باہر کردیا تھا۔
In the 1966 World Cup, North Korea beat Italy 1-0, kicking them out of the group stage. pic.twitter.com/9LPxQNT3GV
— What The F*** Facts (@WhatTheFFacts) June 13, 2014
سن 1982 میں شمالی آئرلینڈ نے اسپین کو ایک سخت مقابلے کے بعد ایک صفر سے شکست دے کر اپ سیٹ کیا تھا۔
سن 1994 میں بھی دفاعی چیمپئن مغربی جرمنی کو بلغاریہ نے اسٹوئچ کوو کی شان دار کارکردگی کی بدولت دو ایک سے شکست دی تھی۔
On this day in 1994, Bulgaria stunned reigning champs Germany with a 2-1 World Cup quarterfinal win at Giants Stadium pic.twitter.com/5jJZQYYKtA
— ESPN FC (@ESPNFC) July 10, 2014
اسی سال آئرلینڈ کا اٹلی کو ایک صفر سے ہرانا،آج بھی سب سے بڑے اپ سیٹس میں شمار ہوتا ہے۔
Who’s missing?Ten players in the Republic of Ireland team photo on the day they beat Italy 1-0 at #USA94 in Giants Stadium #OnThisDay in 1994.https://t.co/gj8AmMCDCF pic.twitter.com/1JUcuWW2cO
— sportsfile (@sportsfile) June 18, 2020
سن 2002 میں میزبان جنوبی کوریا نے اٹلی کو ایک کے مقابلے میں دو گول سے ہرا کر اپ سیٹ شکست سے دو چار کیا تھا۔
3⃣️South Korea 2-1 Italy (2002)"Guus Hiddink%27s side were dauntless, pacey and thrillingly unorthodox..." pic.twitter.com/CjipyEjXjE
— FourFourTwo (@FourFourTwo) July 10, 2017
دفاعی چیمپئن فرانس کو 2002 کے ورلڈ کپ سے باہر کرنے میں جتنا ہاتھ ڈنمارک سے شکست کا تھا، اتنا ہی سینیگال کے خلاف ایک صفر سے ناکامی کا بھی، ان دو میچوں میں شکست نے فرانس کو ایونٹ ہی سے باہر کردیا تھا۔
1 - The only team to win the World Cup after losing their opening game were Spain in 2010 (1-0 defeat to Switzerland in their opener). Hope. #WM2018 #GERMEX pic.twitter.com/GjUP7pjD5Y
— OptaFranz (@OptaFranz) June 18, 2018
سن 2010 میں اسپین نے ورلڈ کپ کا ٹائٹل تو اپنے نام کیا تھا لیکن انہیں سوئٹزرلینڈ کے ہاتھوں ایک صفر سے جو شکست ہوئی تھی اسے شائقین آج تک بھلا نہیں سکے۔