بھارتی ٹینس کھلاڑی ثانیہ مرزا کی دو سال کے وقفے کے بعد کامیابی کے ساتھ دوبارہ ٹینس کورٹ میں واپسی ہوئی ہے۔
منگل کو انہوں نے اپنی ساتھی کھلاڑی نادیہ کیچونک کے ہمراہ ہوبارٹ انٹرنیشنل ٹورنامنٹ کے ویمنز ڈبلز کوارٹر فائنل میں یوکرین کی اوکسانہ کلاشنکوفا اور میو کٹو کو دو چھ، سات چھ (تین) اور دس تین سے شکست دے دی۔
یہ اکتوبر 2017 کے بعد ثانیہ مرزا کا پہلا میچ تھا۔ وہ بیٹے کی ولادت کے سبب دو سال سے ٹینس کورٹ سے دور تھیں۔
Today was one of the most special days of my https://t.co/OmE4Vq7KlQ have my parents and my little baby boy wit me in my first match after so long..and we WON our first round.feel very grateful for the love I am receiving.. BELIEF!! Takes you places 🙃YES my baby boy,we did it💪🏽 pic.twitter.com/xxPQ4E2IFE
— Sania Mirza (@MirzaSania) January 14, 2020
منگل کو ہونے والے میچ میں کامیابی کے فوری بعد انہوں نے اپنے بیٹے ازان کے ساتھ ایک تصویر سوشل میڈیا پر شیئر کی۔
Former world No.1 @MirzaSania makes a winning return to the @WTA, teaming with Nadiia Kichenok to defeat Oksana Kalashnikova and Miyu Kato 2-6 7-6(3) [10-3] #HobartTennis pic.twitter.com/qqCpKEQX87
— Hobart International (@HobartTennis) January 14, 2020
انہوں نے تصویر کے ساتھ اپنی ٹوئٹ میں پیغام دیا کہ آج میری زندگی کا سب سے خاص دن تھا۔ میرے والدین کے ساتھ ساتھ میرے بیٹے نے بھی مجھے سپورٹ کیا۔
ثانیہ مرزا نے کہا کہ وہ مداحوں کی شکر گزار ہیں۔ جنہوں نے اُن کی کھیل میں واپسی پر حمایت کی۔ ثانیہ نے کہا کہ وہ اپنی کامیابی کا کریڈٹ اپنے بیٹے کو بھی دینا چاہتی ہیں۔
بھارتی شہر حیدر آباد دکن سے تعلق رکھنے والی ثانیہ مرزا عالمی سطح پر بھارت کے لیے ٹینس کے میدان میں کئی کامیابیاں سمیٹ چکی ہیں۔
انہوں نے 2010 میں پاکستان کرکٹ ٹیم کے سابق کپتان شعیب ملک سے شادی کی تھی۔
اُن کی شادی کو پاکستان اور بھارت کے ذرائع ابلاغ میں بھرپور کوریج بھی ملی تھی۔