فلم ساز کرن جوہر کی رومینٹک کامیڈی ڈرامہ فلم 'روکی رانی کی پریم کہانی' نے پہلے ہی ویک اینڈ پر بھارت سے 45.9 کروڑ بھارتی روپے کا بزنس کیا ہے جب کہ فلم نے دنیا بھر سے 88.4 کروڑ روپے کمائے ہیں۔
بھارتی اخبار 'انڈین ایکسپریس' نے میڈیا کمپنی 'سیک نلک' کی رپورٹ کا حوالہ دیتے ہوئے بتایا کہ فلم نے ریلیز کے پہلے روز یعنی جمعے کو بھارت سے 11 کروڑ روپے کمائے جب کہ دوسرے روز 16 اور تیسرے روز 19 کروڑ روپے کا بزنس کیا۔
'روکی رانی کی پریم کہانی' کی ہدایات کرن جوہر نے دی ہیں جب کہ اس میں اداکارہ عالیہ بھٹ اور رنویر سنگھ نے مرکزی کردار ادا کیا ہے۔
فلم کی کہانی روکی (رنویر) اور رانی (عالیہ) کے گرد گھومتی ہے جن کے خاندان ایک دوسرے سے بے حد مختلف ہوتے ہیں۔
روکی اور رانی کو ایک دوسرے سے محبت ہو جاتی ہے اور ان کے اس رشتے کو گھر والوں کی طرف سے مزاحمت کا سامنا کرنا پڑتا ہے۔
*#RockyAurRaniKiPremKahani India Net CollectionDay 3: 18.75 CrTotal: 45.9 CrIndia Gross: 54.4 CrDetails: https://t.co/znG1X6X7Bo*
— Sacnilk Entertainment (@SacnilkEntmt) July 31, 2023
'انڈین ایکسپریس' کے مطابق 'روکی رانی کی پریم کہانی' رواں برس کے ویک اینڈ پر سب سے زیادہ بزنس کرنے والی بالی وڈ فلموں میں چوتھے نمبر پر آ گئی ہے۔
ان فلموں کی فہرست میں پہلے نمبر پر شاہ رخ خان کی فلم 'پٹھان'، دوسرے نمبر پر سلمان خان کی فلم 'کسی کا بھائی کسی کی جان' اور تیسرے نمبر پر پرابھاس کی فلم 'آدی پرش' ہے۔
مووی کریٹک کمال آر خان نے اپنے ایک ٹوئٹ میں تبصرہ کیا کہ "روکی رانی کی پریم کہانی نے اس ویک اینڈ پر 45 کروڑ کا بزنس کیا ہے۔ اس کا مطلب ہے کہ فلم 100 کروڑ روپے تک کما سکتی ہے جو ایک ہٹ فلم کی نشاندہی کرتی ہے۔"
Film “Rocky Aur Rani Ki Prem Kahani” has done ₹45Cr+ business during the weekend, means film will do lifetime business ₹100Cr+ as I said in my review. Means it’s a HIT. And Karan Johar is winner. Because Ranveer Singh’s last 3 films were disasters.
— KRK (@kamaalrkhan) July 31, 2023
ایک اور نقاد ترن آدرش نے فلم کو چار اسٹارز دیے ہیں اور اسے تفریحی سے بھر پور فلم قرار دیا ہے۔
#OneWordReview...#RockyAurRaniKiiPremKahaani: TERRIFIC.Rating: ⭐️⭐️⭐️⭐️#KaranJohar gets it right with #RRKPK… Well-packaged entertainer that encompasses drama, emotions, romance, music seamlessly… #RanveerSingh fantastic, #AliaBhatt superb… Has merits to emerge a success… pic.twitter.com/SkSdVVkgNz
— taran adarsh (@taran_adarsh) July 27, 2023
فلمی تجزیہ کار 'جیمس آف بالی وڈ' نے فلم پر تنقید کرتے ہوئے اسے بے کار قرار دیا۔
Let us accept it. The film is yet another disaster despite offering free tickets. We had reviewed the film #RockyAurRaniKiiPremKahaani and had recommended to watch it ONLY if you hate your brain and wish to be brain-dead.Vishuddh kachra https://t.co/VKkAszqGaZ
— Gems of Bollywood बॉलीवुड के रत्न (@GemsOfBollywood) July 29, 2023
بالی وڈ میں 11 اگست کو دو بڑی فلمیں ریلیز کے لیے تیار ہیں جن میں اکشے کمار کی 'او ایم جی ٹو' اور سنی دیول کی 'غدر ٹو' شامل ہیں۔