پاکستان میں پیٹرول کی قیمت تاریخ میں پہلی مرتبہ 200 روپے فی لیٹر سے زیادہ ہو گئی ہے۔ فیول کی قیمتوں میں دو ہفتوں کے دوران دوسری مرتبہ اضافہ کیے جانے پر جہاں مہنگائی کی نئی لہر کے خدشے کا اظہار کیا جا رہا ہے وہیں بعض حلقوں کا کہنا ہے کہ سزا صرف عام عوام کو نہیں ملنی چاہیے سب کو قربانی دینی چاہیے۔
سوشل میڈیا پر صارفین فیول کی قیمتوں میں اضافے پر شدید ردِ عمل کاا ظہار کر رہے ہیں۔ بعض کا خیال ہے کہ مقتدر حلقے اصلاحات کے نام پر عوام پر بوجھ نہ ڈالیں جب کہ بعض صارفین مختلف میمز کے ذریعے پیٹرول کی بچت کرنے کی ترکیبیں بھی بتا رہے ہیں۔
خیال رہے کہ جمعے سے پاکستان بھر میں پیٹرول 209 روپے 86 پیسے، ڈیزل 204.15 روپے فی لیٹر، لائٹ ڈیزل 178 روپے 03 پیسے جب کہ مٹی کا تیل 181.94 روپے فی لیٹر میں دستیاب ہے۔
حکومت نے پیٹرول و ڈیزل کی قیمتوں میں یک مشت 30 روپے اضافہ کیا ہے۔ اس سے قبل27 مئی کو بھی پیٹرولیم مصنوعات کی قیمتوں میں 30 روپے اضافہ کیا گیا تھا۔
صحافی کامران یوسف کہتے ہیں "غلط معاشی پالیسیوں اور اصلاحات کے نام پر سزا صرف عوام کو نہیں ملنی چاہیے۔ اس ملک میں ایلیٹ کو کبھی ٹیکس کی مد میں اور کبھی سبسڈی کی مد میں اربوں کی مراعات دی جاتی ہے وہ سب واپس ہونی چاہیے۔ سرکاری تیل مفت میں جو افسران، وزرا کو دیا جاتا ہے وہ بھی بند ہونا چاہیے۔ سب قربانی دیں۔"
غلط معاشی پالیسیوں اور اصلاحات کے نام پر سزا صرف عوام کو نہیں ملنی چاہیے۔ اس ملک میں ایلیٹ جس کو کبھی ٹیکس کی مد میں اور کبھی سبسڈی کی مد میں اربوں کی مراعات دی جاتی ہے وہ سب واپس ہونی چاہیے۔ سرکاری تیل مفت میں جو افسران، وزرا کو دیا جاتا ہے وہ بھی بند ہونا چاہیے۔ سب قربانی دیں
— Kamran Yousaf (@Kamran_Yousaf) June 2, 2022
اسی قسم کا تبصرہ حکومت میں شامل جماعت پاکستان پیپلز پارٹی کے رہنما سینیٹر مصطفیٰ نواز کھوکھر نے کیا اور کہا کہ سیاسی، عسکری اور عدلیہ پر مشتمل اشرافیہ کی ناکامی کی قیمت پاکستان کا عام آدمی کیوں برداشت کرے؟ اس مذاق کو اب ختم ہونا چاہیے۔
انہوں نے کہا کہ اگر ایک عام شخص پر یہ دباؤ ڈالا جائے کہ وہ اپنی کمر کس لے تو سیاست دانوں، جرنیلوں، ججز اور سینئر بیوروکریٹس کو حاصل مراعات واپس لے لینی چاہئیں۔
Why should common folk shoulder the failures of political, military & judicial elite? This joke has to end. If common man is forced to tighten his belt then pays of politicians, generals, judges & senior bureaucrats should b halved & all perks withdrawn including free utilities.
— Mustafa Nawaz Khokhar (@Mustafa_PPP) June 2, 2022
فیصل کھوکھر نامی صارف نے ایک تانگے میں سوار بچوں کی تصویر شیئر کرتے ہوئے اس پر لکھا کہ پیٹرول کی قیمت میں دو مرتبہ 30 روپے اضافے کے بعد 30 برس پیچھے چلے جاتے ہیں۔
LETS MOVE 30 YEARS BACK with double INCREASE Of RS 30 IN #petrolPrice #Petrol pic.twitter.com/R3xKYk6XjW
— Faysal Khokhar (@faysalkhokhar) June 2, 2022
عمیر نامی صارف نے سائیکل، لالٹین اور ہاتھ والے پنکھے کی تصویر شیئر کرتے ہوئے اس پر تبصرہ کیا کہ پرانے پاکستان میں خوش آمدید۔
Welcome back to Puranaa Pakistan #PetrolDieselPrice#امپورٹڈ_مہنگائی_ریجیکٹڈ#امپورٹڈ_حکومت_نامنظور#Petrol pic.twitter.com/VS54VB3D6n
— Umair.K 🇵🇰 (@ualamk786) June 2, 2022
ایک میم میں گاڑی کے فیول ٹینک کے ڈھکن پر تالا لگا دیکھا جا سکتا ہے جس پر صارف نے تبصرہ کیا کہ کوئی چانس نہیں لے سکتے۔
Taking no chances.#Petrol pic.twitter.com/zaHn8fJ3uJ
— METAMASK (@aaeevvrr) June 2, 2022
نقاش علی نامی ٹوئٹر صارف نے سائیکل اور موٹربائیک کی فروخت کی میم شیئر کی جس میں موٹر بائیک کی قیمت 1500 روپے اور سائیکل کی 30 ہزار روپے رکھی گئی ہے۔
After #Petrol prices pic.twitter.com/drSp5lLQUv
— Naqash Ali (@NaqashA99233920) June 2, 2022
حسن کاظمی نے اس میم پر تبصرہ کیا کہ پبلک سروس میسج ۔
A public service message #Petrol pic.twitter.com/2noxUmvBOO
— Hassan Kazmi (@hassanraza65) June 2, 2022
افشاں طیب کہتی ہیں جب آپ اپنی امی کو یہ بتائیں کہ حکومت نے پیٹرول پر 60 روپے اضافہ کیا ہے اور اب پیٹرول 210 روپے کا ہو گیا ہے تو۔ اس طرح ہوتا ہے۔ میم پر کچھ اس طرح لکھا تھا "پیٹرول تو بیٹا کچھ دنوں میں اتنی اتنی تھیلیوں میں سونار کی دکان پے بکے گا۔"
When you tell your mom how Govt has increased #Petrol prices by Rs 60 per litre and it%27s 210 rupees litre now. pic.twitter.com/sDBG7QBudD
— Afshan Tayyab (@QueenAfshan_) June 2, 2022
فیول کی قیمتوں میں اضافے پر ذیشان نامی صارف تو اتنے ناراض ہوئے کہ انہوں نے فلم 'پی کے' کے پوسٹر کی ایک میم شیئر کی جس پر لکھا تھا "ای گولا اب رہنے لائق نہیں رہا"
Me after hearing the new price of petrol 🌚#Petrol pic.twitter.com/lQlwwHX3jW
— ZeeShan :) 👽 👿 (@Zehreela43) June 2, 2022
جنید اکبر نے لکھا کہ چلے اپنی کار کو پیٹرول سے آزاد کار سے تبدیل کرتے ہیں۔
Let%27s switch to this petrol free car....😂😂😂#Petrol pic.twitter.com/DqmxFE4j1T
— Junaid Khawar (@jjkhawar) June 2, 2022
ایک ٹوئٹر صارف نے ہیوی بائیک کو سائیکل میں تبدیل کرنے والی میم شیئر کی اور اس پر تبصرہ کیا کہ اب صورتِ حال کچھ اس طرح کی ہے۔
The government has increased the price of #Petrol to Rs 60 in a few days... #PetrolDieselPrice Situation Right Now. #PetrolPrice Rs 30 pic.twitter.com/YaVAYgWdrT
— Xheikhoo BaBa (@BabaXheikhoo) June 2, 2022