بالی وڈ کی مشہور فلم سیریز 'ڈان' کے تیسرے پارٹ کا ٹیزر ریلیز ہوتے ہی سوشل میڈیا پر ایک نئی بحث کا آغاز ہو گیا ہے اور شائقینِ فلم میں شاہ رخ خان کی جگہ رنویر سنگھ کو کاسٹ کرنے پر مایوسی کا اظہار کر رہے ہیں۔
پروڈکشن کمپنی 'ایکسل انٹرٹینمنٹ' نے منگل کو جاری بیان میں بتایا تھا کہ ڈان تھری میں شاہ رخ خان کی جگہ کسی اور اداکار کو کاسٹ کیا گیا ہے۔ البتہ انہوں نے نام ظاہر نہیں کیا تھا۔
اب بدھ کو ڈان تھری کا ٹیزر جاری کیا گیا جس میں اداکار رنویر سنگھ ڈان کے کردار میں نظر آ رہے ہیں۔
یاد رہے کہ 'ڈان' 2006 میں ریلیز کی گئی تھی جس کی ہدایات فرحان اختر نے دی تھیں۔ یہ سن 1978 کی امیتابھ بچن کی فلم 'ڈان'کا ری میک تھی جس میں شاہ رخ خان اور اداکارہ پریانکا چوپڑا نے مرکزی کردار ادا کیا تھا۔
بعد ازاں 2011 میں 'ڈان ٹو: دی کنگ از بیک' ریلیز کی گئی تھی جس میں شاہ رخ خان اور پریانکا چوپڑا سمیت لارا دتہ، بمن ایرانی اور دیگر نے اداکاری کے جوہر دکھائے تھے۔
البتہ اب فلم کے تیسرے پارٹ میں رنویر سنگھ اڈان ہیں جب کہ دیگر کاسٹ کے نام ابھی تک سامنے نہیں آئے ہیں۔
فلم کے ٹیزر پر شائقین کی جانب سے مختلف آرا سامنے آ رہی ہیں۔ کوئی اس فلم میں شاہ رخ کی جگہ رنویر سنگھ کو کاسٹ کرنے پر ناراض ہے تو کوئی کہہ رہا ہے کہ شاہ رخ خان کے بغیر فلم کو بنانے کی ضرورت ہی نہیں تھی۔
بروس وین نامی صارف کہتے ہیں کہ 'شاہ رخ خان کی جگہ کسی اور کو نہیں دیکھ سکتا۔'
Cant imagine others in place of srk pic.twitter.com/n5iBWQVxwb
— Bruce Wayne (@Sep28th2023) August 9, 2023
ایک اور صارف کہتے ہیں 'ایک دم سستے سے بھی سستا ڈان۔'
Ekdam sasta se bhi sasta Don 🤣
— Shantanu (@shaandelhite) August 9, 2023
امت کہتے ہیں 'ارے بھائی یہ کیا بنا دیے ہو؟'
Are bhai ye kya bana diye ho🤣
— Amit. (@iOnlyAJ) August 9, 2023
اکشے کہتے ہیں 'ایسی بھی کیا تھی، اس سے اچھا بناتے ہی نہیں۔'
#Don3 without #ShahRukhKhan 😱, aesi bhi kya thi, bro isse acha to nahi bnate.
— akshay (@nonsensetruths) August 9, 2023
ایک اور صارف نے کہا کہ 'اس میں کوئی شک نہیں کہ رنویر سنگھ ایک اچھے اداکار ہیں لیکن شاہ رخ خان کے بغیر ڈان ناممکن ہے۔'
Ranveer is no doubt an excellent actor.. But Don without SRK is just not possible!
— Soumyadeep Paul (@simplesoumya019) August 9, 2023
یانگ گوئی نامی صارف نے رنویر سنگھ کے حوالے سے کہا کہ ان کے پیچھے تو دو ملکوں کی پولیس بھی نہ پڑے۔
Iske peeche toh 2 mulkon ki police bhi na pare
— yang goi (@GongR1ght) August 9, 2023
اشیش شریواستوا نے کہا کہ شاہ رخ خان ہی واحد ڈان ہیں۔
Bakwas! No way it can match the era and legacy which is set up by Shah Rukh Khan the only Don! Even the dialogues are not coming good as our mind intercepting with the original Don 😁
— Ashish Srivastava 🇮🇳 (@ashish_UXplorer) August 9, 2023
نیرو نامی صارف نے رنویر سنگھ کی تعریف کی ہے۔
All the best @RanveerOfficial blockbusters movie 🍿 finger cross
— Neeru (@NSid_1212) August 9, 2023