بالی ووڈ اداکارہ راکھی ساونت اپنے متنازع بیانات کی وجہ سے مشہور ہیں۔ مگر اس بار انہوں نے ایک پریس کانفرس کرتے ہوئے اس بات کا انکشاف کیا ہے کہ دس سال پہلے تنوشری دتہ انہیں ریپ پارٹی میں لے کر گئیں اور وہاں انہیں سگریٹ میں نشہ پلا کر ان کے ساتھ جنسی زیادتی کی گئی تھی۔
راکھی نے کہا کہ "میں یہ بتاتے ہوئے بہت شرمندہ ہوں کہ 12 سال پہلے میرا ریپ کیا گیا اور ریپ کرنے والا کوئی اور نہیں بلکہ تنوشری دتہ تھیں، جو ایک ہم جنس پرست ہیں۔"
انہوں نے کہا کہ "میں یہ بتانا چاہتی ہوں کہ ایسا ایک بار نہیں بلکہ کئی بار کیا گیا۔ راکھی نے کہا کہ گینگ ریپ اور قتل کے خوف کی وجہ سے میں کسی اور کا نام نہیں لینا چاہتی۔"
سابق مس انڈیا تنوشری دتہ تقریباً ایک دہائی بعد منظرِ عام پر آئیں اور اُنہوں نے بتایا کہ انہوں نے فلم 'ہارن اوکے پلیز' کے سیٹ پر بھارتی اداکار نانا پاٹیکر کی جانب سے جنسی ہراساں ہونے کی وجہ سے فلم چھوڑی تھی۔ تاہم اداکار نانا پاٹیکر نے ان الزامات کو مسترد کرتے ہوئے اپنے وکیل کی جانب سے تنوشری دتہ کو قانونی نوٹس ارسال کیا جس میں ان سے معافی مانگنے کا مطالبہ کیا گیا ہے۔
راکھی ساونت کی جانب سے لگائے گئے الزامات کے بعد تنوشری دتہ نے ان پر 10 کروڑ روپے ہرجانے کا دعویٰ کیا ہے جبکہ راکھی ساونت نے جواب میں ان پر 50 کروڑ ہرجانے کے اعلان کے ساتھ انہیں مناظرے کا چیلنج دیتے ہوئے کہا ہے کہ تنوشری ان پر اور نانا پاٹیکر پر لگائے گئے الزامات کے ثبوت پیش کرنے میں کامیاب ہوئیں تو وہ بھارت چھوڑ دیں گی۔
راکھی ساونت کے اس انکشاف کے بعد سوشل میڈیا پر ایک نئی بحث چھڑ گئی ہے۔ کمال خان نے ایک ٹویٹ میں کہا کہ اگر ہم مبینہ زیادتی کے شکار ہر شخص کی بات پر بنا ثبوت کے یقین کرنے لگے تو پھر ہمیں راکھی کی بات بھی سننی پڑے گی۔ وہ باقاعدہ مہم کے تحت اس کی تفصیلات بتا رہی ہیں۔
Rakhi Sawant accused #TanushreeDutta for her rape. If we have to listen to each victim without any proof then we have to listen to her also. She is giving all the details under her #SheToo campaign!
— KRK (@kamaalrkhan) October 24, 2018
ایک اور ٹویٹ میں کسی نے لکھا ہے کہ وہ یہ الزام لگا کر حقیقی طور پر زیادتی کا شکار ہونے والوں کی آواز کو دبا رہی ہیں اور اُن لوگوں کو شرم آنی چاہیے جو راکھی کو ایسا کرنے کی ترغیب دے رہے ہیں۔
She is only making noise to drown out the voices of real victims. And shame on people that are letting her discredit the pain of so many women.
— Rainbowcoloredlife_ (@Rainbow88130691) October 25, 2018
شیفالی ویدیا نے اپنی ٹویٹ میں اُمید ظاہر کی کہ خواتین کے حقوق کے لیے کام کرنے والوں کو یہ یقینی بنانا چاہیے کہ راکھی ساونت اور اُن کی #Metoo کہانی کو کو انصاف ملے۔
#BelieveAllWomen Hope all the twitter feminists work together to ensure that Rakhi Sawant and her #metoo story get justice!! :) https://t.co/6kMsybg3zP
— Shefali Vaidya (@ShefVaidya) October 24, 2018
امیتاب دتہ کہتے ہیں کہ اگر #Metoo کی ہر کہانی پر یقین کر لیا جائے تو بالی وڈ بند ہو جائے گا جو شاید بہتری کے لیے ہی ہو گا۔
If all #meToo stories are to be believed, bollywood will shut down. Maybe for the better
— Amitabh Dutta (@simplydutta) October 24, 2018
سوشل میڈیا پر کچھ لوگوں نے اس بات پر بھی حیرت کا اظہار کیا ہے کہ تنوشری دتہ خود بالی وڈ ایکٹر نانا پاٹیکر پر جنسی ہراس کا الزام لگا چکی ہیں اور اب راکھی ساونت کی طرف سے تنوشری پر زیادتی کا الزام ناقابلِ فہم ہے۔
Metoo# تحریک کی حمایت کرنے والے بہت سے افراد کا کہنا ہے کہ اگر یہ الزام صحیح ہے تو اس کی مکمل چھان بین کی جانی چاہیے اور اگر یہ درست ثابت نہ ہوا تو اس سے Metoo# تحریک کو شدید نقصان پہنچ سکتا ہے۔